CDF/CNA nih fianternak an tuah a herh hrimhrim

Atulio Online ah Ceihmi CDF/CNA pehtlai Thawng Tha Lo – Thantlang peng hrawng ah CDF nih Mara kan unau pakhat (HK ah zung rianttuanmi) an tlaih i ni 3 hnu ah a thi an ti. Falam peng, Thipcang khuami Pi Ca Tial cu CNA ralbawi pakhat nih zurit lung in a kah i a kut a hliamh an ti. CDF nih zurit buin khuami pa pakhat zualhma ngaiin an velh an ti. “CDF/CNA nih a cunglei kong ah fianternak an tuah a herh.

Cathanh zong an chuah a herh. An tuah taktak ko ahcun an tuahnak aruang fekfuan tein an langhter a herh ve lai.” CDF hruaitu hna hi chanthar mino, mifim cathiam lawngte an si ko caah hi bantuk poipang a chuah tik ah zeidah kan tuah a herh ti cu an theih ko lai ka ti. CNA zong kum caan saupi hriam a tlai cangmi an si i, an ralkap chung lungput/moral lei zeitindah a um ti cu an theih ko lai. “Aruang um loin mi sawhsawh tlaihkhih, tukvelh, tlerhkhawn le thahnawn tbk a um zungzal ahcun a rauh hlan ah mipi dirkamhnak thingro bang in,.

A kaik dih colh kho.” CDF/CNA hruaitu hna nih hlathlainak kan tuahpiak hna sehlaw thawngfiang kan thanh hna seh! Biakilh: CDF/CNA hi SAC ralhrang bantuk, mipi harnak a petu siter kan duh lo. An muisam a chiat lai kan duh lo. Mipi a zohkhenttu le mipi nih upatmi miphun ralkap bu ah siter kan duh. Cu ruang ah cun a caan a um lio ah remh awk a um a si ahcun remhchunh ding in ka rak ttialmi a si. Saai ZB

Yee peng NLD party chungtel a umnak inn ah luhhnawh in an kawl,amah an hmuh lo caah thilri an firMon ramkulh,Yee peng Kamawhkanin khua ummi NLD party chungtel U That Naing cu a umnak inn ah October 4 zinglei suimilam 6:00 hrawngah ralhrang phu hna nih luhhnawh in checkhlatnak an tuah,amah an hmuh lo caah an thilri fir in an i kal pi.

Khuami pakhat nih” a umnak inn ah NLD palai hlun U That Naing cu a um lo,a zaam nak a sau cang,a chungkhar zong hi ka ah an um lo.Inn ah ummi an um lo, ralhrang phu hna nih an inn cu luhhnawh in thilri an kherhhlai, an hrawh,tlaihkhih an duh hmuh ah an hmuh lo caah an ngeihmi thilri manngei hna cu fir in an i kal pi” tiah a chim.

Yee peng ah ralhrang phu hna nih atu hrawng hin NLD party chungtel le NLD lungtlinpinak ngei mi hna,thazaang petu hna cu an tlaih chin hna tiah khuami pakhat nih a chim. October 2, ni zong ah Yee peng NLD party palai hlun si mi U Myo Win cu ralhrang phu hna nih tlaih ding in an kalhnawh ah, a mah an hmuh lo caah U Myo Win i nupi le a fanu leng ah kum-90 luan cang mi a nu zong an tlaih tiah theih a si. DVB