Kum upa tar a si cang ko nain a nunnak caah ung dong loin lam pawng ah thil a zuar mi kum 71 tar nu te. Tarnu A Bua Daw Chit Bua kum 71 a si cang mi Taung Dagon pengkulh, 56 sang, 55 sang, 68 sang le 69 sang hna ah nilinh laak ah lam pawmngah thil a zuar tiah theih a si.
“Suimilam pa 8:00 in cun chun ni tlak rawl eiawh paw khin nak caah rawl kaa ken, Zaan riah rawl aa tel lo. Ti thah, datbu, meh le ka ei duh mi rawl kaa ken , meh ka ngeih lo caan ah ka hmuh mi san rawl ka caw i ka ei, a si nain buh cu kaa ken chih peng,
Zaan lei suyimilam 5:00, 6:00 a tlin in thil ka zuar nakin inn ah ka tin , Inn ah ho he hmanh kan um ko, kei mah lawng in ka um, hlan deuh cun ka pi le pahnih he ka um ti. Tangkaa fir piak hna ka tong, ka pi nih le a ka liam tak nak a sau cang , kei mah he neih nuam in a um mi kan um lo. Rawl a ka pee tu an um lo caah Ka fa pa siin thlahlawh ( A tu) in ka paw kaa cawm tiah a chim.
Ruah ve hmanh uh, hibantuk in kum 71 a si cang mi hmanh nih zing fatin, zaan fatin a rawl pakhimnak caah fa pa a ngeih ko buin thil a zuar peng. Zei tluk in dah a nun a va har lai. A thih til hmanh a ruak hmun hnga ding neihniam a ngei lo, a mah lawng in a um mi a si fon. Kan nu, pa, kan pi, pu le te mah bantuk in um ve hnaseh law zeitin kan um hnga, zaang faktuk a si ning hi ruah hmanh uh. Cu caah nu le pa, pi le pu nih nung dam in an kan nun pi lio ah hin daw ko hna usih. Ref-PopularJournal
Tukum ṭhal caan cu nikhua a linh tuk caah a linhnak ram, India chaklei ramkulh hna ah cun khualin nih zatlang nun ah harnak tam tuk a pek hna, tiah theih a si. Nizan tiang ah khan India ram khualipi New Delhi khualum le kih tahnak(temperature) cu 49°C a phan. Thiamsang hna nih an buaipi ngai mi khuacaan thlen ningcanglo nih Delhi khuapi leng ah a kiangkap ramkulh hna zong khualin nih a zelh i, Haryana, Uttar Pradesh, Pubjab le Himachal hmun cheukhat ah cun khualum le kih tahnak 48°C an phan ve.
Hi bantuk in nikhua a linh tuk caah zatlang nun cawlcanghnak ah harnak tampi an tong i, electric mei a um lo caan zong a tam ruangah an harnak a zual chin, tiah theih a si. Pengkulh cheukhat ah cun khualeng chuak ding mipi nih hruk-aih ding thilri kongkau ah cozah nih nawl a chuah i, sianginn kai caan zong an thlennawn, tiah theih a si.
“Yesagyo peng chung ah SAC ralkap nih khuate 4 cu May 16 ah mei in an khangh caah Yesagyo PDF nih kan phalh piak hna,” tiah Bo Hmaing Tey Za(ဗိုလ်မှိုင်းတေဇ) nih a chim. Moengio le Moekuai(မိုးညို၊ မိုးကွဲ) khua ah zan khat a riak mi SAC ralkap pawl nih, May 16 zinglei ah mei in an khangh, tiah theih a si. “Kanmah le kan phung lam ning tein khua pakhat khat ah an rak luh ahcun a pawngkam in kan venpiak hna. SAC ralkap nih khua mi inn an khangh dih in kan va phalhpiak hna,” tiah Hmaing Tey Za nih a chim.
SAC ralkap nih an khangh mi khua hna cu- Moekuai, KanOo, Taungkung le Mekung(မိုးကွဲ၊ ကံဦး၊တောင်ကုန်း၊ မဲကုန်း) khua hna an si. SAC ralkap thazaang 90 hrawng nih an khangh piak hna, tiah theih a si. PDF pawl zeitin hmanh an kan tuah khawh lo caah hiti khua mi inn an khangh piak hna hi a si, tiah Hmaing Tey Za nih cun a chim chap.
SAC Ralkap Motor Bomb Puah A Ton Caah Ralkap 2 An Thi, Magwe ramṭhen, Myaing(မြိုင်) peng ah SAC ralkap thil chantu motor pakhat cu May 15 ah bomb puahhnawh a tong, tiah theih a si. “SAC ralkap le Pyusawthi 11 hrawng aa cit mi thil chantu motor cu, Pakukko peng Kama(ကမ္မ) khua in Myaing peng Hninsikan(နှင်းဆီကန်) khua ah a kal ding a si tiah kan hngalh caah Myaing-PDF nih kan kah hna,” tiah Bo Letya(ဗိုလ်လက်ရာ) nih a chim. “Chun suimilam 12:10 hrawng ah bomb in kan puahhnawh hna. Motor chung ah SAC ralkap 11 hrawng an i cit i, 2 an thi,” an tiah a chimchap.
Cu kahdohnak ah Myaing peng Pyusawthi hruaitu Win Ngwe(ဝင်းငွေ ) telh in 2 an thi. Kahdohnak a dih in SAC ralkap le Pyusawthi i bawm in Hninsikan khua cu mei in an khangh, tiah tualchung mi sin in theih a si. A luancia May 12 lio zong ah Myaing peng Kaitawma(ကိုင်းတောမ) khua lei in rallam a sial mi SAC ralkap motor 7 cu, Myaing-PDF le ṭangrual phu hna nih bomb in an rak puahhnawh hna caah SAC ralkap 30 hrawng an rak thi.
Leave a Reply