Cambodia prime minister Hon Sang nih cun Myanmar ram nawlngeihnak la tu ralhrang hruaitu hna he biaruahnak tuah ding in Myanmar ram rat ding ah timhtuahnak ka ngei tiah December 6 ah a chim. Cun Asian tonpumh biaruahnak ah nawlngeihnak la tu ralhrang phu le rianngei hna cu sawmding an si tiah a chim chih.
February 1 ah ralhrang nih hramhram in nawlngeihnak a lak ruangah Asian ram 10 chungah Myanmar ram kong thilcang mi cu zapi nih ruahpiak bikmi ah a cang. A luancia October thla chungah Brunei nih inn tek tuanvo lak in Asian ram hruaitu hna ton biaruahnak tuah lio ah,.
Myanmar ram nawlngeihnak la tu ralhrang bawi Min Awng Hlaing cu sawmnak a rak um lo. Ralhrang phu rianpek mi ramdang vuanci cu nihnih ni ah Cambodia ah kalding a si i, Cambodia prime minister Hon Sang cu Myanmar ram ah a rauh hlan ah ka kal lai tiah biachimnak a ngeih. The Chin Post
Nizan tihni December ni 4, 2021 ah Indonesia ram, Java Province, Lumajang District i Semeru meitlang apuah ruangah minung 14 an thi cang i, minung zeimawzat nih hliamhma an pu. Kan hnu zarh, Zarhte ni ah khan Semeru tlang hin vawilei dip le vawlei diak a sa ngai mi cu a rak i hlawrh i a pawngkam khua 11 nih an himnak ding ah an khua an chuahtak.
National Desaster Mitigation Agency chimphuantu Abdul Muhari nih cun mithi ruak 14 an hmuh cang kong le an lak i pahnih cu aho an si zong an fian khawh cang kong a chim. Midang 57 hna zong an taksa ah meihma fakpi an tuar caah sii-inn lei kalpi an si cang.
Meitlang apuah nak hmun khua pawl minung hna hi hmun dang ah an thiar pah ko hna nain nizan ah khan vawilei sa le leidip in aa phuh than caah bawmhchanhnak zong chikhatte an dinhtak, tiah VOA nih a tial. Semeru tlang hi Chaklei Java Province ah a um mi a si i, 12000 metres in a sang mi a si.
Hi tlang hi Indonesia ram tlang hna lak ah meitlang apuah duh ngainak tlang a si. Tukum January thla zong ah khan a rak puak pah cang. Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post
Leave a Reply