Burkina Faso Ah Hriamtlaibu Pakhat Nih Minung 80 An Thah Hna

Burkina Faso Ah Hriamtlaibu Pakhat Nih Minung 80 An Thah Hna West Africa, Burkina Faso chaklei ah al-Qaeda he pehtlaihnak a ngei mi Jihadist hriamtlaibu nih ralkap le civil mi telin mi 80 an thah hna

An thah mi hna lakah minung 59 cu civil mi an si i, ralkap 6 le palek 15 an si.Ralkap 6 le palek 15 hna cu Goradji khuapawng ah a thi mi an si.Ralkap nih terroists 58 an thah tiah Burkina Faso predient nih a thanh.

Hriamtlaibu hi al-Qaeda le ISIL hna he pehtlaihnak a ngei mi bu pakhat an si i, Burkina Faso le a pawngkam ram Mali, Niger ram ah a cawlcangh tawn mi an si.Tukum chung lawngah minung 100 leng an thah cang hna tiah theih a si.

Kan hnu August 16 zongah Niger ah minung 37 an thah hna i,hi lakah 14 cu ngakchia an si. Mithi hna sunnak ah Niger mipi nih an ramchung ah an thantaar cu tung cancio lawng thlaiin ni 2 chung an sun lai tiah thanh a si.

Burkina Faso ram hi Saraha desert, sub-sarahan hrawngah a um mi ram sifak pakhat a si. 2015 thawkin al-Qaeda le IS pawl he pehtlaihnak a ngei mi Jihadist ralhrangbu hna nih an tuk lengmang mi ram a si.

The Chin Post

Be the first to comment

Leave a Reply

Your email address will not be published.


*