Bungkhua IDPs Camp Ummi Hna Nih Bawmhnak Kan Hmu Lo Timi Kongah GCHRC Nih Fianhnak An Tuah

Chin ramkulh, Thantlang peng, Bungkhua IDPs camp ah ralhrial in aa dormi hna nih bawmhnak kan hmuh lo tiin an chim kong ah ramchung i IDPs Camp a sakpiaktu Global Chin Humanitarian and Relief Committee(GCHRC) nih fianhnak cathanh an chuah.

GCHRC nih cathanh an chuah ning ah cun, WFP le MKSS bawmhnak nih IDPs bawmhnak pek dingmi a um sual ahcun bawmhnak aa thuat sual lai ti phan bawmhnak pe rih loin thil sining a fianh hnu ah tawlrel ṭhan te ding a si, tiah an langhter. WFP le MKSS nih bawmhnak an pek hna lo caah GCHRC nih bawmhnak an pek tawn ning in bawmhnak an pek colh lai i, Chin IDPs Management Coordinator zong Bungkhua a um lio a si caah bawmhnak pek dingmi zong a tawlrel pi colh lai, tiah GCHRC nih cathanh an chuah.

Salen, Bumgkhua IDPs camp hi rambuai hnu 2021 March thla in GCHRC tawlrelnak in Chin mi dornak a ngei lo mi hna ca ah sak mi a si i, Tukum 2023 April thla in khua 3 (Thau, Hriangkhan le Hripi B) ah sakchap a si, tiah GCHRC nih an cathanh ahcun an langhter. Cred : The Chin Post