SAC Ralhrang Pyusawthee Lutlai Hruaitu U Nay Win Meithal In Zuunriat An Kah
Mandalay ramthen, Kyaukpadaung khuapi ah a um mi SAC ralhrang PyuSawHtee lutlai hruaitu U Nay Win tuni zinglei sangah voiriat tiang bak meithal in an kah i, voi 6 nih a ken , i a thih le thih lo cu fiang tein theih khawh a si rih lo tiah Kyaukpadaung Defence Force (KDF) nih cathanh a chuah.
Tuni zing lei May 2 ah Kyaukpadaung khuapi, Sanpiah sangah a um mi, Pyusawhtee lutlai hruaitu U Nay Win cu SAC ralhrang ralkal pawl an umnak Lay khua sianginn pawng ah ruah lo piin kan hmuh i, meithal in kan kah tiah KDF nih cathanh a chuah. ” A thiding nawl chuah cang mi U Nay Win cu SAC ralhrang pawl an umnak Lay khua sianginn pawngah,
Ruah lo piin kan hmuh caah meithal in voiriat kan kah i voiruk cu kan ken, Mipi he a umti i, mipi a that tu pawl cu a tubantuk in kahdoh an ton mi hi thinlung cu a nuam lo ngai ngai. Mipi hohmanh nih SAC ralhrang he i fonh lo ding, Dalaan, Pyusawhtee thawng peetu tuah lo ding tiin kan nawl hna.
A tu SAC ralhrang sinah thawng pee tu dalaan,pyusawhtee ngol dingin ka nawl hna a si nain a ngol lo mi cu thihdan kan pek hna tiah” KDF nih cathanh a chuah. Kyaukpadaung khuapi, peng chungah Dalaam, Pyu nih SAC ralhrang sinah thawng peek ruang lo mipi dawh cah lo in SAC ralhrang nih mithat a tam tuk ti zong theih a si.
Sagaing le Magway Ramtthen Ah SAC Ralkap Nih Inn 9600 Leng An Khangh Cang, SAC ralkap nih hramhram nawlngeihnak an lak kumkhat fai chungah Sagaing ramtthen pengkulh 26 in mipi umnak inn 7503 le Magway ramtthen pengkulh 8 chung in mipi umnak inn 2131 an khangh cang tiah Data for Myanmar nih May 1 ah a thanh.
Langhtermi zat hi 2021, February 1 in 2022 April 30 tiang media hna le tualchung Nuhrin covo cawngcangtu hna le ralzaam dirkamhtu phu hna nih cathanh an chuahmi hna zohchih in langhtermi a si tiah an thanhmi ah cun an langhter. Ramchung ramtthen 5 in pengkulh 44 le ramkulh 4 in pengkulh 14 ah mipi umnak inn dihlak 11,417 cu SAC ralkap nih an khangh cang tiah an thanhmi ah an langhter.
Sagaing ramtthen in inn 7502, Magway ramtthen in inn 2131, Mandalay ramtthen in inn 50, Pago ramtthen in inn 24 le Tanintharry ramtthen in inn 45 hna cu SAC ralkap nih an khangh. Ramkulh 4 in Chin ramkulh ah inn 1147, Kachin ramkulh ah inn 5, Karen ramkulh ah inn 407, Shan(chaklei) ah inn 98 khanghpiak an tong.
Leave a Reply