CNA ralkap Salai Van Biak, a rank bo 1 nih ram le miphun caah a nunnak apek.
Naupa, Kachin ram ah Bolawng training kum tampi na va kai mi vialte Chinram caah na lungduh in na hman manh ttung lo,Na kan liamtak tuan tuk ai e,!!Crd-Salai Wiiliam HC
Relchap, Yangon ramtthen, Kawhmu(ကော့မှူး) peng ah SAC ralkap bohmu(ဗိုလ်မှူး)pakhat tel in ralkap 2 kahthah an si hnu ah Kawhmu le Kunchainkone(ကွမ်းခြံကုန်း) khuami 350 leng SAC ralkap nih an tlaih hna i an hrem hna tiah tualchung mi sin in theih a si. Kawhmu le Kunchainkone peng ah May 3 in Hngekawsan(ငှက်အော်စမ်း), Thangyo(သံကြိုး), Nyaung Thoh(ညောင်ထောက်), Yetashe(ရေတာရည်), khua hna ah SAC ralkap an lut i mipi a za in an tlaih hna i an hrem hna tiah tualchung mi nih Yangon Khit Thit ah an chim.
May 3 zaanlei sang ah khan PDF hna nih SAC mawtaw run cu Nyaung Thoh, Yetashe le Hngekawsan khua kar ah an kah hna i bohmu(ဗိုလ်မှူး) pakhat le ralkap sawhsawh pakhat an thi i a dang 2 hliam an tuar tiah theih a si. Hi kahdohnak ruang SAC ralkap nih kiangkap khua an luhhnawh i mipi pawl an ruang um lo in an tlaih hna nak hi a si.
SAC ralkap thazaang 50 tluk nih May 3 ah Hngekawsan khua ah mipi 100 tluk an tlaih hna i nihin May 5 ah khua laifang lei kap ah an tlaih chap than hna, an tlaih mi hna cu sianginn chung ah an hrem hna tiah tualchung mi nih an chim. Kunchainkone lei Thangyo (သံကြိုး) khua zong ah May 3 le 4 ah SAC ralkap nih mipi 220 tluk an tlaih nih i an hrem hna, May 4 ah khua mi hna cu an thlah than hna i nu pakhat le ngakchia pakhat cu Kunchainkone lei ah an tlaih hna tiah tualcung mi sin in theih a si.
Kawhmu peng. Nyaungpinthoh(ညောင်ပင်ထောက်) khua ah cun May 3 ah tlaih a tong mi 3 an um i May 4 khualtlung cazin an chek hna, tlaih a tong chap mi zong an um kho mi a si i khua lu in SAC mawtaw pakhat ralkap 30 leng nih an cawngh tiah an chim. Kawhmu peng Yetashe(ကေတာရှည်) khua ah cun May 4 zaan Sml 10 hnu ah khua laifang le nitlak lei ah tar le ngakchia zong ngan lo bak in an tlaih dih hna i mino le tlairawl cheukhat cu an hrem hna. Nihin May 5 zinglei ah khuami 10 tluk cu an taklawng he an kut hri an ttem hna i Hngekawsan SAC ralkap sakhan lei ah an kal pi hna tiah tualchung mi nih Yangon Khit Thit ah an chim.
Hriamnam Pathum In Rak Hlam Hna Uh, Matupi le Monywa ah raltuk hna cu hraimnam Pathum in CDM an tuah ruangah , SAC ralhrang hna nih Mipi sual negi lo mi Minung pa 7 an tlaih hna i, an hrem hna hnu ah hriamnam pathum in rakthlam dingah an tlaihkhawn nak kong cu Matupi CDF nih tuni May thla ni 4 ah cathanh a chuah. Matupi hrambunh mipi sakhan ah SAC ralhrang ralkap Chit Ko Ko le Monywa hrambunh a si mi Thah Pah Yah ( 929) in ralkap Phyo Min hna cu BA-72, Ma-2, Ma-3 in hriamnam le kuan in Matupi CDF sinah April ni 21 ah SAC ralhrang uknak duhloin CDM an tuah tiah theih a si.
SAC ralhrang ralkap hraimanm pathum hngah khawh nak hnga ding caah tiin Matupi khua chung ah nu minung pa 7 tel in minung pa 8 cu an tlaih hna an hrem hna tiah theih a si. Mah SAC ralhrang nih tlaih mi han cu Matupi CDF nih duhlo langhternak cathanh an chuah tiah theih a si.
Leave a Reply