A Hnu Deuh/Hmasa Deuh Tiin Mei An Pek Ruangah Yangon Khuapi Chungum Mipi Nih Harnak An Tong!

Yangon khuapi chungah a hnu deuh/a hmasa deuh tiin mei an pek ruangah harsatnak kan tong ngaingai tiah Yangon khuapi chung umtu pakhat nih a chim. Mei rat ning/rat caan ah a rat lo ruangah riantuan zong a tlolh viar pinah dinti tiangin a har ngai i, a bikin inn dotsang ah a ummi hna nih harnak an tong khun tiah amah nih a chim.

BRE

March 12-18 tiang Kawlram chung hmun dihlak ah zarhkhat chung cu sml 24 chung bak, mei thah ding a si lai tiah thawngpang a chuah hnuin Yangon ramthen chung cu sml 5:00 dan in phu khat A,B tiah then hratin an pek hna. Sehhmuhzung ahcun nikhat ah sml 8:00 chung lawng an pek hna tiah theih a si.

Crd: Delta News Agency

Tamu-Khampat Kalnak Motor Lampi In A Kalmi Thilphor Motor Hna Nih Zulh Dingmi!

Sagaing ramthen, Tamu peng chung, Tamu le Khampat karlak kalnak motor lampi in a kalmi thilphor motor hna nih zulh dingmi phung (5) cu Tamu PDF Battalion (2) nih nihin March 30 ah an chuah. Cu an chuahmi zulhphung ahcun:

1..Rikhiahmi lampi in zaan sml 7:00 in zinglei sml 6:00 tiang motor he tlunkal lo ding.

2..Tlunkal khawh caan chungah nan kal tikah motor hnulei cu muga (မိုးကာ) in siseh, thil dangdang in siseh nan khumh lai lo.

3..SAC ralhrang ralkap serchuahmi thilri paohpaoh nan phor lai lo.

4..SAC ralhrang ralkap le palek he i fonhin ritsi zuar/phorh lo ding.

5..Private motor le bus kalmi nih cun thlalang hong in nan kal lai.

Hi kan chuahmi nawl nan zulh duh lo ahcun nanmah tuanvo/nawl a si lai i, thil pakhat khat nan cungah a tlun sual ahcun kannih Tamu PDF Battalion (2) nih tuanvo kan laak lai lo tiah fiang tein ralrinnak kan in pek.

Hi cathanh kan chuahmi cu nihin ni thawkin zulh colh ding a si lai i, hi cathanh kan chuahmi kan remh than hlan lo tiangin nan zulh dingmi phung a si tiah cathanh an chuah.

Crd: Zalen

Russia Le Ukraine Tonnak An Ngeih Than Lai

Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih  a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.

Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim

Russia Le Ukraine Tonnak An Ngeih Than Lai

Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih  a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.

Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim