Yangon Ah Ruahpi A sur Tuk Caah Phungki No Kum 17 Pakhat Ruag Lo Piin A Rilnak An Nunnak A Liam
Yangon khuapi, Khayan peng, Kaba Aye Baya lam pawngah May ni 9 suimilam 12 hrawngah ruah faktuk in a sur lio phungki no minung pakhat cu an tlu i , an nunnak a liam tiah Myanmar Cee Phyo Minung bomchantu phu sinin thawng theih a si. Mah phungki no minung pakhat cu kum 17 hrawng an si i, mah thawngpang an theih le cang in Myanmar Cee Phyo Minung bomchantu phu hna nih an va kal hnawh colh tiah theih a si.
” Ruah tuktuk a sur caah phungki no minung pakhat a ril tlu tiah kan thaeih le cang kain duapdap in kan va kal hnawh colh i, kan vabomh . Thawng an kan pee tu nih a chim nak ah cun elcertic nih a leih caah a tluk hi a si tiah a chim.” tiin Myanmar Cee Phyo Minung bomchantu phu in mi pakhat nih a chim.
Phungki no minung pakh a tlukk rilnak hmun an an va phak cun a nunnak a rak dih cang tiah theih a si. ” phungki no a rilhnak ah motor pakhat nih le a um lo ruah zong fak tuk in a sur caah a rilh kaa ah cun ka hmu lo, a hmun kan va phak cun suimilam 00:30 minutes a rau cang, a caan nih an kan zo lo i kan bochanh kho ti lo” tiah Myanmar Cee Phyo Minung bomchantu phu in tuanvo ngeitu pakhat nih a chim.
Mah bnatuk in thil sining cu a si tikah phungki no kum 17 minung pakhat i , an ruak cu Yangon mi bomchantu hna nih mizar phortu motor in Myo Okkalapa pengkulh si zing operation tuahnak hmun ah an va kuat tiah theih a si.
Relchap. Karen ramkulh, Pha-an thonginn ah nizaan May 8, zinglei ah ramkhel thongtla minung 66 cu SAC ralkap nih ruahlo piin an auh hna i an kalpi hna caah ramkhel lei thongtla hna nih lungtlinlonak an langhter caah SAC ralkap nih an tukvelh hna, tukvelh a tongmi hna chungin minung 4 cu fakngai in hma an tuar tiah thonginn riantuantu hna he neihniam in a ummi nih an chim.
” Ramkhel thongtla hna nih lungtlinlonak langhter in kheng an tum, hla an sak caah SAC ralkap le palik nih fung in an tuk hna, an meithal in an suk hna, chai in an chaih hna caah Ko Nay Lin Tun, Ko Mu Min Htat, Ko Lwin Moe Htat, Ko Khant Ti Lwin hna cu fakngai in an tukvelh hna, an kut tem buin an kalpi hna” tiah an chim. Cun ramkhel lei thongtla minung 17 cu leng chuahterlo in rawl le ti zong an pe hna lo, duhlonak nan langhter caah tiin a tu bantuk in dan-tatnak an pek hna tiah theih a si.
Sagaing ramtthen, Khin Oo peng chungah SAC ralkap nih inn 1400 leng an khangh cang tiah Khin U Support Organization – KSO nih nihin May 9 ah cathanh an chuah. Khin Oo pengah khuakomh 64 le Khua 150 leng an um i khua 29 khangh an tong tiah theih a si. A tutiang ah inn 1408 an khangh cang i Sagaing ramtthen chungah inn khanghpiak a tambik tongmi an si tiah theih a si. Nizaan, May 8 ah SAC ralkap nih Min Kyuah khua inn 16 an khangh tthan , Inn Pat khua hi a tambik khanghpiakmi an si i Inn 305 duahpiak an si. Data For Myanmar i May 1 cathanh a chuah ning ah cun Sagaing ramtthen chungah SAC ralkap nih inn 7503 an khangh cang tiah a langhter.
Leave a Reply