Ruah ah hin thinlung nih a celh hrimhrim lo e, Tuni zaan lei suimilam 2:00 hrawngah Sagaing ramtthen, Wetlet peng, Wetleh Zua timi khuate pawngah SAC ralhrang le mipi kan ralkap karah kaphnih in kahdohnak a chuak i, Mipi kan ral kap lei in minung pa 3 nih ram le miphun caah an nunnak an peek tiah theih a si. Cu pinah SAC ralhrang nih kut in tuah mi meithal zuun hnih le hraimnam a dangdang an laak paik chap hna tiah theih a si.
Mah kahdohnak kong he pehtlai in SAC ralhrang nih an langhter mi ah cun, ” Tuni zaan lei suimilam 2:00 hrawngah Sagaing ramthen chungah tatmadaw ralkap hna nih hmunhma thianhtlimhnak an tuah lio ah PDF pawl he kahdohnak a chuah i minung pa 3 an thah hna pin ah kutin tuah mi hraimnam zuun hnih le kutin tuah mi bomb lung 13 le hraimnam a dang an laak piak hna.” tiah thanhnak an tuah.
SAC ralkap nih hramhram in nawlngeihnak an lak hnu ah Myanmar ram thongtla thidan pek a karh caah thinphang a si tiah Amnesty International nih an chim. Myanmar ramchung biaceihzung in thihdan an pekmi hna hi minung 90 tluk hrawng an phanh caah, kumdang nak in a let 8 a karh tiah Amnesty International(AI) nih 2021 Ramkip thongtla thihdan pekmi record ah an langhter. SAC ralkap nih mipi sualphawtnak an tuahmi cu SAC ralkap biaceihzung ah transfer in, thih tiang thongtla ding ah biakhiahnak an tuah piak hna tiah AI phu nih an chim. Ramchung ah SAC ralkap nih hramhram nawlngeihnak an lak hnu ah Hlaingtaya, Shwepyita, North Okalapa, North Dagon, South Dagon, Dagon Saithgan peng chung thongtla hna chung in SAC ralkap biaceih zung nih thihdan pekmi an tam tiah theih a si.
Senegal Ah Siizung A Kang, Nauchuak Ka Bawhte 11 An Nunnak Liam. Senegal ram nitlaklei Tivaouane khuapi umi โMame Abdoul Aziz Sy Dabakhโ siizung cu May 25 zaanttim ah a kang i nausem 11 an nunnak a liam tiah theih asi. Senegal President Macky Sall nih a nunnak a liammi nausem tete i an nule le an chungkhar hna cu ram pumpi in nan ngeih chiatnak kan in hrawmpi hna tiah a twitter ah a ttial. Siizung chung i nausem pawl an chiahnak building a kangh caah nausem 11 an nunnak a hi a si i, Inn a kanghnak a ruang cu Electric hri ruang ai thok tiah Mame Abdoul Aziz Sy Damakh siizung ttuanvo ngeitu hna nih an chim. Mei kangh hram ai thok bak in rang tuk in mei a cak tuk colh caah nausem 3 lawng an chanh manh hna tiah Tivaouane khuapi uk (Mayor of Tivaouane) Demba Diop nih a chim. Tualchung media hna nihcun hi siizung hi an onnak a sau rih lo tiah an langhter ve. Kan hnu April thla chung zong ah Senegal ram chaklei Lingurie khua ah siizung a rak kang i nausem/ Bawhte 4 an nunnak a rak liam cang, Cu lio zong ahcun nau ngeihnak building chung ah chiah mi thli kik petu seh hri in meikangh a rak i thok.
Kylian Mbappe cu khuaruahar in a tammi phaisa dihin contract thar PSG team nih an tuah cang caah thil ara lai ding mi phaisa kong he pehtlai in PSG team nih Brazil arfi minthang Neymar cu siang lo zong ah zuar ding dirhmun aphan cang lai hi asi. Cun Neymar nih kal nak ding team thar cu Chelsea asi te lai tiah mi tam deuh nih ruah le zumh cu asi. ๐๐๐ฎ๐ข๐๐ง ๐๐ง. & ๐๐ฎ๐ก๐๐๐ฃ ๐๐๐๐ฅ๐ฅรจ|๐ธ๐๐๐ in 2022 | Neymar, Neymar jr, Kylian mbappรฉ Nihin ni caan ah kum 30 asi cang mi Neymar cu PSG team he kum 2025 tiang hnatlaknak contract an rak tuah cang ko nain PSG team lei nih thlahlawh peknak kong he pehtlaiin chanbaunak aum ahcun Neymar cu an zuar than hrim ding cu asi.
Hi bantuk caan lio ah minthang Clubs hna zong nih Neymar cu auh khawh cio an duh ko lai nain Neymar nih thlahlawh atam tuk caah atak ah an uah ngam taktak lai maw? timi biahalnak zong aum tthan mi hi asi. Neymar Jr Archives – Doha News | Qatar Chelsea team cu aliamcia season lio ah Striker Lukaku cu an rak auh ko nian Lukaku sinin an iruahchan tluk in thil akal lo tikah atu season chungah abiapi mi Trophy hna an sungh cu asi. Ara lai mi season chungah hmaikal lei strikers lei thazang chap chin aduh than cang hi asi.
Britain cozah nih dantatnak pek mi Chelsea cu player thar auh angah lai lo nain Chelsea owner thar cung cun phunlam an thleng piak khawh mi asi. Neymar has open up amid huge Chelsea transfer rumours and also talk about his friendship with Thomas Tuchel – Peaceloaded Cucaah Chelsea team nih player thar auh an ngah tthan ahcun Neymar bantuk playertha hna lawng auh an itimh cang i amah Neymar pumpak nih ateam hlung Bacelona lei kirtthan aduh ko nai Bacelona nih Neymar bantuk player caah aa zaa mi thlahlawh apek kho rih lai lo caah Neymar le Barca pehtlainak cu asi kho rih lomi asi. Neymar le PSG team itthenhnak achuah ahcun Neymar cu a saya hlung Thomas Tuchel umnak chelsea lei hi kal dingah ruahchannak atambik cu asi.
Vawlei cung ah a hme bik Hrik tia lo Robot Cangai, a kal kho, a per kho mi an ser chuah, Vawlei cung fimnak hi a sang tuk cang i nang le kei nih kan ruah khawh leng ah khin mi cu an rak um cang. Tutan ah US ram University pakhat nih Hrik hmanh a tia lo mi Seh Cangai (robot) an ser mi mizapi hmuh ah an langhter cang.
Hi seh hi US ram Illinois State ah a um mi Northwestern University engineer pawl nih an ser mi a si. 3D Seh Cangai hi a sauh 0.5milimetre lawng a si i uihrik nak hmanh in a hme deuh mi a si. Asinain a kal kho, a per kho, ai herh kho, ai ii-uat kho ti a si. Cu lawng hlah Petrol zong thun hau lo, cun Electric zong a hmang fawn lo nain a lang in control tuah khawh mi a si (Remotely controlled).
Northwestern University nih hin Seh Cangai lawng siloin Cep bantuk le thilnung dangdang bantuk zong in an ser mi hna an um. Anih hi Alum mi hmang in a nung i rian a ttuan mi a si. Laser a lin mi an hman ahcun fawi tein a lum, Laser lum mi an phih ahcun a dai colh fawn.
Cun Vorhlei ah kal seh ti duh ahcun Laser ceu khan Kehlei in voihlei ah van ceuh a hau, cu bantuk tthiamtthiam in Kehlei kal duh ahcun Vorhlei in Kehlei kam ah ceuh a hau ti a si. Hi tluk in a hme mi Seh (Robot) hi hmailei ahcun minung taksa Operation tuahnak tibantuk ah a tthahnem te lai tiah zumhnak an ngei.Ref; Techcrunch
Leave a Reply