Breaking, U.S Raltuknak Vanlawng Nuclear Thilri Phortu A Tla!!

American Raltuknak Vanlawng A tla!!
===============================
Mah vanlawng cu San Diego, Miramar ah hrambunh mi a si ii 3rd Marine Aircraft Wing nih a ngeih mi vanlawng a si tiah theih a si. Mah raltuknak vanlawng cu nuclear thilri pawl a phortu vanlawng a si tiah a ti mi an um, a si nain mah thawngpang cu thawngdik lo a si tiah a ti mi zong an um. Raltuknak vanlawng a tlaknak kong cu Naval Air Facility El Centro nih thanhnak a tuah tiah theih a si.

<a href=”http://www.cherrypar.com/wp-content/uploads/2022/06/download-2022-06-09T060354.349.jpeg”><img src=”http://www.cherrypar.com/wp-content/uploads/2022/06/download-2022-06-09T060354.349-300×231.jpeg” alt=”” width=”300″ height=”231″ class=”alignnone size-medium wp-image-33917″ /></a>
3rd Marine Aircraft Wing nih a ngeih mi American raltuknak vanlawng pakhat cu Glamis, CA pawngah a tlaknak kong cu 3rd Marine Aircraft nih Facebook cahmaiah theihternak a tuah cang ti zongin theih a si. Tualchung thawngpang theih ningah mah vanlawngah cun hlethlainak an tuah ii nuclear thilri pawl pakhat hmanh hmuh a si lo tiah an chim. Mipi nih zumh ding le cohlanhg nak hnga dingah hlethlainak an tuah cuahmah lio a si tiah theih a si.

Mah vanlawng a tlak nak suimilam tem hi chunlai U.S suimilam 12:25 pm ah a si tiah 3rd MAW in chimnawl ngeitu 1st Lt. Duane Kampa nih a chim. Mah vanlawng chungah cun a tlawmbik minung pa 5 an i tel tiah theih a si. FOX 5 thawnghlattu Malik Earnest nih a chimnak ah cun Vanlawng chungcuang an zaa piin an thi dih tiah a chim. Media chekhat nih cun a tlawmbik minung pa 4 an nunnak a liam tiah langhternak an tuah ve. Crd-Daily Mail

American MiLitary News nih a langhter ning ah cun, Naval Air Facility El Centro nih 3d Marine Aircraft Wing lei ah kal dingin tuanvo a peek mi vanlawng cu California state Glamis a pawngah a um mi Coachella Canal Road le State Road 48 pawng meng 40 aa hlatnak ah a tla tiah a tial. Mah vawnglang cu nuclear phortu a si timi thawngpang cu an hnawn tiah a ti. Mah vanlawng tlak nak ruangah minung pa 4 an nunnak a liam ii minung pa 1 cu a thawngpang theih khawh a si rih lo tiah a langhter.

Moscow nih nichuahlei Ukraine ah a ummi Donbas pengkulh lak a duh caah, Sievierodonetsk ah Ukraine ralkap le Russia ralkap lampi ah fak ngaingai in tuhi an i kah lio pi a si. Russia nih Ukraine a luhnawhnak ni 100 lengkai a si hnu in ahodah buan a co kho lai, tiin an thazaang umek chuah in an i kap, tiah theih a si. An dirhmun hi suimilam pakhat le khat kar hmanh ah ai thleng lengmang in a um lio a si caah, aho dah a cungah (paih buan bangin) a um, timi belte theih a si rih lo, tiah Sievierodonetsk i bawi pakhat a si mi Oleksandr Stryuk nih a chim.

Donbas pengkulh chung i Russia nih a kalpimi kahdohnak vialte lakah hi khuapi i an i kahmi hi a faakbik, tiah theih a si. Moscow nih miakpi in heh tiah a phomh hna caah, khuapi chung inn le lo hna cu rawk nelnul le sawn nelnul in an um dih ngawt cang, ti asi.
“Sievierodonetsk khuachung lampi vialte i kahdohnak cu a zualhma ngaingai i, Donbas lei panh in Russia nih a ralkap a vun chap chin lengmang than cang,” tiin Zelensky nih a chim.

Kan hnung zarh i Russia pawl buanco kho dengmang an si lio i Ukraine ralkap nih an nawr than khawh hna hnu khan cun, khuapi chung kahdohnak zualhmat lei a panh chinchin than cang, tiin Gov. Serhiy Gaidai nih Monday ah khan a chim bal cang. Donetsk le Luhansk cu Russia nih bomb in a kah hna caah mipi 2 an thi. Bomb kuan 20 lengkai an kah, tiah Ukraine lei nih an chim. Mipi cungah hriamhman kan i tim hrimhrim lo, tiin Russia nih ai pheh len ve.

“Zaam dingin mipi pawl caantha kan pek ko hna. Kan hnung zarh ah khan Sloviansk khua in mipi 100 lengkai kan chanhchuah hna. Mipi 24,000 leng an taang rih. A tlai lei hmanh a si ko nain, a tu cu khua chuahtaak caan a si, ti hi mipi nih an i fiang ngai ko cang,” tiin Denetsk governor Pavlo Kyrylenko nih a chim. Donbas a zatceo cu 2014 lio tein khan Russia kut a phan cang i, tutan i Kyiv le Kharkiv in hnung an tolh hnu cun Donbas cu a ningpi in laak lawlaw dingin karhlannak a thok.

Ukraine Nih A Herh taktak mi Hriamnaam Phun cu, Meng 50 hlat tiang a kap kho mi multiple-launch rocket system British nih an kuat hna ruangah Zelensky nih an cungah a lunglomhnak a langhter. Hi hriamnaam hi hmui a kheng i, Russia miakpi an tunhnak hmun le hma vialte lamhlatpi in kah khawh dih a si cang. Hi nih hin Moscow nih ai hmanmi a raltuknak plan zong a khupthal a leh khawh cang lai, tiin a lunglomhnak a langhter.

“Kan mipi hna kilvennak dingah Ukraine nih hriamnaam tha kan herhtuk, ti na kan theihthiam pin ah, cu kan herhmi hriamnaam thengte pek dingin timhlamhnak na ngeihmi cungah Prime Minister Boris Johnson na chungah kai lawm hringhran” tiin Zelensky nih a chim. Western ram nih long-range rockets system an kan bomh hna ruangah, Russia ramri ah a ummi Ukraine ralkap pawl hi Russia nih a si khawh chungin dawi le thawl khawh kan i zuam ve cang lai, tiin Russia Foreign Minister Sergei Lavrov nih a chim.

Western nih long-range missile an bomh hna a si ah cun, a thar in kadang hmunhma kan i hmaithlak chap rih lai, tiin Sunday ah khan Putin nih a chim. Cu ti a chim ni lila ah cun thlakhat chung a kah ti lo mi Kyiv khualipi cu Russia nih bomb in a kah colh, tiah theih a si. Sievierodonetsk in nitlaklei meng 53 hlatnak ah a ummi Sloviansk khua zong cu Russia nih an nawr ngai cang.

Russia nih Mi Facang an Fir, Vawlei cung i tirawl donghchah a si lio caan ah, Russia nih Ukraine facang a fir i, zuar chin ai tim, tiah US Secretary Blinken nih a chim. Ukraine nih ramdang sin a kuat tawnmi a facang hna cu kua kho ti lo dingin a kahpiak riangmang hna i, an facang cu a firpiak hna, tiah Blinken nih a chim. Facang man, chiti man, zinaan le non (miawza) man cu Feb. 24 i luhnawhnak an tuah rii in van a tawng. Vawlei pumpi i facang (wheat) ramdang kuatmi vialte lak i cheuthum ah cheukhat tluk hi Russia le Ukraine nih an kuatmi a si. Russia nih ramdang non a kuatu a si fawn i, Ukraine hi kawm le Sun flower chiti a kuatubik a si ve.

Tirawl kong i vawleipi nih harnak kan tonmi hi nanmah Russia nih nan tluntermi a si, tiin Monday i UN SC meeting an tuah lio ah European Council President Charles Michel nih Russia UN Ambassador Vassily Nebenzia cu a zozarang in a ziah. “Charles nih rat riangmang in lih le lih rumro i sual an kan kawlmi hi ka ing kho ti bak lo,” tiin Nebenzia nih Reuters ah a chim. Russia nih Ukraine a luhhnawh ruangah Western ram nih a cungah fak taktak in phihkharnak an tuah.

“US treasury, energy secretaries hna le an defence le media luban pawl minung 61 cungah phihkharnak kan tuah ve,” tiin Monday ah khan Russia foreign ministry nih thawng a thanh. US nih a cungah pehtlaiin phihkharnak a tuah caah lehrulhnak a tuahmi a si, tiah theih a si.
Hi kongah US House Press Secretary Karine Jean-Pierre an hal nain a let hna lo.

Post Views: 12

Breaking, U.S Raltuknak Vanlawng Nuclear Thilri Phortu A Tla!!

Be the first to comment

Leave a Reply Cancel reply