BREAKING, Thil Sining Taktak Cu Mindat-CDF Nih A Phuan Taktak Cang Hih!!

Kan mah Mindat-CDF lawng hi AA hriamtlai he aa fonh mi, aa bawm mi le a dirti bantuk in a um mi kan si lo, CDF(Paletwa) CDF-Asho, PRA (Magway), Dai CDF, Mara Defence Force ti bantuk hna zong hi AA hriamtlai he lungtlinnak, theihthiamnak a ngei ve mi an si tiah CDF-Mndat in Ralbawi (ဗျူဟာမှူ) asimi Salai Naing Tam nih a langhter.

Salai Naing Tam hi, Mindat-CDF ah hruaitu (ဗျူဟာမှူ) a si. “CDF-Mindat cu AA he aa fonh mi, aa daw mi an si tiah zeiruang ahdah kan mah CDF-Mindat lawng hi biatak tein nan kan sik i nan kan soisel. A ngai ngai ti ahcun kan mah lawng kan si tung lo.CDF(Paletwa) ,Asho Chin Defence Force, PRA (Magway) ,Dai CDF, Mara Defence Force hna zong hi ziah nan sik in nan soisel ve kun hna lo. A ngaingai ti ahcun, Paletwa kong cu kan m ah Paletwa minung lawng nih kan tawlrel lai tiah Paletwa ram chung ah a um mi MDF, CDFs pin ah ASDF tiang AA hriamtlai he daw rem tein, dirti in an um hna hi nan theih lo bia maw a si” tiah Salai Naing Tam nih a langhter hi asi.

Hi cabia hi an mah CDF-Mindat in lutlai a simi Salai Naing Tam nih a pumpak social media in a tial mi a si tikah a reltu an hun um ngai i comment tete zong a kai colh ngai. Hi bantuk thil hi a hmete a lo nain Chin miphun hmailei kan caah daithlan awk a tha lomi a si kho. Mindat in Kyauhtu lei ah a kal mi SAC ralhrang motor cu CDF-Mindat nih Bomb an puah hnawh khawh i SAC ralhrang a rawh pin ah an mah ralkap 50 hrawng an thi tiah Chindwin News Agency nih a langhter.

Hi SAC ralhrang motor pawl hna hi CDF-Mindat nih an rak tarh mi Bomb pawl an i pah hna i atu bantuk in rawhnak le thihnak an ton hi asi. Hliamtuar le a thi mi SAC ralalhrang pawl hnna cu Mindat khuapi ah namchan in an kir pi than hna ti asi. Hi kong he pehtlai in MIzzima News zong nih a tarlangh ve i SAC ralhrang a thi mi hi 40 leng an si, Ralkap (50) hrawng cu an thi men lai tiah a langhter ve.

Mipi bomhnak thawngin pehtlainak thilri le hraimnam meithal cheukhat tlamtling tein kan ngeih khawh cang tiah Myan hrambunh THREE IN ONE nih theihternak a tuah. ” Hriam tlaih dohthlennak ah cun hi bantuk thilri kan ngah khawh mi hi, vawlei hmunhma thawngzamh pawl, kahdohnak ah iken ding caah ngeih lo awk philh awk a tha lo mi ah hman ding thil pal an si ti uh sihlaw kan palh lai lo.

Cu caah 3 in 1 phu caah a herh mi thilri an si i, icon zong thazang khamnak a si. Cu caah hraimnam pawl cu kan si khawh chungin khawn kan i zuam. Mipi bomhnak thawngin hi thil hi kan ngah khawh mi a si.” tiah Three In One phu in pakhat nih a chim.

Bomhnak an kan peek tu mipi cung zong ah kan i lom tuk. Bomhnak nan kan peek mi hi mah le thatnak caah hman loin dohthlennak ca lawngah thazaang chuah mi kan hman lai ti zong in a chim.