BREAKING; Thawngpang Ttha Tuk A Si E, Bawipa Nih Um Piin Kilveng Peng Ko Hna Sehlaw

Bawipa A Ttha Kho Tuk E, Hakha Le Falam Karlak Kahdohnak Ah SAC Ralhrang 40 Hrawng An Thi

Nizan March 2, 2022 Falam in a rak i thawh mi SAC ralhrang hna le Chin miphun ralkap CNA kahdohnak a chuah caah CNA kamh mi bomb nih SAC ralhrang pawl a puah hnawh hna lawng siloin kaphnih karlak ah kahdohnak a fah caah SAC ralhrang minung 40 hrawng an thi.
CNA ralkap in ram le miphun caah a nunnak pee mi  Salai Van Bawi Bik, Salai Za Hnin, Salai Thiang Bik Lian nih miphun le ram caah an nunnak an pek ve. SAC ralhrang an thih tam ruangah Dokțhek khua inn dihlak ngawt an khangh, tiah theih a si.

HIV Zawtnak A Ngei Mi Ngakchia Pawl Zohkhentu Volunteer Ko Yazar Tlaih A Tong

Yangon ramṭhen, East Dagon peng ah HIV in a zaw mi ngakchia pawl a zohkhenhtu Nurture AIDS Center(N.A.C) volunteer Ko Ya Zar(ကိုရာဇာ) cu nizaan February 2, zaanlei ah SAC ralhrang kuttang phu nih an tlaih i an kalpi, tiah N.A.C he aa neih mi cheukhat nih Mizzima ah an chim. Atu hi Ko Ya Zar cu East Dagon Police Station ah an chiah i phaisa thiang lo in midang bawmhchanh le tharumthawhnak ruang ah tbk. in taza cuai mi thawngpaang a leng nain zei ruang lah an tlaih i, zeibantuk case in taza an cuai lai ti mi hi fiangfai in theih a si rih lo.

Ko Ya Zar hi HIV zawtnak a ngei mi ngakchia minung 90 tluk a zohkhenh hna i cu lak ah minung 20 tluk cu hnuk ding lio ngakchia an si hna. N.A.C he aa naih mi nih cun, “Ko Ya Zar tlaih a ton hi ngakchia hna caah a poi tuk. An pa can, an pu can le an saya can ah an ruah mi tlaih a ton hi ngakchia pawl an lung a fak tuk lai, kan lung a nuam lo tuk,” tiah an chim. Ko Ya Zar nih HIV a ngei mi ngakchia pawl ca ah NLD party MP Daw Phyo Phyo Tin(ဒေါ်ဖြူဖြူသင်း) he rian an ṭuanṭi bal.

SAC Ralhrang Nih Mibawmchantu An Hlathlai Hna Ruangah An Rian An I Din: SAC Ralhrang nih mizapi bawmchantu phu cu an hlathlai hna ruangah mibawmtu phu 10 hna cu March 2 thok in bawmhchanhnak rian chikhat dinhtak a sinak kong social ah langhter a si. Mibawmchantu aa din mi hna phu cu- To Comrades, ANTS, Yell Baw(ရဲဘော), Wings of Urban Revolution, Dogs Fighter, hlu-ciah-may+ di-kah-cih, myat-nu-yin-hlu, mu-ma-ne-hneh-la-hlu, ning-chin-yin-hlu, yaw-yin-hlu-niang caku dawr, Bees Fundraising Team le Book Raffle Fundraising Program phu hna an si.

“Lemcang thiam pawl thonginn in an chuah cang hna ti thawngpawng cu ralhrang nih caan ṭha ah i laak in ṭangrual phu pawl cu an kawl hna. Mibawmchantu phu pawl hi sem an rel i dohthlennak ah zumhawktlak in an um i an vikvak a ṭhat lengah rian an ṭuannak ah an i biatak. Hi hna pawl an i dinh lai ding hi ka siang hna lo,” tiah United ṭangrual phu hna in chim phuannak nawlngeitu nih a chim.

Mi bawmchantu ṭangrualphu hi phu 10 aa bawm mi an si i, NUG kut tang ah um lo in mino hna nih an dirh mi a si. SAC ralhrang nih Bank Account in personal data an check i mibawmtu phu hna cu heh tiah an kawl hna. Hiti an tuahnak hi ni 4 chung a si cang, tiah To Comrades phu in chim phuannak nawlngeitu pakhat nih mizzima ah a chim.

Ram chung ah a ummi bawmchantu chungtel hna leng ah UG phu chungtel minung hna zong ralhrang nih an tlaih mi an um i, zeizat an si bel hngalh khawh a si rih lo. A tubantuk in an i dihnak kong a thanhtu mibawmchantu phu hi an minung nun himnak ah bawmnak rianṭuan cu an i dinh chungnak a si. SAC ralhrang nih Bank Account pawl an chek khawh hnu ah rianṭuan ṭhan a si ṭhan lai, tiah chim phuannak nawlngeitu nih a chim.

Kata Kahdohnak Ah Ralhrang Phu Lei Minung 4 nak Tlawm Lo An Thi: Sagaing ramṭhen, Kata (ကသာ) peng, Hmattai(မှတ်တိုင်) khuapawng ah ralhrang phu hna le mizapi vengtu ralkap phu kar kahdohnak a chuak i, cu kahdohnak ah cun ralhrang lei in minung 4 nak tlawm lo an thi, tiah Kata(ကသာ) peng mizapi vengtu ralkap phu nih cathanh an chuah. Nihin March 3, zinglei suimilam 8:00 hrawng ah Hmattai (မှတ်တိုင်) khuapawng in Myohlah (မြို့လှ) lei ah SAC ralhrang minung thazaang 70 hrawng he rallam a sialtu ralhrang phu hna cu Myohlah(မြို့လှ) -PDF, Kata -PDF, Kata peng (ပကဖ) phu hna nih an kah hna, tiah theih a si.

Mizapi vengtu ralkap phufonh lei in minung pakhat nih hliamhma a tuar i, cu a hliamhma kong ah cun lungretheih ding a um lo, tiah theih a si. Cu ralhrang phu hna cu Kata peng Gaytai(ကျေးတိုင်) khuapawng ah umhmun an khuar, tiah theih a si. Credit: The Chin Post

 

American, Canada Le Japan Hna Nih Ukraine Caah Ral Ka Do Lai

Russia nih kahdoh atong mi Ukraine caah bomh a herh mi ramdang mi pawl lei in Ukraine ram luhkhawh nak hnga ding caah Visa hau loin Ukraine President Zelensky nih min athut hnu ah Japan mipi minung 70 hrawng nih Ukraine caah ral kan doh lai tiin an min an pek cang tiah theih a si.

Ukraine president nih ramdang mi paw cu VISA hau loin kahdohnak ah nan luh kho tiah a langhter hnu ah Dozens in a si mi American, Canada le Japan ram mi hna nih Ukraine ram caah bomh dingah biachah nak an tuah cang tiah theih a si.

France miphun ralkap in a kir mi minung pa 2 le Japan ram mipi hmunhimtu phu minung 50 tel in Japan mipi minung 70 hrawng nih Ukraine ram caah kahdohnak luh dingah min an pek nak kong cu Maninichi Shimbun thawngzamh  nih a langhter cang tiah theih a si.

Ukraine ram caah bomh ral chungah luh a duh mi pehtlainak pawl aum nak kong Spokesperson for the Embassy of Ukraine in mi pakhat nih a chim ko nain zawnruahnak lei in cozah riantuantu pawl he pehtlai in thil dang dang theih khawh a si rih lo tiah a chim.

American, Canada Le Japan Hna Nih Ukraine Caah Ral Ka Do Lai

Russia nih kahdoh atong mi Ukraine caah bomh a herh mi ramdang mi pawl lei in Ukraine ram luhkhawh nak hnga ding caah Visa hau loin Ukraine President Zelensky nih min athut hnu ah Japan mipi minung 70 hrawng nih Ukraine caah ral kan doh lai tiin an min an pek cang tiah theih a si.

Ukraine president nih ramdang mi paw cu VISA hau loin kahdohnak ah nan luh kho tiah a langhter hnu ah Dozens in a si mi American, Canada le Japan ram mi hna nih Ukraine ram caah bomh dingah biachah nak an tuah cang tiah theih a si.

France miphun ralkap in a kir mi minung pa 2 le Japan ram mipi hmunhimtu phu minung 50 tel in Japan mipi minung 70 hrawng nih Ukraine ram caah kahdohnak luh dingah min an pek nak kong cu Maninichi Shimbun thawngzamh  nih a langhter cang tiah theih a si.

Ukraine ram caah bomh ral chungah luh a duh mi pehtlainak pawl aum nak kong Spokesperson for the Embassy of Ukraine in mi pakhat nih a chim ko nain zawnruahnak lei in cozah riantuantu pawl he pehtlai in thil dang dang theih khawh a si rih lo tiah a chim.

 

Be the first to comment

Leave a Reply

Your email address will not be published.


*