BREAKING, Thawngpang Ttha Kho Taktak Theih A Si Ko Hih

Spring Revolution Caah US Nih Dollar Millions 136 Bawmhnak A Pek Cang Lai!

Spring Revolution caah US dollar millions 136 budget bawmhnak pek dingin American President Joe Biden nih a rauh hlanah minsen ṭhutnak a ngei cang lai tiah theih a si.

American ramchung hluattaw nih American cozah caah 2021-2022 budget cu March 11 ah fehternak a tuah cang i, cu budget chungin Kawlram dohthlennak caah bawmhnak pek dingmi zong a tel tiah PVTV nih a langhter.

American nih a bawmh dingmi phu hna cu: NUG, NUCC, CRPH, CDM, EAQs telh in hruainak lei phu an si lai tiah theih a si.

Crd: Deltanewsagency

Mandalay ramthen Windwin pengah SAC ralhrang ralkap nih phaisa phalh in lentecelhnak hmun pawl cu zalong tein tuahnak nawl an pek hna pinah mipi hna zong an hrem/an velh i, phaisa an hal tiah khuami nih DNA ah an chim.

Phaisa phalh in lentecelhnak tuahtu pawl cu nifatin ti awkin khua lengah an um hna i, arkhuang thuatternak, phe an kah, hmun khat ah phaisa sing (7) cio an hal hna i, cuticun langhngan bakin an tuah tiah theih a si.

Cupinah Pintalay sakhan-hmu le cuka hmunhma controltu Kyaw Ye Kyaw Min Oo, Corporal Than Zaw le a kuttang hna nih mipi hna cu ningcang loin an tlaih hna hnuah phaisa an hal i, cuticun an thlah than tiah an chim.

Cuka hmunhma controltu Kyaw Min Oo nih March 12 ah khuami pakhat cu Shoe War kedanh na bunh tiah a benh, lakphak dawrah a thumi mino hna zong kan in zumh hna lo tiah tlaih hratin phaisa an hal hna i, phaisa an pek hnuah an thlah than hna tiah mipa pakhat nih DNA ah a chim.

ASEAN Special Palai He Ton Biaruah Ding Kahdohnak Daihter Ding Cah SAC Ralhrang Nih Tlangcung Hriamtlai Phu Caa A Kuat

March thla ni 20 ah Myanmar a rak phan hnga ding Myanmar kongkau he pehtlai in ASEAN Special palai a si mi Cambodia a pahnih nak vuanci le ramkhel vuanci a si mi Prak Sokhonn le kahdoh daihter, tlang cung hriamtlai phu kar ah ton biaruah nak tuah ding ah SAC ralhrang lei nih tlangcung mi ca an kuat hna tiah theih a si.

Kahdoh daihnak min athu mi tlangcung hriamtlai phu i ram daihnak nak lam hruai mi phu (PPST) in sam mi a si tiah sawmnak caa ahmu mi phu nih a chim. Kawlram chungah kahdoh daih tlangcung hriamtlai phu 10 an um.

” ASEAN Special Palai he ton biaruah ding ah sawm mi a si” tiah sawmnak ca ahmu tu phu khat sin in theih a si. Myanmar ram ah a voikhat nak bik in a rak phan hnga ding ASEAN palai zong nih Myanmar ram chung ah a um mi phu fonh dih lak he ton biaruah nak ngeih dingah in timhlamh nak a ngei.

SAC ralhrang lei nih NLD tel in ramkhel party phu pawl he tonnak nawl kan pek hna lai tiah an chim i thawng chungah a um mi le, Sahrang tiah ruahmi pawl he ton nak nawk kan pek hna lai tiah SAC ralhrang lei nih an chim.

Kawlram Chung Pumpi Mrach Thla Ni 12-18 Tiang 24hrs Mei A Mit Lai Tiah SAC Ralhrang Nih Cathanh A Chuah

Myanmar ram pumpi March thla ni 12-18 tiang zarkhat chung 24hrs mei amit lai tiah SAC ralhrang nih cathanh a chuah. Mei lein vuanci zung nih mei tha 1455 MKW chuah a si nak kong, hmuh khap a si mi mei tha thar pa 2 in mei chuah khawhnak,

Vawlei tang pipe lam lei pahtlainak cu march thla ni 12 in 18 tiang tuanvo lak nak a si lai nak kong, mei chuah nak dinh ter nak a si lai nak kong, cu ruangah mei serchuah nak cu March thla ni 12 in 18 tiang,

Zarhkhat chung kawlram chung pumpi 24hrs mei a mit lai tiah SAC ralhrang nih cathanh a chuah.A tu ah Biluu Chaung mei zungin a chuak mi mei peknak tower tung an hrawh caah MKW 200 hrawng in mei pek khawh a si lo nak kong,

LNC man a kai tuk i ram chung ram leng Zinan man sining a dik lo i, zinan cawk nak a har tuk lio ah LNC zung pawl i mei pek nak MKW 750 hrawang in dinter chung a si nak kong . Mah ruang ah pekchuah mi nak in hman in a tam deuh caah,

Meitha thingnak le meitha zawrter dingin tuanvo lak lio a si nak kong. A tu ah tower tung pawl cu aran nak in remh lio a si i, Kyohpyo ah siseh, adang hmunhma ah si seh MKW 150 in pekkhawh dingin  i zuam lio a si nak kong. Mei a tu le tu in a mih mi hi  tower tung  hrawh peng ruangah a si tiin Mei lei in vuanci nih a chim.