BREAKING, Thawngpang Ttha Kho Taktak Bak Theih A Si Ko Hih

KNU Hmunram Ah February Thla Chungah Kahdohnak 300 Hrawng A Chuak I SAC Ralhrang  305 An Nunnak A Liam

KNU hmun ram ah SAC ralhrang lei KNU, Mipi ralkap kahdohnak 298 a chuak i SAC ralhrang le Ralhrang dirkamh tu BGF minung 305 an nunnak aliam nak kong cu KNU nih cathanh a chuah.

Cun pin ah ralhrang le BGF ralkap 209 nih hlaim an tuar i motor 38 an hrawh khangh piak nak hna kong zong an langhter chih. KNU, KNLA, KNDO lei in minung pa 6 an nunnak aliam ve i minung 23 nih hliam an tuar tiah theih a si.

SAC ralhrang le BGF phu fonh hna nih hriamnam ngan an kah ruangah khuami minung pa 2 an nunnak a liam i minung 26 nih hliam an tuar tiah thawng kan theih.  Mah hriamnam ngan an kah mi hi  hi voi 400 renglo an kah tiah theih a si.

Ralhrang Nih Pu Rung Hu An Thah

Kalay in Falam in Hakha lei ah a rak i thawhmi ralhrang hna cu Hakha peng Chuncung khua ah an riak i, Pu Rung Hup ( kum 47 hrawng)cu an thah i a ruak cu tiva hro ah an hlonh tiah kan theih.

Khuami pakhat nih ” Pu Rung Hup hi hawi bang pah lo mi a si, khuachuah taak a duh lo caah khua ah a ummi a si, a ruak cu 06 Vaute 2022 ah hmuh a si i, a ruak zong khuami nih kan lak cang, a nih hi amah pakhat lawng khuasa le chungchuak tufa ngei lo a si ” tiah a chim.

Chuncung khua cu ralhrang nih an inn lo an baoh piak hna, an zuat satil arva an thah piak hna, an thilri hnipuan fenhaih tiang in an fir piak hna tiah kan theih.

A voi 2 nak Chin National Defense Force (CNDF) i ” Special Commando Training Closing Ceremony ” cu 2022 March 4 ah tluang te’n tuah a si.

A Vei 2-nak Chin National Defense Force (CNDF) ih “Special Commando Training Closing Ceremony” cu 2022 March 4 ah tluangten kan tuah a si.

A Tu Lio Vawlei Cungah Miralttha (Hero) Bik An Ti Mi Ukraine President Zelensky Nakin A Ralttha Deuh Mi Kan Myanmar President

Ukraine president Zelensky cu Buiden nih ” Na ram chuah tak na duh cun na chungkhat he chuah ding in kan bomh hna lai” tiah a ti. A sinain Ukraine president Zelensky nih ” Ka ram phun ning loin a dohtu cu ralttha tein ka doh hna lai i hriamnam tu in ka bom” tiah a leh.

A sinian Feb: 1 ah hriamnam i bochan in hramhram in uknak ala mi SAC ralhrang hna nih kan Kawlram president cu ” a ngam dam lo nak kong chim in SAC ralhrang hna nih President in chuah ding in an ti i a lu ah meithal in i tinh in President in chuah ding ah min an thut ter.

Kan Myanmar president ” kei cu mi dam ka si ko nan mah zulh phung he aa pehtlai lo in thil nan tuah caah ka tuah kho lo, nan duh lo a si ah cun meithal in ka kahthah ko uh” tiah ralttha tein a ti hna caah SAC ralhrang pawl cu zeihmanh loin a kir ter hna.

Mah ruangah SAC ralhrang pawl cu a tu tiang ah uknak an lak mi cu an hlawh a tling kho lo kan ti khawh.  Mah president pahnih hna cu a dik mi thil ah cun ralttha tein thil an tuah ngam i a ruang cu man angei mi an buanbia ruangah a si kan ti kho. Ref; NP

March 4 Chung I Dohnak Ah Russia Sunghmi,

Ralkap 9,200 an thi cang. Vanlawng 33 an hrawh cang. Helicopter 37 an hrawh cang. Tanks 251 an hrawh cang. Miakpi 105 an hrawh cang. Armoured Vehicle 939 an hrawh cang. Rocket kahnak motor (LMRS) 50 an hrawh. Raltuknak tilawng 2 an hrawh. Car 404 an hrawh cang. Datsi phurtu motor 60. Drone (UAV) 3. Anti-aircraft defense system 18. Crd: Chesael Bawi

Thailand Mino 2000 Leng Nih Ukraine Bomh Dingah Min An Pek

Russia le Ukraine an i doh lio pi ah Thailand mino 2000 leng nih cun Democracy duhnak langhter in Ukraine bomh in Russia ralkap pawl doh pi dingah Bangkok um Ukraine Embassy ah an min an i pee tiah theih a si.

Ukraine bomh dingin Thailand miralttha pawl hna lak ah Thailand ram cung lei ralkap hlun minung pakhat aa tel ve tiah theih a si. Cheukhat nih online in an min an i pee tiah theih a si i, cheukhat cu Ukraine Embassy ah va kal in hmaitonh in an min an i pe tiah theih a si. Hmaitonh in a min aa pee mi hna lak ah Thailand cunglei ralbawi hlun Hanaphong Phongpai zong aa tel ve tiah theih a si.

Hanaphong Phongpai ” Ukraine nih cun Russia an do. Doh dingah Ukraine mipi cu zalonnak Democracy a duh tu an si. Kan nih Thiland mi zong Democracy duhtu kan si bangin Ukraine ram caah zei dah ka tuah kho timi hi ka ruat theu ton.

Cu ruangah cun Democracy duhnak langhter nak caah raldo bawmh khawh dingah min ka pek. Russia nih Ukraine a doh mi hi a dik lo tiin ka hmuh. Aa thawk kaa in ralkap hmunhma lawngah doh dingin an chim nain, a tu ah cun Russia nih Ukraine mipi zawn ruat ti lo in,

Sii-inn le sianginn hna zong bom in an kah. Hi ruangah hin Ukraine bomh dingin bomhduh chanhnak ka ngeih hi a si. Thih na tih lo maw tiin an kan ti a sinain thih hi ka tih ve ko. Decemoracy a khel ding kan si.

Ukraine mipi sinah Chim ka duh mi cu nan mah lawng si lo in mi tampi nan lei ah kan um. Vawleipi hna nih kan i philh hna lai lo i Nan mah bomh duh ah mi tampi kan um. Kan mah cu super power ngei kan si lo nain Kan i bomh hna i tangrualti nak kan ngei hna lai.

Nan mah bomh dingin kan i zuam cio cio hna lai i, rak kan hngak rih hram ko uh” tiah a chim. Bangkok hrambunh Ukraine Embassy palai nih ” Ukraine bomh duh ah min a pe mi pawl cu raltuk cawnnak ngei le ngeih lo ding timi cu thawngfiang tein theih nak dingah Email in chawnhbaik khawh a si ” tiah a chim.