Tamu Peng Ah SAC Ralhrang Ralkap Sakhan Cu PDF Fonhmi Nih An Kah!
Arm Khuapi Ah Chin Ralzaam Mipi Inn Telh In Minung Umnak Inn (18) Mei Nih A Kaang!
Din-ti Harsatnak A Tongtu Kawlram Ralzaam Mipi Sinah Din-ti Thawl/Dur 100 Leng An Bawmh!
Mino 18 Hna Cu SAC Ralhrang Nih An Mah Pakhat Cio In Thihdan Le Thihhlanlo Thongdan An Pek Hna
Yangon ah mino 11 thih hlan lo thongdan an pek hna i minung 7 hna cu thihdan an pek hna hnu cu Myo Okkalapa sianginn cachimtu sayamah thahnak ah an tlaih mi minung pali hna zong thihdan an pek hna tiah theih a si.
Yangon ranthen chungah an tlaih mi hna minung 18 hna cu an hmuh an zoh piak hna i pakhat cio in thihdan le thihhlanlo thongdan an pek hna tiah thawng theih a si.
Dan an pek mi mino hna cu Hlantaya, Kyi Myint Tan, Dagon Seihkam, Myo Okkala hna ah a um mi an si tiah theih a si. Mino 18 hna lah ah minung 11 hna cu thihhlanlo thong dan an pek hna i, minung 7 hna cu thihdan an pek hna tiah theih a si.
Thihhlanlo thongdan an pek mi mino hna cu Hlantaya Yaungkyi Police sakhan an kahdoh, Khuauk Bawi zung cu bomb in an kahdoh, hriamnam an thuh, Tlangcung hriammtlai hna sinah tintan an kai , dohthlennak a tuah mi pawl he aa pehtlai mi an si tiin SAC ralhtrang nih an ti hna.
Thihdan an pek mi hna minung pa 7 hna cu Hlantaya le Myo Okkala ah a um mi an si i mah chungah minung pathum hna cu khuauk bawi meithal in an kahthah, a tang mi minung pali hna cu Myo Okkalapa sianginn cachim tu an kah thah tiin SAC ralhrang nih an ti hna. Mah thihdan an pek mi hna lakah nu mino pakhat zong aa tel ve tiah theih a si
Leave a Reply