BREAKING; Thawngpang chia kho taktak bak theih a si e!!

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Thawngpang Kan Theih Mi Chungin Thawngpang Chia Fonh, Thinlung A Fak Ko!
================
Magway ramṭhen, Natmauk peng Hpattawye(ဖက်တောရေ) khua cu SAC ralkap nih October 18, zaanlei ah an khanghpiak hna tiah theih a si. SAC ralkap hna nih October 18, zaan suimilam 7:00 hrawng ah Hpattawye(ဖက်တောရေ) khua thlanglei in mei khanghhram an thok. Khuachung um khuami pa 120 zong an tlaih hna leng ah an hrem hna tiah theih a si.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

“Hpattawye(ဖက်တောရေ) khuachung inn an khangh, khuachung ummi pa hna cu an tlaih hna leng ah, an tuk velh hna, tuzaan tiang ah an thlah rih hna lo. Khuachung ummi nu zong khua leng chuak lo ding in nawl an pek hna. Khuachung ummi inn zuat saṭil Ar le Vok zong nihin chunnitlak an thah an nawn hna, an tlaihmi mino hna cu tho kholo tiang in an tukvelh hna, tlaih a tongmi hi minung 120 hrawng an si” tiah khuami pakhat nih a chim.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Hpattawye(ဖက်တောရေ) khua cu inn 300 hrawng an si i, October 17 ni zong ah SAC ralkap nih zaan lai ah an rak khangh bal cang, cun nihin October 18 zong ah an khangh ṭhan tiah theih a si. October ni 17 zinglei ah Sagaing ramṭhen Wetlet peng Shwe Pan Kone khua palik sakhan cu tualchung hriamtlaiphu fonh hna nih kan kah hna i SAC ralkap lei in 2 an thi, 96Soldiers phu in PDF pakhat a nunnak liam ve tiah 96Soldiers phu nih cathanh an chuah.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

October ni 17 zinglei suimilam 5:40 hrawngah Wetlet peng Shwe Pan Kone khua palik sakhan va lak ding in 96Soldeirs-PDF, Daungni phu, Minphyusin phu le Tawthargyi phu fonh hna nih kan kahdoh hna tiah an cathanh ah cun an langhter. Kahdohnak suimilam pakhat hrawng a rauh ah SAC ralkap nih vanlawng in an bawmh hna caah sakhan la kho lo in hnu an tolh ṭhan tiah theih a si.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Rakhine ramkulh, Kyauktaw(ကျောက်တော်) peng le Myinpyia(မင်းပြား) peng ah nizan October 17 ah SAC ralkap nih hriamngan an kah caah hriamngan kuan nih tualchung mi nu 4 cu a khen hna caah an nunnak a liam, tiah theih a si. A nunnak a liammi hna cu Kyauktaw peng in Paihteyet(ပိုက်သည်ရပ်) khuami Gyia Mi Na(kum 30), Daung Chaung Gyi khua ah cachimtu sayamah Mya Mya Saw(kum 48), Myinpyia peng Phalaung Pin(ဖလောင်းပြင်) khuami San Nwe Soe(kum 10) le Hla San Yin(kum 23) an si, tiah theih a si.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Daung Chaung Gyi khuami pakhat nih, “Ralkap nih hriamngan an kah lioah sayamah nu cu sianginn chungah a um lio a si i, hriamngan kuan cu sianginn tual chungah a tlak caah sayamah cu hriamngan kuan pelpawi nih a khen caah a nunnak a liam hi a si,” tiah a chim. Nizan October 17 chun in SAC ralkap nih hriamngan kah ruangah ngakchia pahnih telh in tualchung mi 6 hliamhma an pu, tiah theih a si.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Madalay ramṭhen, Ngazun peng Satpyiagyin(ဆပ်ပြာကျင်း) khuami khuabawi hlun Htun Thein a inn cu, SAC ralkap nih an hrenh pinah a naupa Aung Zaw Win cu kyats sing 70 in an tlanhter i a chungkhar nih SAC ralkap cu tangka an pek hna caah kan hnu zarh ah an thlah ṭhan, tiah Htun Thein he naihniam in a ummi sinin theih a si.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

A luancia August thla ah an unau in an rak tlaih hna i, October 15 ah SAC kuttang khuabawipa Aung Ko le SAC ralkap nih Htun Thein inn cu an hrenhpiak, tiah theih a si. “Aung Zaw Win cu a chungkhar nih kyats sing 70 in an tlanh ko nain a motor tu cu an pe lo. Khuabawipa Aung Ko nih, liecence a um lomi motor pakhat nan ka cawkpiak lawng ah motor cu kan pek hna lai a ti hna,” tiah naihniam mi pakhat nih cun a chim.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Htun Thein a naupa Aung Zaw Win cu SAC ralkap nih an tlaih caah a upa Htun Thein cu khuate pakhat ah a zam i, cuka a zamnak Ngazun peng Nyaung Laypin khua ah SAC ralkap nih an va tlaih hi a si, tiah theih a si. A naupa Aung Zaw Win cu a luancia August 21 lioah an rak tlaih i, a upa Htun Aung cu August 30 ah an rak tlaih.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Magway ramṭhen, Poah peng thlanglei Taungmyint(တောင်မြင့်) khuami pakhat cu SAC ralkap nih an tlaih hnu ah a hngawng an tan tiah tualchung mi nih an chim. SAC ralkap kut in thah a tongmi hi Titngyinaung(သစ်ညီ‌နောင်) khuami U Saw Htun(kum 45) a si i, a hngawng le a kut kee cu an tanpiak i faktuk in an thah hnu ah Taungmyint(တောင်မြင့်) khua sianglairuun innka ah an tanmi a lu cu an bah tiah tualchung mi nih an chim.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Private boder siangsangruun ah kum 15 tluk hrawng ca a chim cang mi U Saw Htun Moe cu SAC ralkap nih hramhram uknak an lak hnu ah CDM cawlcanghnak a tuah i ca chimh ai din nain, NUG nih a onmi sianginn ah ca chimtu saya a si tiah min langhter a duhlo mi tualchung mi pakhat nih a chim.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

“October 16 ah khuachung ah SAC ralkap nih rallam an sial caah khuami cu i thuh in bawh dih a si, cu ah cun sayapa cu ralkap pawl nih mithaupa kan zul tiin an auh, CDM saya Saw Htun Moe cu a kut hnulei hri ṭem in an kalpi. Ralkap pawl nih cun meithal zong voi tampi an puah, lampi an hmuh mi hna paoh phone, an sui le an phaisa an chuh hna.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Zaanlei suimilam 3:00 hrawng ah Taungmyint(တောင်မြင့်) sianginn an khangh, meithal zong an puah caah khuami hna cu ramlak ah an zaam hna, cu ramlak ah cun saya Saw Htun Moe cu an thah” tiah Titngyinaung(သစ်ညီ‌နောင်) khuami pakhat nih BVJ ah a chim. Saya U Saw Htun Moe faktuk in thah a tonnak hmanthlak cu tualchung mi hna sin in ngah asi ko na in, mipi hmuhawk ah a ṭhatlo caah langhter a si lo tiah theih a si

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Relchap, Russia Su-34 Ral Tuknak Vanlawng Cu Minung Umnak Sang Chungah A Tlak Caah Minung 13 Nak Tlawmlo An Nunnak A Liam, Russia ram thlanglei Rick khuachung building cung ah Russia jet vanlawng pakhat a tlak caah minung 13 nak tlawmlo an thi tiah Russia ṭuanvo ngeitu hna nih an chim. Cu a tlami vanlawng cu Su-34 Jet fighter a si i, zuan aa timh ah a tlak hi a si. Vanlawng khaltu pahnih cu vanlawng a tlak hlan ah inn cung ah an zuang manh tiah theih a si.

Vanlawng tlaknak ruang ah a rawkmi inn cu checkhlatnak tuah a si i, a thi mi minung 13 ruak an hmuh, cu chung ah cun ngakchia minung 3 an i tel tiah Russia ṭuanvo ngeitu hna nih an chim. Vanlawng a tlaknak dot 9 a sangmi innpi cu mei a kangh hnu ah, minung 68 an chanhchuah khawh hna, minung 19 nih hliamhma an tuar caah sizung ah an kalpi hna tiah theih a si. Vanlawng a zuan lio ah vanlawng engine cu a kangh caah cu vanlawng a tlaknak a si tiah vanlawng khaltu hna nih an chim tiah Russia runvennak lei vuanci zung nih an thanh.

Ayeyarwaddy Tiva Ah Rithaisi Phurtu Minung 2 PDF Nih An Tlaih Hna, Sagaing ramṭhen, Khin U peng Ayeyarwaddy tiva ah rithaisi a phurtu minung 2 cu PDF nih an tlaih hna tiah theih a si. Ayeyarwaddy tiva ah October 18, zinglei suimilam 7:00 hrawngah tilawng pakhat cu Temintaman(သေမင်းတမာန်) phu le Tawkyi Gyayine(တောကြီးကျားရိုင်း)phu nih checkhlatnak an tuah i, rithaisi phortu minung 2 cu an tlaih hna tiah theih a si.

“Ayeyarwaddy tiva ah October 18, zinglei suimilam 7:00 hrawngah Khin U nichuah lei, tiva in a rak kaimi tilawng pakhat cu tualchung hriamtlai phu nih checknak kan tuah, rithaisi kan hmuh caah kan tlaih” tiah Tawkyi Gyayine(တောကြီးကျားရိုင်း)phu in ṭuanvo ngeitu pakhat nih a chim.

Kawlram Ramkomh Vuanci Dr. Lian Hmung Sakhong S. Korea A Tlawng, NUG Cozah, Ministry of Federal Union Affairs ramkomh Vuanci Dr. Lian Hmung Sakhong cu nihin October 18 ah S. Korea a phan, tiah Representative-Office/KOREA nih cathanh an chuah. Dr. Lian Hmung Sakhong cu S. Korea ram um, Asia Center – Seoul National University ah a ra laimi October 21 ah tuah dingmi, ramkip he Myanmar Federal Democracy kong ceihmainak telpi ding in khual lian in an sawmmi a si, tiah theih a si.

Dr. Lian Hmung Sakhong cu NUG in S. Korea ram aiawhtu Yan Naing Htun le a rianṭuanṭi hna nih an don pinah S. Korea ram um Myanmar rammi hna le Chin zatlang bu hna nih an don, tiah theih a si. Dr. Lian Hmung Sakhong cu S. Korea ram ah zarhkhat a cam lai i, S. Korea cozah nawlngeitu, zatlang bu, S. Korea ram um Chinmi le Myanmar rammi chungkhar hna he tonnak an ngei lai, tiah theih a si. Crd-The Chin Post

Be the first to comment

Leave a Reply

Your email address will not be published.


*