Mipi Ralkap PDF hna nih SAC ralhrang bomtu Dalaan An thah nak video ( A tang bikah videos)
Tu thla ni 6 lio zongah Sagaing ramthen, Monywa pengkulh, Tawpu khua Yeeyet ah SAC ralhrang bomtu dalaan pakkhat cu Mipi ralkap hna nih a kut le kee an tan i hnu ah buuri chungah an khum i an thah tiah theih a si. A tu zongah Mipi ralkap hna nih SAC ralhrang bomtu dallan pakhat an tthan tthan nak video file a chuah. Tih nung kho taktak bak a si. Dalaan timi cu mah bakin thah ding an si.
Relchap, Nizan May 20 zanlei sml 6:00 hrawng ah Chin ramkulh, Tedim khua ah SAC ralkap nih CDF ralkap 2 cu meithal an i put lio ah an hmuh hna i, kahhnih kar kahdohnak a chuak. CDF 2 ruak, meithal zun 8, meithal kuan 167 le zen 30 Kyat Tha(ကျပ်သား) hrawng SAC ralkap nih an tlaih, tiah SAC ralkap thawngzamh si mi FiftyTwoNews nih a langhter. Hi thawng hi The Chin Post nih a dik, tiah fehternak kan tuah mi a um lo.
21 Biangreithlep 2022: Chin ramkulh, Thantlang peng Northward lei meng 7 hlatnak ah nihin zinglei suimilam 9:44am ah thazaang 4.5 tluk a ngeimi li a hnin tiah theih a si. Hakha nikhua tahnak nih a tah ning ah 21 Biangreithlep Myanmar caan suimilam 09:44:07 caan ah Chin ramkulh, Thantlang peng Northward meng 7 hlatnak ah North Latitude 22.79, East Longitude 93.43, Depth 34km, 7 miles tluk ah 4.5 tluk thazaang in li a hnin tiah Ney Pyi Taw nikhuah tahnak nih an thanh ning in theih a si.
21 Biangreithlep 2022 : 18 Biangreithlep 2022 zinglei suimilam 9:30am hrawng ah Chin ramkulh, Hakha Cawbuk sang, Hakha-Gangaw motor checkgate ah Hakha in Yangon kal dingmi ” Hakha Man” motor in khualtlawn a timmi CDF pakhat Thantlang peng Hmunpi khuami Aye Nan Dar Htwe cu kan tlaih tiah an thanh. Source: The Lairam Times
Admin hmurka: Zung Bawi Lian thawngzamhnak nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Mipi caah thawngpang dik lo zamh le ṭial hi kan duh hrimhrim lo. Thawngpang kan ṭialmi chungin le kan thlahmi chungin a dik lomi le kan i palh sualmi hna um cun mithmai i zoh loin chimhcawnpiak khawh kan si. A caan ahcun, minung kan si ve bantukin thawngpang kan laknak, kan chirhchannak hna nih a dik lomi an ṭialmi kan lehpalh sualmi zong a um kho, tlamtling lonak le chambaunak tampi kan ngei kho. Cu tikah careltu nih a rel zia le a ruahzia nan rak thiamnak lai kan nawl duh fawn hna. Thawngpang ṭial kan si bantukin kan i palhmi cungah lungtling tein kan in tuar ngam, kan palhnak kan cohlan khawh.
Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih pehtlaih khawh peng kan si. Cun, Na relmi thawngpang hna midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin Cathlahtu Admit leiin Careltu mipi sinah nawlnak- Mipi nih comment kan pekmi hi a mikip nih hmuh khawhmi a si. Cucaah kan duh lo tukmi le kan zumh lo tukmi thawngpang a va si sual hmanh ah comment chiahru, volhpamhnak tbk, le holh dawh lo (Tc- Media vialte thi dih u law ṭha tibantukin comment) hi kan hrial piak hram u tiah kan in nawl duh hna.
Aherh ahcun, pumpak tein message i kuat i chim chawnhpiak hi a ṭha deuh hnga lo maw? Cun, kanmah le kanmah zong kan limhang kan i zor ter bantuk a si. Cucaah zaangfahnak tein careltu nih comment peknak ah holh ṭha lo, holh dawh lo, volhpamhnak bia kan hrial piak hram u tiah kan in nawl duh hna. Palhnak i chimh cawnpiak cu zeibantuk minung cio paoh nih kan herhmi a si.
Palhnak chimh huat cu hruh a si tiah an ti lengmang tawn. Cucaah, kannih cu kan palhnak le kan diklo i remh dingi le i chim cawnpiak dingin ready kan si. Cucaah, holhdawh loin, comment le online chungah mizapi hmuh in i valhpamhnak bia tbk, hna kan chim sual lonak hnga kan in nawl duh hna.
Ukraine kan tuknak ah laser hriamnaam ka hman, tiin Russia nih a chim. US nih a hman taktak lehman taktak lo tehte pahkhat hmanh a hmu lo. US nih hin chun le zaan catloin Russia cawlcangh ning hi a rak ngiat ziar peng. Propaganda a si, tiin Ukraine nih a tipiak a sa lam. Laser hriamnaam hi zeibantuk dah an si i, raltuk tikah zeithluk hmualngei dah an si? Laser hriamnaam he ai khatmi Zadira hriamnaam Ukraine ah kan hman i, meng 3 hlatnak in Ukraine an drone second 5 chungah tla bak in kan kah khawh, tiah Russia ralkap thanchoter rian ah deputy prime minister Yury Borisov nih Russia TV ah a chim.
Orthodox ralkap tlangbawi min an pekmi, cuhlan an sermi Peresvet laser system in an chapmi a si. Cung sangpi in kan vawlei a heltu satellites tiangin vun cerh kho dingin le thawngpang khawmsua kho lo dingin satellites pawl kham kho dingin an sermi hriamnaam a si, tiin an fak len. “Persesvet nih mi mit a cawtter khawh a si ah cun, laser hriamnaam an ser thar nih hin cun thil le ri a hrawh khawh hna lai, a khangh khawh hna lai, tinak a si, tiah Borisov nih a chim len. Asinain, Ukraine ah laser hriamnaam an hman, timi thawngpang pakhat hmanh ka thei ruam lo, tiah US Department of Defense in official pakhat nih a chim. Russia nih laser ka ser a ti mi tham hi cu WW2 lio i Nazi Germany nih hriamnaam ka ser, ti mi he ai khat ko la cu. “Khuaruahhar hriamnaam” si ko la cu, tiin President Zelensky nih a ti sa lam.
“Tutan ral tei dawhdang an si lo deuhdeuh le, khupthal let khotu a thawng taktakmi hriamnaam a um ko rih, ti phun in an thli an thlah deuhdeuh te ding cu a fiang ko,” tiin Zelensky nih capo ah a seih salam cang hna. “Thla 3 kengte ral an tuk chungah hin, Russia nih a “khuaruahhar hriamnaam” cu kawlhawl in ai la…hi nih hin an i tinhmi an tlinh khawh lo zia fiangtein a langhter,” tiin a chim.
𝐋𝐚𝐬𝐞𝐫 𝐡𝐫𝐢𝐚𝐦𝐧𝐚𝐚𝐦 𝐧𝐢𝐡 𝐚 𝐭𝐮𝐚𝐡 𝐤𝐡𝐚𝐰𝐡𝐦𝐢 𝐥𝐞 𝐭𝐮𝐚𝐡 𝐤𝐡𝐚𝐰𝐡 𝐥𝐨 𝐦𝐢 𝐭𝐡𝐢𝐥 𝐡𝐧𝐚, Russia nih a tha taktakmi Zadira laser progrom ka ngeih a timi kong hi tlawmte lawng theih khawh a si. Asinain, 2017 ah khan, Russia state nuclear corporation Rosatom nih laser hriamnaam a ser chih ve i, thil le ri hrawh kho ve dingin in suisammi a si ve ko, tiah Reuters nih a chim bal. Asinain cucu a awngmin taktak le tak lo hmanh chim awk a tha lo, ti asi.
Asinain, laser hriamnaam a sertu ram pakhat cu a um taktak ko. Kan hnung thla ah khan, Israel nih laser hriamnaam in rockets le drones tla lakin a kahnak vdeo in an langhter. Voikhat kah ah $3.50 man hrawng lawng dih in mortar bomb, drones le rockets hi kan kah khawh cang lai, tiah Prime Minister Naftali Bennett nih a chim. “Hihi tawnchommi science ko a lo nain, a taktak a si” tiin a chim.
Asinain, Ukraine i ral an tukmi an khupthal hi cu laster hriamnaam nih zei ti ngaingai in a letthal kho theng lai ka zum lo, tiah Jerusalem Institute for Strategy and Security (JISS) in missile defence kongah thiamsang taktak a si mi Dr. Uzi Rubin nih a chim.
“Zelensky hi a dik – hihi “khuaruahhar hriamnaam” a si hrimhrim lo.
Tla lak in UAV vun kah dingin second tamtuk caan a rau. Cu ti tuahnak cha in a thadeuhmi lamdang an um ko. Stinger, asiloah anti-aircraft missile pawl hmanh hi an man ai dengdeuh ving lai i, an rangdeuh, hladeuh an kah khawh fawn,” tiin BBC ah a chim.
Laser hi a khenhmi target a kangh hlan lo a linhtertu ceu tluanpi hmangin rian a tuanmi thil a si. Tha taktak in an sermi laser hriamnaam hmanh hi raltuknak a khupthal lettu vun si dingah cun a derthawmtuk rih i, ‘mi thah khawhnak’ thazaang tlawmte lawng ai ngeih, tiah Dr. Rubin nih a chim diam awk.
“Hihi Star Wars i misual pawl laser in an ching (point at) i, khulrang te i hmeithal an hmeh le cangka misual pawl an i thek dih bantuk hi a si naisai lo. A tak tham ah cun, microwave oven bantuk sawhsawh khi a si ko. Tii hrai khat tlawhter na duh ah cun caan a la ko lai. Laser zong cu bantuk te cu a si ve. Target zawn te nai ngiat lai i, a linh hlan lo le thil a hrawh hlan lo na hngahngan a hau,” tiin Dr. Rubin nih a chim. Laser nih hin target pakhat lawng vio voikhat ah ai hmaithlak khawh i, missile defense systems belte nih cun voi viokhat ah targets tampi ai hmaithlak khawh, tiah a chim. Cun, a um rih mi cu, laser hi nikhua chia nih a thah khawh, zeicahtiah ruah, vur lakah rian a tuan kho lo, cun khuadawm a pah kho fawn lo, tiah a chim.
Asinain, Israel ser “Iron Beam” belte cu dirhmun ngei ah a cang. Cu zong cu phaisa tlothau deuh seh, ti bia a si ko. A man a faak ngaimi Israel ser Iron Dome interceptor missile hi mortar asiloah drones ral in khuapi vangka pawng kilvennak caah si lo in, ral nih an vun kahmi missiles pawl vennak ding caah a si, tiah a chim. “Missile in raltuk hi cu chawva tampi dih in raltuk khi a si ko. Rockets ral in i vennak in rockets ser hmanh hi ai dengdeuh. Cucaah, i runvennak a man dengdeuh dingin na tuah khawhmi paoh cu san an tlai dih, tinak a si,” tiin a chim.
“Meitha in kahmi hriamnaam paoh hi phaisa a heu lo deuh ve – asinain cu pawl hriamnaam nih cun kan tukmi ral lai a rel taktak kho hlei lai lo. Russia ralkap pawl na mit cawtter dingin Russia nih laser hriamnaam a hman khawh men mi a si, tiah pensen la cangmi Australian ralkap major general Mick Ryan nih Washington Post ah a chim. Cu ti i mi mit a chawtter kho tu hriamnaam hman cu UN hnatlaknak ah 1995 lio i an telhmi phung nih a awnh lo. Cu hnatlaknak ah min a thumi hna cu Russia, US, UK le a dangdang an si hna.
“𝐊𝐡𝐮𝐚𝐫𝐮𝐚𝐡𝐡𝐚𝐫 𝐇𝐫𝐢𝐚𝐦𝐧𝐚𝐚𝐦” 𝐢 𝐚 𝐭𝐮𝐚𝐧𝐛𝐢𝐚, Zelensky nih “wonder weapons” – Wunderwaffen – tiin a chimmi hi WW2 lio i Nazi Germany nih an dirhmun a thatlo hnu i an thli an thlahmi kha a chim duhmi cu a si. Cu ti thli (thluaktawlnak) rian cu Joseph Goebbels nih a lakpimi a si i, ‘hriamnaam tha taktak a ra lio, cu nih cun kan duh ning tein an tukmi ral hi a khupthal a leh te lai,’ tiin German ralkap pawl an thluak a tawl hna i, teihnak a um kho ko, tiin lung a ronh hna. Britain i bomb thlatu V-1 Nazi nih kah hram a vun thok in cun, hi kan hriamnaam nih hin Britain ral a sunghter cang lai, tiin cu thluaktawl rian a tlaitu Nazi nih cun a mi pawl cu thazaang a pek hna, tiah Michael Neufeld nih a chim. Anih hi Washington ah a ummi Smithsonian Museum i senior pakhat a si.
“Thluaktawlnak rian nih cun lehrulnak tuah kho dingin le kan khupthal i let than kho dingin a thli a thlah. Zelensky nih WW2 tuanbia chirhchan in bia a chim, ti cu khuaruahhar awk ah ka chia lo,” tiin Neufeld nih BBC ah a chim. Asinain, an chim bang thil a si lo tikah lungrawhnak fakpi a tlung – cu bantuk hriamnaam cu rak um tak sehlaw nihin tiang hmanh ah minung nunnak tamtuk a liam cang hnga. Hi kong hi caan saupi chung a rak ruat bal ve, tiin Neufeld nih a chim.
Asinain, Russia nih laser hriamnaam a sernak kong tlang a au mi hi zei sawpa in rello tuk lawm man dingah cun ka ruah lo. Nuclear le hypersonic hriamnaam a sernak kong hi Moscow nih tu le tu hlasak in a sak cang, tiah Neufeld nih ralrinpeknak he a bia a chim chih.
Ral a linhsat lio tuk a si caah, awlokchon ruang i an chimmi dawh a si ko cuh, ti phun in fawituk in lakpiak ding belte cu a si ruam lo. Ral ai thok ka in khan hi bantuk hriamnaam kho kan chimrel a si ah cun Ukraine hi raltuk kan ngolter khawh mi a si, tiin an rak ruah. Asinain, a tu zongah cun leh le orh an i thleng riangmang i, ‘kanmah kan thawngdeuh ko’ ti chim le phuan in an i la,” tiin a chim.
Htantabin pengkulh, KNDO tatyin (4) hmunhma ah kum 10 chung hram a bunh a si cang mi, SAC ralhrang sakhan pakhat a si mi Tee-Doh-Tha sakhan, Koday khan le Bogali khuapi ralkap sakhan hna cu May thla ni 4 in 18 chungah KNDO ralkap chungin Sniper in voi 6 tiang an kah hna caah SAC ralhrang mining pa 8 an nunnak a liam i, minunung pa hnih nih hliam an tuar tiah theih a si.
Tee-Doh-Tha sakhan cu May thla ni 4 ah voikhat an kah i, minung pakhat an nunnak a liam tiah theih a si. May thla ni 8 ah an kahdoh tthan i Ralhrang minung pakhat a nunnak a liam tiah theih a si. May thla ni 13 ah voikhat an kahdoh tthan i minung pakhat a nunnak a liam, May thla ni 15 ah an kahdoh tthan in minung pakhat a nunnak a liam i an zapiin minung 4 an nunnak a liam tiah theih a si.
Koday sakhan ah May thla ni 14 ah voikhat an kahdoh i SAc ralhrang mining pa 1 a nunnak a liam i, minung pa 2 nih hliam an tuar tiah theih a si. Cu bantuk thiamthiam in Bogali khuapi ralkap sakhan cu May thla ni 18 ah an kahdoh tthan i SAC ralhrang minung pakhat a nunnak a liam tiah theih a si.
Leave a Reply