SAC Ralhrang Nih Phungki Sianginn An Kah!
Sagaing ramthen, Kalay myo peng chungah ralzaam pawl an umnak phungki inn cu SAC ralhrang nih hriamnam ngan in an kah caah ralzaam minung pa 5 nih hliam an tuar tiah theih a si.
SAC ralhrang pawl cu Kalay myo chak lei Nat Myaing khua Aung Mayya Pyih Phungki sianginn chungah hriamnam mgan in an kah i, hliam a tuar mi hna lak ah minung pakhat cu a hma a zual ngai i,
Cu hlei ah hliam atuar mi minung pakhat zong a hliam tuar mi a fak ngai ngai tiah Kalay mipi hmunhimtu phu nih tu ni ah cathanh a chuah.
Mah hlei ah Nat Myaing thlanmual pawl ah aa dawr mi pawl cu SAC ralhrang nih an hmuh hna hnu ah mipi minung pakhat cu an kahthah i, minung pakhat nih ngeih mi caw ruun hna cu hriamnam ngan in an kah caah caw pathum an thi tiah theih a si.
Chin Ram Le Magwe Ramri Ah Kahdohnak Fak Piin A Chuak
Magwe ramthen le Chin ramri Ka Chaung khu ah kahdohnak a chuak i SAC ralhrang lei in minung 5 hrawng an nunnak aliam i Minung pa 9 nih hliam an tuar nak kong cu Kanpalet CDF nih cathanh a chuah.
Tuni suimilam pa 10:00 hrawng ah mah kahdoh nak a chuak i CDF lei nih i hmunhim pah in an kah hna tiah theih a si. Mah kahdoh nak hi Suimilam pa 1 hrawng a chuak i SAC ralhrang lei minung pa 5 an thi i, pa 9 hrawng hliam an tuar tiah theih a si.
Cu pin ah SAC ralhrang pawl cu Yaw PDF nih bomh an phum mi an i lamh sual i an hliam ngai tiah theih a si. Mah kah dohnak ah CDF lei hliammi le thimi um loin an kir kho tiah theih a si.
Leave a Reply