Kawlram Lemcangthiam minthang Khine Thin Kyi a va pa Khant Naing SAC ralhrang nih an tlaih piak.
Kawlram lemcangthiam mintami Khine Thin Kyi a va pa cu tuni April ni 27, zaan suimilam 10:00 hrawng ah, SAC ralhrang security pawl cu an inn ah an rak phan i, an i kal pi, an tlaih tiah theih a si. A fa nu a si mi San Htate Htar Oo zong nih ” ka pa cu an i kal pi cang” tiah a facebook cahmai ah a langhter.
SAC ralhrang security pawl an inn an phak lio ah inn chung an rak luh lio video zong an thlak tiah theih a si. Mah Khine Thin Kyi a va pa an tlaihnak kong he pehtlai in zei ruangah dah an tlaih i zei ruangah an kal pi ti cu theih khawh a si rih lo. A luancia zong ah Khine Thin Kyi cu SAC ralhrang nih lemcangthiam lei in an pek mi zong an chuh than tiah theih a si.
Thawngdang, UN General Antonio Guterres cu Russia ah a tlawng i, Ukraine tukdohnak ngol cang ding in Moscow khuapi ah Russia President Vladimir Putin cu a va nawl. Atu tan hi UN General Secretary nih Russia a tlawn voikhatnak a si i, President Putin nih cun Mariupol thawngpang kong a rak ceihpi lengah Ukraine he biaruahnak an ngeih mi nih theipar ṭha a chuahpi ṭheo lai, ruahchannak kan ngei, tiah a chim.
Putin nih cun, “Mariupol i steel factory pakhat ah a taang mi Ukraine ralkap hna cu Russia ralkap nih an kah hna, tiah thawngpang a thang mi cu bia dik lo a si i, factory chung ah civil mi an um ve a si ahcun Ukraine ralkap hna nih an duhnak lei panh ding in an chuahter hna awk a si,” tiah a ruahnak cu UN General Secretary sinah a chim.
UN General Antonio Guterres nih cun,”Hi buainak daihter ding hin Ukraine le Russia ralkap hna he lungrual in rianṭuanṭi a hau i, Factory chung um civil mi hna lakchuah cu a biapi ngai mi rian a si. Russia nih cun civil mi hruaichuah mi a um lo kong le an lam ding i nan timhtuah cia mi cu hman a si lo, tiah nan thanh caah lamthar kan kawlpiak hna a hau,” tiah Putin cu Mariupol um civil mi hna chuahter a herhnak kong a chimh ve.
Leave a Reply