Sagiang ramthen , Sagaing Myo Pann Chi khuate ni tlak lei ah a um mi, Mango dum pakhat ah Sakhan chiah mi Mipi ralkap sakhan cu kahdoh luhhnawh a ton i, Hluttaw palai zung in minung pakhat le PDF in minung pa 7 hna nih ram le miphun caah an nunnak an peek tiah theih a si.
Ni zaan chunlai suimilam 2:30 hrawngah SAC ralhrang hna nih an valuhhnawh kahdoh a si i, Maha Aung May pengkulh, Hlutaw Plai pakhat a si mi Ko Phu Zaw le PDF minung pa 7 hna nih ram le miphun caah an nunnak an peek tiah theih a si. SAC ralhrang nih Mango dum pakhat kahdohnak ah,
M-16 meithal zuun khat, kutin tuah mi meithal zuun 3, M-16 meithal bom pa 3, 5.66 kuan 850, Ak-47 kuan 80, 22 points kuan 100, 12 volt ammunition 20, 12 volt handgun 44, kut in tuah mi bom pa 4, Pistol zuun khat, Pistol kuan pakhat, Mirror (Egal type) zuun khat, M-16 China ser kutpuah bomb lung 3 le hliamnam dang kan laak piak hna pinah Minung pa 7 kan kahthah hna tiah thanhnak an tuah theih a si .
Magway ramṭhen, Pakukko pengkomh Yezakyo peng YwapawngSeywa Bilatkung khua ah SAC ralkap pawl cu May 12 ah an lut i, mizapi inn an khangh, Bilatkung khua in an kirlei zanlei sml 3:30 hrawng ah PDF ṭangṭi phu hna nih kan kah hna caah SAC ralkap 22 an thi, tiah CDSOM nih cathanh an chuah. SAC ralkap nih kanmah lei ralkap pakhat a ke ah an kah i aa thlop lio a si, Anmah lei thimi an tam tuk caah Hlekoh khua lei ah an kir, tiah Civilians Defense Security Organization Myaung(CDSOM) nih an langhter. SAC ralkap pawl nih May 13 ah Hlekoh khua cu mei in an khangh,
Cu khua inn an khanghmi va phalh dingah a kalmi PDF pawl cu SAC ralkap nih, an kah hna caah ralkap pakhat G3 kuan nih a khen i Kuan kham angki aa hruk ko nain a pemh caah a nunnak a liam, tiah theih a si. Cu kahdohnak ah CDSOM, MUA, Sagaing pengkomh Battalion 1,2 le Comapany 3, Burmese Guerrilla Force -BGF, MGN RANGER Battalion 2, MGN TIGER Battalion2, MGN 21 Guerrilla Force (MTGR) Battalion 2 GGG, Peafowl Guerrilla-PDF Myaung Farmer Shwe-Ao Revolution Forc, CRF (Myinmu), Black Eagle Defense Force, MMU, MG6, MGN 35 Guerrilla le a dang PDF phu 4 hna an si, tiah theih a si.crd-the chin post.
Ca dang relchap; CNDF Ralkap A Nunnak Liam Mi Ralkap 5 Caah Ngaihchiat Nak Cathanh, Chin ramkulh, Falam peng le Sagaing ramtthen, Kalay peng chungah March thla le May thla chung ah Chin ralkap 5 an nunnak liam tiah May 12 ah CNDF nih cathanh a chuah. March 26 ah Salai Ro Thang Zam (Kum 44 )le Salai Lal Pek Thar ( Kum 22) hna cu Falam peng ralram hmun pakhat ah tlaih an tong i April 18 ah an ruak in hmuh an si. April 11 ah Salai Abednego ( Kum 19 ) le April 13 ah Salai Kap Za Thuan ( Kum 29 ) hna cu Kalay peng ralram hmunkhat ah an nun nak a liam,
May 7 ah Falam peng ralram hmun pakhat ah bomb chuahsual ruangah mizapi vengtu ralkap pakhat a nunnak liam tiah an langhter. Dohthlennak caah nunnak pe mi hna cu CNO / CNDF nih upat nak kan pek hna i tantak mi chungkhar nan ngeihchiat nak kn nin hrawmpi hna tiah an tial. Nunnak pek in ram a kilveng mi pasal tha hna thisen cu kan philh lai lo i SAC ralkap uknak cu a ci in kan hmiih khawh tiang kan doh lai tiah a nunnak a liam mi pasal tha hna min chal in cathanh ah an langhter. Kahdohnak ah a nunnak a liammi an um bantuk in tlaih hnu in an thah beh hna mi hna cu ralkap phungning an zulh lo a si tiah. CNDF chimnak nawl ngei tu Salai Cung Ngai nih a chim. Chin ramkulh chungah SAC ralkap he kumkhat leng ah kahdohnak voi 61 a chuak i SAC ralkap 400 leng kan thah khawh hna i CNDF lei in minung 19 cu ram le miphun caah an nunnak an pek tiah cathanh ah an langhter.
Leave a Reply