Thuh MI, Chinmi Thah Dih Le Nawn Dih An Kan Timh Tu Col. Saw Tun
==================
Thutmi, Col.Saw Tun ah Chin ram chungah a pahnihnak a sang bikmi SAC ralhrang tatmadaw ralbawi a si i, Chin mipi khuami, vilate cungah tliahkhih, thahnawn, meikhang, tliahhrem, tlaihkhih tibantuk in sahrang rian a tuan mi a si tiah theih a si. A mah cu Hakha hrambung LIB-266 ah a sang bik mi a si tiah theih a si. crd-CHRO
Thailand-Myanmar Ramri Ah SAC Ralkap Vanlawng Nih Bomb An Thlak I, AA Ralkap 3 Nunnak A Liam!: Myanmar-Thailand ramri i Arakan Army (AA) camp pakhat ah SAC ralkap nih vanlei in kahdohnak an tuah caah Arakan Army(AA) chungtel 3 nunnak a liam i, hluamhma tuarmi zong an um, sii-inn, seh-zung le inn cheukhat zong an rawk, tiah AA nih an thanh.
July 4, chun suimilam 12:25 ah Myanmar-Thailand ramri pawng Kayin Karen National Liberation Army (KNLA) brigade 5 hmunram chung i Arakan Army(AA) camp pakhat cu SAC ralkap nih raltuknak vanlawng 2 in bomb thlak i, kahdohnak an tuah caah AA ralkap 3 nunnak liam lengah 10 hliam an tuar, tiah AA nih an langhter. Vanlawng 2 cu kahdohnak a dih hnu ah Thailand lei ah an zuang, tiah an thawngthanh ah an langhter chih.
Rakhine Ram Ah, Ni 4 Chung Ah Bomb Voi 3 A Puak I, Tualchung Mi 2 An Thi!: Rakhine ramkulh SAC ralkap kuttang um battalion umnak pawng ah, ni 4 chung ah bomb voi 3 a puak i, tualchung mi 2 nunnak a liam pinah pakhat faak ngai in hliam a tuar tiah theih a si. Bomb hi July 1 in 4 chung ah a puak i, nihin July 4 ah Kyaukṭaw (ကျောက်တော်) peng SAC ralkap battalion umnak pawng ah caw zohkhenhtu pa pakhat nih chunhnu suimilam 1:00 luan hrawng ah bomb aa lamhsual i, faak ngai in hliam a tuar hnu ah a nunnak liam, tiah theih a si.
Cun, July 1 ah khan Kyaukṭaw(ကျောက်တော်) khuachung khah-mah-yiah 375 battalion pawng Leikuang ah caw zohkhenhtu WatHmai(ဝက်မှိုင်း) khuami U Tan Sein Mawng cu bomb i lamhsualnak in a ke khatlei a bul i, Siṭṭwe siizung ah a nunnak a rak liam.
Minpia(မင်းပြား) peng AhṭatKhaChiMyaung(အထက်ခချီးမြောင်) khuami Ko Mawng Hlah Htun cu Minpia(မင်းပြား) peng SAC ralkap camp hmunkhat pawng ah, rua sam ding in a kal lio ah bomb i lamhsualnak in a ke khatlei a bul caah thlopbul cuahmah lio a si, tiah theih a si. Kum 2022 chung ah Rakhin ramkulh in bomb ruang ah nunnak a liammi le hliamhma tuarmi 20 leng an um cang, tiah REC nih an thanh.
Chaung U Peng Ah SAC Ralkap Bomb Puahhnawh An Si I Ralkap 5 An Thi: Sagaing ramṭhen Chaung U peng ah ke in rallam a sial mi SAC ralkap hna cu bomb puahhnawh an si i ralkap 5 an thi, tiah Chaung U Local Defense Force nih nihin ah thawng an thanh. Chaung U nichuah lei Natyekaan(နတ်ရေကန်) khua le Koipyintaw(ဂွေးပင်တော) khua karlak lam hmunkhat ah i dup in, a kir mi SAC ralkap 15 cu nihin(July 4) zing Sml 5:30 ah timhtuah cia mi bomb in puahhnawh an si, tiah theih a si.
Bomb puahhnawh an si hnu in bomb nih a khen lo mi SAC ralkap hna nih Chaung U Local PDF (CHU LDF) pawl an um lai an tiah an ruahnak hmun poh cu ruahdamh in an kah nain CHU PDF lei hliam tuar um lo tein hnu an tolh kho tiah theih a si. Cu kahdohnak cu T.G.R (Myaung), Farmer Revolution Force(Chaung U) le Monywa Lightning PDF an i bawm in tuah mi a si tiah theih a si.
Shwepyitha Ah Tlakrawh Inn A Cimh Ruangah Rianṭuantu Minung 7 Hliam An Tuar! Yangon, Shwepyitha(ရွှေပြည်သာ) peng No.5 sang, Patamya(ပတ္တမြား) lam ah sak cuahmah lio mi tlakrawh inn dot 2 cu nihin (July 4) zinglei ah a cim i rianṭuantu minung 7 hliam an tuar tiah mibawmchantu phu in rianngeitu pakhat nih Voice of Myanmar ah a chim.
Hliam a tuar mi hna cu nu pakhat le pa 6 an si. A cimhnak hmun ah Fire Department in rianṭuantu hna le mibawmchantu phu hna kal in, hliamtuar mi hna cu Innsein siizung le Yangon siizung ah an kalpi hna, sinain an hliamhma kongah lungrethei tuk cu an si lo,” tiah bawmchantu hna in rianngeitu nih a chim.
Bawmchamtu hna nih inn a cimhnak hmun ah a taang mi minung an um le um lo an kawl hna, tiah sangchung mi hna sin in theih a si. 2021 October 15 ahkhan Dagon nichuah lei No. 6 sang Mayyu(မေယု) lam ah inn pakhat a rak cimh ruangah minung 3 an thi i, midang 8 hliam an rak tuar.
Kachin Independence Organization (KIO) cu U Nu cozah he ruahnak aa khat lomi Burma Army ralkap hlun pahnih Lamung Tu Jai, Lama La Ring le Zaw Seng nih 1960 October 25 ni ah an ser. Zaw Seng cu an lutlai hmasabik a si i, KIO ahcun ralkap 27 an rak um. Ralkap 27 nih cawlcanghnak an tuahmi cu U Nu cozah nih a lehrulh tawnning an hmuh tikah Kachin mino 100 cu KIO ah U Nu cozah dohding ah an lut ve. Cu ralkap he fonh in Kachin Independence Army cu 1961 Feb5 ah an rak ser i, uknak lei ah Kachin Independence Council (KIC) zong a hung i sem. Hi phuthen thenthum lakah KIO hi a ngan bik a si.
KIO Central Committee ahhin chungtel 12 an um i, tulio KIO hruaitu cu Gen. N’Ban La a si. Uknak (KIC) tang ah department a nganmi (11) a um; Zatlang uknak department, Ngunkeng department, Chawlet chawrawl department, Ngandamnak lei department, Fim cawnnak lei department, Law and Judicial department, Information department, ramleng he pehtlaihnak lei department, Culture and Literature department, Cinthlak le satil zuatnak lei department, Thingram le kokek lei department tin an ser.
Uknak ram phun cu phunli in an then i, Chaklei ramtthen (Myint sone tiva chaklei kam), nitlaklei ramtthen (tlanglei Myitsone tiva/ Ayeyarwaddy tiva ahnu lei kap), Nichuak lei ramtthen (Myintsone tiva tlang lei kap in nichuah Ayeyarwaddy tiva lei kap) le Tlanglei ram tthen (Shanram chaklei kap) tin an ser ti, a si. Min Aung Hlaing uknak lak hlan data ning in KIA ahhin tatyin pakhat ah ralkap 150 in sermi tat-yin 150 a um i, zung rian tuan he an dihlak fonh ah ralkap thazaang hi 20,000 cu an si lai tiah ruahdamh a si. Cu leng ah, reserves 5,000 leng an um ti a si. KIA nih hin hriamnam tampi anmah te in an i ser kho cang i, vanlawng kahnak zong an ngei, an ti. KIA nih an uknak khua le ram ahcun KIA ah kum 2 ralkap tlak hrimding phung an ser. KIO cu 2010 in thawkmi NCA a rak thu lomi EAOs pawl nih an sermi buu FPNCC ah vice chairman a si.
KIO nih an rak i timhmi hi “Independent” a si kha fiang te in Ne Win nih uknak a hung lak kumkhat hnu ah Revolution Council cozah nih hriamtlai pawl remhdaihnak tuah a sawm tan 1963 June thla ah ah fiang te in a hun lang. Cu remh daihnak ahcun Shan nih federal, Mon le Karen nih Independent, Communist Party of Arakan nih People’s Republics of Arakan ramthar ser arak si. Sihmansehlaw, cu remh daihnak ahcun Ne Win cozah Revolution Council lei nih bia i kenmi cu; hriamtlai nih umnak hmun te ah hriam tlaihding. Revolution Council nawl lo in leng chuah lo ding, hriamtlai milu laakchap lo ding, fundraising tuah lo ding, armed camp cu Revolution Council he naihniam te in cawlcanghding ti a si ca ah remh daihnak cu a phi a rak chuak lo.
Hi lio caan ahhin, KIO nih ral ngan phuhnih Burma Army le Communist Party of Burma (CPB) ralkap tin a rak ngeih_phuhnih in KIO nih a doh hna. Cucaah, Burma Army (BA) nih KIO cu anmah lei in tang ti awk ah a sawm hna. Hriamnam kan in pek hna lai an ti. Sihmansehlaw, BA he ralkah in CPB he ralkawi an hung i tlai i, BA tu an doh tti. Hi lio CPB cu China le Southeast Asia (SEA) i Communist pawl sin in hriamnam siseh, ralkap siseh bawmhnak tampi an rak hmuh lio caan kha a si ca ah CPB le KIO ralkawi tuahnak thawng in KIO zong cu ahung tthang lian ngaingai. Sihmansehlaw, KIO chung ahhin communist ruahnak a domi an rak tampi ve ca ah CPB he KIO nih ralkawi a tuahnak kong ah lung i hmuh lonak tete arak um. A bik in, Thailand ramri i, a ummi KIO ralbawi pawl cu an hna atla hrim lo ti, a si. KIO le CPB an tanti lio hrawng 1970 in 1980 kar hi KIO an thawng bik caan le Kachin ram tampi an kuttang ah an lak khawh caan a si, ti a si.
US nih hin foreign policy ah an thin a phan bikmi pakhat a rak um. Cucu Southeast Asia ah communist a karh ahcun chikkhat te ah Asia a khat lai i, vawleicung a kan uk sual lai ti hi a si. Cucaah, US nih cun Vietnam ramchung ral zong ah democracy a duhmi Vietnam pawl kha Communist a dohpi hna nain, 1975 ah Hochi Minh te nih an tei hna i, Vietnam cu Communist ram a hung lan. Phundang in chim ahcun, US le a hawile nih Communist kha an rak doh peng caan a si. Cu lio hrawng caan te ahcun China ram kha Communist ram ah a sertu Mao Zedong cu a hung thi ai. Cu tikah Deng Xiao Peng cu 1978 ah China hruaitu lutlai a hung si.
Deng chan ahcun China policy cu tamtuk a hung i thleng. Mao he ralkah in foreign policy te pawl a remh hna. Ahlei in trade agreement ti bantuk kha a ram innpa he a tuah colh hna. A bik in, Myanmar ram cu Communist ram a can ding nakin China ram nih a miak ding innpa a si kha a tuaktan deuhmi policy arak hman ca ah Myanmar ram ah hriam tlai in do a thlengmi CPB bawi pawl cu Myanmar cozah doh lo in i dinhding a fial hna. “Nan i dinh ahcun pensen kan pek hna lai leng ah umnak hmun le hma le inn le lo zong pek nan si lai. Nan duh ahcun China ram ah Chinese Communist Party chungtel nan si kho lai a ti hna. Hi bantuk in China nih CPB cu bawmhnak pek lo lawng si lo in hriamtlaih lo ding a sawm tuk hna ruang ah CPB cu a tha.
Leave a Reply