Breaking, Ramdang Nih Zeitik Hmanhah PDF Sinah Bomhnak A Pee Lai Lo!!

Thal dohthlennak tuahtu phu a si mi PDF pawl cu ramdang in hraimnam bomhnak peek dingah a si kho hnga ding a tlawm deuh nak kong cu ramkhel zohthiamtu U Than Soe Naing nih CNI ah a chim. Russia ralkap pawl kahdoh tham tu Russia ralkap pawl cu ramdang hna nih hraimnam bomhnak an peek bantuk in Kawl ralhrang a kahdoh tu PDF pawl cu hraimnam bomhnak peek dingah NUG in humhimtu vuanci U Ray Mon nih ramdang sinah bomhnak a hal.

U Than Soe Naing nih, ” Vawleipi ramdang phungning in sersiamnak ding  lamcung ah  bomhnak peek khawh nak a ruang a um lo. Ramdang lei nih, a tu ah an chim mi cu ram daihnak sersiam dingin zapi telin ceihhmainak ding hnatlak mi ah UN a si ah, Cun ASEAN a si ah, American zong a si ah mah hnatlak nak hi a nei.

A sinain NUG hmunhimnak zung nih kan mah zong Ukraine cu vawleicung rampi hna nih hriamnam bomhnak an peek bantuk in Myanmar ram zong hraimnam bomhnak peek dingah timi cu an mah lei in an chuahpi mi hi harnak tampi an ton caah a si. A tak ah ramdang in PDF caah hraimnam bomh timi a si kho mi zong a si lo.

Zei ruangah dah ti a si ah cun a hrampi huainak nih Uraine ram cu ramdang nih kahdoh mi a si. A tu thal dohthlenhnak a sinak a riuang cu Bama SAC ralhrang nih mipi pawl harnak peek, kah thah, tlaihhrem, hren, khua kip mei khangh, bomb thlah , phung ning loin tuahto mah bantuk rian pawl a tuah caah ram chung buainak a si.

Cu ruiang ah phung ning in cun ramdang lei in hraimnam bomhnak peek timi cu a si kho lo deuh bak mi khi a si. A sinain phung ning loin hraimnam bomhnak peek a duh mi nih cun bomhnak a peek ko lai tiah ruah channak ka ngei.” tiah a chim.

Relchap,Phekhung nichuah lei Similawh khua kam ah May 18 zinglei ah SAC ralkap le KNDF kar kahdohnak a chuak. Nichuah lei hmunrawn ah rallam a sialmi SAC ralkap Battalion 422 le KNDF Battalion 3 cu, nihin May 18 zanlei sml 1:00 hrawng ah an i kap i Kahdohnak ah SAC ralkap Loikaw hriamngan(Artillery),

Battalion 422 hmun in an kah hna. Cu kahdohnak ah KNDF Battalion 3, Company 4 in ralkap pakhat Aung Shwe a nunnak liam. Pahnih hliamhma an pu, pakhat cu a hma fak ngai, tiah theih a si. A nunnak liam mi paral ṭha Aung Shwe cu upatnak sang bik kan in pek i, na hawi le nih hramhram uknak kan tei hlan lo kan doh lai, tiah KNDF nih cathanh an chuah.

Ayataw peng Htantawkung(ထန်းတောကုန်း) khua kam kahdohnak ah, Lieutenant telh in SAC ralkap 8 hrawng an thi, tiah Ayataw peng thawngzamhnak nih nihin May 18 ah a langter. NaungKyiAi(နောင်ကြီးအိုင်) khua ah umhmun khuarmi SAC ralkap 50 leng nih rallam an sial i, May 17 ah Htantawkung khua an phak ah Ayataw Pah Ka Pha, PDF, Shwebo Pah Ka Pha, Dibeyin Pah Ka Pha le Watlet PDF hna i bawm in an kah hna, SAC ralkap 15 hrawng aa hliammi cu motor in an kirpi hna, tiah theih a si.

A kirmi SAC ralkap pawlcu Naungkyiai palik camp ah an kalpi hna i, Lieutenant pakhat telh in ralkap 8 an thi, tiah theih a si. “Nizan May 17 kahdohnak ah kanmah lei ralkap 4 an i hliam. SAC ralkap pawl cu nihin May 18 ah Ayataw chaklei in ral i khamhnak motor pahnih le Skat motor pakhat he rallam an sial ṭhan,” tiah Bo Pauh Si nih a chim. “Khuaruahhar awk ngai pakhat cu SAC ralkap aa hliammi pawl an angki an phoih hna i NLD angki an i hruk. PDF hna nih kan i ralrin ngaingai a hau,” tiah a chimchap.

May 2 thok in SAC ralkap 200 hrawng nih Ayataw-Myinmu hmunram Kanyin khua ah an kal i, Malaytha le Nguangpintha(ညောင်ပင်သာ) khua hna cu an khangh i khua hnih ning in a ciam, tiah theih a si. SAC ralkap nih Chinpin khua zong May 7 ah an rak khangh i, PDF 6 an rak tlaih hna. Tualchung mi 30 hrawng ral i khamhnak ca ah an hman hna.

 

Be the first to comment

Leave a Reply

Your email address will not be published.


*