Breaking Ralhrang nih Thantlang khua an Khangh Thluahmah Than

Ralhrang nih Thantlang khua aha tlawmbik inn 4 khangh than, Nihin November 6 zinglei 6:00 AM hrawng ah Ralhrang nih Thantlang khua ah a tlawmbik inn 4 an khangh than, tiah kan theih. A kaang mi hi TABC nih ngaktah an zohkhenhnak inn PCH timi Peniel Children Home a si i,.

a pawngkam inn 3 hrawng a tlaihchih i inn zeizat set a kaang ti theih khawh a si rih lo. Thantlang khua hi Ralhrang nih September 18 zaan ah inn 18, October 29 ah inn 164, le nihin November 6 ah a tlawmbik inn 4 tiin an khangh cang. Photo October 29 lio Thantlang inn kaang (ahlun

Zahan zaan November 5, 11:35 PM hrawng ah Hakha khuachung ah meithal thawng pehtlai in a thang than, November 6 ” Meithal aw pehzulh in kan theih. Nain, a daih chel, a puah than chel asi. Zei ruang ah dah an puah cu kan thei kho lo” tiah khuami pakhat sin in kan theih.

“November 4 zaan ttim 12:30AM hrawng zong ah khan Hakha thar lam ruk ton nak Ralkap gate a pawng hrawng ah meithal aw tam ngai kan theih. Bomb aw a thang ngai mi voihnih zawng kan theih. Mipi ralkap hen i kap hna seh law cu a lo” tiin khuami pakhat nih The Chin Post ah a chim. Meithal an puah nak ruang thawng fiang cu theih asi rih lo.

Myinmu peng ah meithal lei training petu Pyu Saw Htee lutlai thah a tong, Sagaing ramthen Myinmu peng Menaw khua ah ralhraang thawng petu le Pyu Saw Htee chungtel pawl meithal lei training petu Pyu Saw Htee lutlai cu Myinmu PDF phu nih thi lak in an kah tiah kan theih.

Myinmu peng Menaw khua ah ralhraang nih rian khinh mi Pyu Saw Htee Lutlai U Tin Win Zaw cu a inn ah November 4, chun suimilaam 12:00 hrawng ah meithal hma le nam hliam hma in a hmun ah a thi tiah kan theih. Pyu Saw Htee lutlai in rian a tuan i,.

Pyu Saw Htee chungtel pawl meithal lei training pek le ralhraang thawng petu a si caah atu bantuk in an kahthahnak a si tiah an chim. Mizapi thawng peknak in felfai tein kan hlathlai hnu ah atu bantuk in an kahthahnak hi a si tiah an chim. Ref: DVB

Be the first to comment

Leave a Reply

Your email address will not be published.


*