BREAKING, Ralhrang Nih Mipi Fak Tuk In An Kan Thah Tthan E!

Yinmabin Peng Chung Letpantaw Khuami (11) Cu SAC Ralhrang Ralkap Nih Meikhangh In Thah!

Hriamngan puahnak in a thimi zong an um bantukin tlaihmi cheukhat zong an thah hna i, cheukhat cu atu tiang an tlau tiah khuami pakhat nih Than Lwin Khet ah a chim. SAC ralhrang ralkap rual cu March 9 zinglei ah Letpantaw khua in an chuah hnuah meikhangh nakin a thimi ruak nehnang cu khuami nih an hmuh hi a si.

Khuami minung (10) cu inn pakhat chungah kharkhum hratin meikhangh hratin an thah pinah khuami inn (2) zong mei nih a kaang dih.A dang nunnak a liamtu tarnu ruak pakhat tu cu phungkii sianginn kulh chungah an kaltak tiah Yinmabin peng chung a dikmi thawngzamhnak phu nih cathanh an chuah.

Hriamngan puahnak in hliam a tuartu minung (12) chungin pakhat lawng hmuh a si rih i, a dang minung (11) hna cu an konglam zong theih a si rih lo pinah khuami mipa (3) hna zong an konglam zeihmanh theih a si lo tiah khuami pakhat nih a chim. Phungkii sianginn ah an kaltakmi tarnu ruak cu LPDF le Hero Tiger phu nih ruak an vui tiah theih a si.

Ukraine Cu A Dongh Tiang Kham Ding In China Nih A Chim

Ukraine ah a dih tiang kilkawi dingin tuanvo lak cio ding in Tuluk president Xi Jinping nih a chim hnu ah Europe ah Green-Fire a ceu hi hmuh khawh a si i China lei in zong kan mah caah a fak ngaingai tiah a chim tiin Tuluk hrambunh media pakhat nih a chim.

Ukraine ram ah tu lio a cang mi buaibainak pawl cu thinphan awk ngai a si i buainak a tam deuh i kham khawh lo, tei khawh lo sining phak ter khawh lo dingah zaang hlei cawi in tuanvo kan lak lai tiah Xi Jinping nih a chim.

France le Germany lei in mah buainak nak a phak mi hi i zuam thazaang chuah a herh nak a ruang dantat phihkham nak ruang Vawlei pi bank, thazaang in bomh nak, chawleh thil kuat nak le thilri bomhnak he pehtleih in a thin phan nak kong a chim.

Russia nih Ukraine kahdohnak cungah dantat nak peh ding a tu le tu le a dai peng mi China nih Russia cungah nitlak lei nih phung ning loin phih khamnak pawl an tuah tiin duh lo nak a langh ter.

Russia nih Ukraine a doh ti si loin Nazi nih aherh mi Ukraine hruainak lei thlaknak ralkap thazaang thiam deuh mi pawl thlak nak lei in tuanvo a lak tiah a chim.

Dantat Phihkham Nak Ruangah Thai Ram Ah A Thawngin Russia Mi A Kham Hna

Ukraine kahdohnak ruangah nitlak lei ram hna nih an ton bal rih lo mi ti awk in phihkham nak  pawl ruangah Russia pawl cu cung leiin khual tlawnnak pawl he tangkaa pawl nak an ton lio ah Thairam ah vawleicung khual tlawng pawl a thawngin kham an si.

Cung lei khual tlawnnak an kham i lam kaa kip in vawlei cungah phihkham nak ruangah khual tlawng nih pek hnga ding tangkaa an kham mi Russia bank le tangkaa pek nak a har nak kong cu Thairam ah Russia khualtlawng minung 7000 an kham nak hna kong cu Thairam khual tlawnnak lei in tuanvo ngeitu nih a chim.

” Kan nih cu inntek ttha kan si lai, mi kip in kan dawt hna i kan zohkhenh hna lai. ka hin si ding in aa zuam mi Russia ram mi pawl tampi an um.” tiah a chim.

Umnak hmun chim kho loin a um  mi Russia rammi pawl kong he pehtlai in Russia Embassy ah chawnh an si ko nain chawnh khawh an si lo. kum 2019 ah Thairam ah Russia ram mi minung 1.4 Million an rak phak nak kong cu Thai cozah nih a chim.

Zaw Min Htun Nih ” Hi Bantuk In Mei A Mih Peng Mi Hi Cozah Dohtu PDF Ruangah A Si” A Ti

Mei peknak a tlinzo lo chungah a caan ri khiah in mei pek sinak theih ter a herh nak kong SAC ralhrang  vuanci nih a mah i a riantuan tu hoi sinah a theih ter hna.

March thla ni 5 ah SAC ralhrang  vuanci le cozah riantuan tu pawl Yangon ah mei lei ceihhmai nak an tuah nak ah a tu bantuk in a chim. Cu pinah Mei a mih nak aruang zong a tu ah Biluu Chaung mei zungin a chuak mi mei peknak tower tung an hrawh caah MKW 200 hrawng in mei pek khawh a si lo nak kong,

LNC man a kai tuk i ram chung ram leng Zinan man sining a dik lo i, zinan cawk nak a har tuk lio ah LNC zung pawl i mei pek nak MKW 750 hrawang in dinter chung a si nak kong zong a chim. Mah ruang ah pekchuah mi nak in hman in a tam deuh caah,

Meitha thingnak le meitha zawrter dingin tuanvo kan lak lio a si ti zongin a chim. A tu ah tower tung pawl cu aran nak in remh lio a si i, Kyohpyo ah siseh, adang hmunhma ah si seh MKW 150 in pekkhawh dingin kan i zuam ko ti zongin a chim. Mei a tu le tu in a mih mi hi PDF pawl nih tower tung an hrawh peng ruangah a si ti zongin achim chih.

Zaw Min Htun Nih ” Hi Bantuk In Mei A Mih Peng Mi Hi Cozah Dohtu PDF Ruangah A Si” A Ti

Mei peknak a tlinzo lo chungah a caan ri khiah in mei pek sinak theih ter a herh nak kong SAC ralhrang  vuanci nih a mah i a riantuan tu hoi sinah a theih ter hna.

March thla ni 5 ah SAC ralhrang  vuanci le cozah riantuan tu pawl Yangon ah mei lei ceihhmai nak an tuah nak ah a tu bantuk in a chim. Cu pinah Mei a mih nak aruang zong a tu ah Biluu Chaung mei zungin a chuak mi mei peknak tower tung an hrawh caah MKW 200 hrawng in mei pek khawh a si lo nak kong,

LNC man a kai tuk i ram chung ram leng Zinan man sining a dik lo i, zinan cawk nak a har tuk lio ah LNC zung pawl i mei pek nak MKW 750 hrawang in dinter chung a si nak kong zong a chim. Mah ruang ah pekchuah mi nak in hman in a tam deuh caah,

Meitha thingnak le meitha zawrter dingin tuanvo kan lak lio a si ti zongin a chim. A tu ah tower tung pawl cu aran nak in remh lio a si i, Kyohpyo ah siseh, adang hmunhma ah si seh MKW 150 in pekkhawh dingin kan i zuam ko ti zongin a chim. Mei a tu le tu in a mih mi hi PDF pawl nih tower tung an hrawh peng ruangah a si ti zongin achim chih.