BREAKING; Putin Nih Nitlak Lei Ram Pawl Cu Ceilak Bakin A Phomh Hna

Russia nih Ukraine a tuahto ning cu a fak bak ko.

Hlan chan lio, Pathawng, misual luakchuak nih duh paoh in a derthawmmi an velh hna i, aho nih an chanh ngam hna lomi bantuk an si. Russia nih duh paoh in Ukraine cu a den cuahmah ko nain Russia he ralthawh ttih ah an chanh ngam lo. Ukraine Ralkap nih vawlei ral Cun an khuapi an ven khawh tuk ko nain Van in Russia nih a den thluahmah tikah ithen awk le iven awk a tha lo.

Ukraine president Zalensky nih Van/ air ral tal cu kan kham piak ko sawh ulaw tiah NATO le US cu no-fly zone tuah ding a hal hna nain No-Fly Zone tuah ahcun, NATO le US Ralkap nih Russia Vanlawng kah a hau lai caah, Russia he donak a chuak colh lai tiah an ruah caah an ngamh lo. Tutan Ukraine vs Russia war zoh tikah UN nih Russia an mawhchiat. NATO le US nih Ukraine ram hi bawmh hna sehlaw, WW3 a chuak lem lai lo. Zeicatiah, RUSSIA cu aho ram hmanh nih bamwh le chanh a tong lai lo timi a fiang ngai.

Asinain Russia nih Nuclear / Nuke hi 1600 hrawng a ngei caah, Europe khi fak tuk in a den sual lai timi an ttih caah, asi khawh chung in Ukraine pinah ral dang aa chap lo ding an ven hi, si dawh a si. RUSSIA Ralkap nih ground/ vawlei ral Cun Ukraine khuapi lak an iharh ngai ngai. Tuhi no 10/ 10 days a si cang. Ukraine nih zeitluk indah an khuapi an ven khawh hnga? Vawlei hi , Vawlei ah misual minung pakhat nih fak tuk in harnak a pek khawh rihmi hi a poi taktak a si ko. Credit: Zasang Cinzah

Hakha le Chungcung kar ah CNA, CDF ralkap le SAC an I kap, ralhrang 7 an thi March 5, 2022 Kalay in Hakha lei panh in a ra mi SAC ralhrang hna cu CNA nih Falam Peng chung ah an kah hna zarhkhat a rauh hnu Hakha Peng lei ah an lan i, nihin 2022 March 5 ah Hakha CDF le CNA ralkap hna nih Chuncung le Hakha kar ah an kah than hna i SAC ralhrang a tlawm bik minung 7 an thi tiah theih a si. 2022 March 5 ni Hakha le Chungcung kar an i kahnak ah SAC ralhrang lei nih bomb an thlah mi in ram mei a lawn i meikhu a tam tuk ca ah sau an i kap manh lo ti zong thawng theih a si.

Hakha le Chuncung khuakar kahdohnak kong he pehtlai in, “Hakha lei panh in a ra mi SAC ralhrang hna hi Chuncung ah zaan khat an riak, zaan khat hi Chuncung lonh ah an riak. Tuzaan lei kha Hakha lei an panh i, CNA le CDF ralkap hna nih an kah hna. Hi an kah hna nak ah SAC lei bomb in ram mei a kaang i meikhu ruang ah sau an i kap lo. SAC ralhrang lei tu minung 7 an thi,” tiah thawnghram pakhat sin in kan theih. Atu tan SAC ralhrang Laitlang a kai mi hna hi CNA nih Falam Peng in an kah hna i Chuncung lonh tiang minung 70 fai an thi tiah theih a si. Photo: CNA ralkap pawl hmanthlak hlun a si.

Ramthlo pastor in Bomb Pal Ngah pang: Ramthlo Baptist Church ih pastor a simi Pastor Aung Shwe cun March 5 (tuzing) nazi 9:45 am hrawng ah leilung sung phummi bomb a pal ngah ih hliam a tuar tiah theih a si. Sy Aung Shwe cun Lo a fehnak ziin ah a pal ngahmi siih a kehlam kemit ihsin a bul cih tiah an sim. Pastor Aung Shwe cun, “boruak a fai deuh laifang te ah Lo ih aa-lu ciin dingin a ci pawl ka ret tum lai ah hibangtuk in ka cangmi a si” tiah a sim. Sy Aung Shwe tei’ Lo cu Ramthlo le Dokțhek karlak lamzinpi saklam ah ummi a siih amah cun hliam tuar cingin bomnak ngah dingah phone thawn mi a ko hrihmi a si.

Falam ih Raltlan Bawmtu Bu (FTIMT) țuanvo nei pawl cu Dokțhek ih innkaang tuar pawl Falam ih hruai dingin an um laifang ciah a siih cutiin Sy Aung Shwe cu Falam siizungpi ah zamrangten an thlenpi lohli thei tiah an sim. Pastor Aung Shwe cu kum 48 mi a siih hmaizarh ih tuah dingmi FBA Triennial ah Reverend ngah thlang dingmi a si tiah CH in thuthang kan ngah. Credit: CHDN

Dokthek phaklai ah SAC ralhrang tunh tak mi bomb lamh ruang ah Pastor pakhat hliam a tuar: March 5, 2022 Falam Peng, Ramthlo le Dokthek kar, Dokthek phak lai i CNA ralkap le SAC ralhrang karlak kahdohnak a chuah hnu SAC ralhrang nih tunh tak mi bomb lamh ruang ah Ramthlo Baptist Church Pastor Aung Shwe cu zualhma ngai in hliam a tuar tiah thawng kan theih.

Thawng kan theih ning ah, “Bomb aa lamhnak hi Dokthek phak lai Aalu lo pawng lamchak lei ah a si. Bomb tunh mi aa lamh ca ah a kehlei ke fak in aa hliam i tu hi zualhma ngai in a um. Rianrang in sii-inn lei ah tlik pi cu a si,” tiah kan theih. Falam Peng chung CNA ralkap le SAC ralhrang kar kahdohnak ruang ah SAC ralhrang lei a thimi a sawm in an si i CNA pasal tha lei in minung pathum nih nunnak an pek ve tiah kan theih.

Ramri Rihkhawdar khua pawng ah kahdohnak a chuak: 2022 March 5 – India-Myanmar ramri, Chin ramkulh, Falam peng, Rihkhawdar khua No.2 sang (Ṭio) tiva pawngah March 5 zinglei sml 6:00- 6:30am tiang ralhrang le Mipi hriamtlai phu karlak ah kahdohnak a chuak tiah khuami hna sin in thawng theih a si. Ralhrang pawl hmunhma an laknak Haimul khua lei in meithal thawng le hriamngan thawng hna theih a si Zalen thawngzamh nih a langhter. Crd: The Chinland Post

Falam-Hakha lam cung kahdohnak ah ralhrang 60 leng an thi: The Chinland Post | 2022 March 4 – Chin ramkulh, Falam in Hakha lei ah eidin chan dingin a kalmi ralhrang mawtaw thluan 20 le tank 2 cu CNDF, CDF le CNA hna fonh in February 28 ah Falam khua, Lungrang sang le Ṭaal khua karlak ah bom an puah hnawh hna i ralhrang 11 an thi.

March 2 zongah mipi hriamtlai phufonh hna nih Falam peng, Taal le Tlangzaar khua karlak ah bom an puah hnawh ṭhan hna i ralhrang 30 hrawng an thi chap tiah CNO nih a thanh. Cu lawng si loin, March 3 zong ah phufonh hna nih Ramthlo le Dokṭhek khua karlak ah bom an puah hnawh ṭhan hna i ralhrang 20 leng an thi tiah theih a si. Cu kahdohnak ahcun, CNDF hriamtlai lei in 1 a nunnak a liam i pakhat hliamhma a tuar. Cun, Chin miphun hriamtlai a simi CNA ralkap 3 nih ram caah an nunnak an pek chap tiah theih a si.

Raltuknak ka peh rih ko lai: Vladimir Putin: 2022 March 4 – Russia cozah cu a tinhmi a phak hlan lo Ukraine chungah raltuknak tuah a si peng rih ko lai tiah Russia President Vladimir Putin nih France President Emmanuel Macron kha a ti tiah Russia cozah i Grand Kremlin Palace nih a chim. Tu raltuknak ahhin Zeitik hmanh ah Ukraine nih Russia ṭhihpheih ngam ti lo dingin Ukraine hriamnam vialte hrawh dih ding timi hmuitinh aa tel chih tiah theih a si.

Mah bantuk raltuknak hi timhtuah le thok a si lai tiah President Putin nih a chim. Russia a thiltuah hi palhnak nganpi a si lawng si loin President Putin dirhmun hi a tak he aa dang tuk tiah France President nih Putin cu chimh tiah France President zung nih an chim. Ukraine le Russia palai pawl cu Belarus ah ton biaruahnak an ngeih lio a si. Ref: BBC

Hakha ah Ralkap nih Sianginn an hun: A kaimi cheukhat an um: The Chinland Post | 2022 March 4 — Chin ramkulh, khualipi Hakha ah Ralkap (SAC) nih a hun mi High School ah Saya/mah le siangngakchia cheukhat sianginn an kai nak zarhkhat tluk a si cang tiah theih a si. Hi kong he pehtlai in, “Khuate lei le khuapi chung, CDM a tuah lomi saya/mah vialte kha No.1 B.E.H.S (Hakha) ah fonh dih in cacawnnak an tuahter hna. A kaimi siangngakchia pawl hi CDM a tuah lomi saya/mah te fale, palik fale pawl le, ralkap fale pawl deuh an si tiah” min langhter awk tha lomi khuami pakhat nih The Chinland Post ah a chim.

Atu bantukin Sianginn hunnak kong he pehtlai in, Salai Ngun San Aung nih “Hakha khuachung ah Pu Ngun San Aung le a ralhrang pawl nih sianginn an hun i ngakchia a kaimi an um pah len tiah ka theih. Nulepa hna sal ah a kan can ter dingtu cacawnnak ah nan fale rak kai ter hrimhrim hna hlah u mu. Hriamtlai nan fale nih kan in nawl ko hna…” tiah a pumpak Facebook ah a tial. SAC nih High School kan hun cang tiah thawng a thanh hnu in atu bantukin a thli tein sianginn kaimi an um le cachimhnak a thli tein a um hi a si tiah theih a si.#

Thlahnih chung kahdohnak ah mipi 75 an nunnak a liam: The Chinland Post | 2022 March 4 – Thlanglei Shan, Moebye khua le Karenni ram chungah ralhrang le mipi hriamtlai phu karlak ah kahdohnak a fah tuk caah January le February thlahnih chungah mipi 75 an nunnak a liam tiah Progressive Karenni People Force (PKPF) nih March 2 ah thawng a thanh.

2022 January chungah mipi 49 an thi i February chungah 26 an thi tiah a langhter. Hramhram in uknak lak a si hnu 2021 February 1 in 2022 February 8 tiang ah mipi a thimi 221 an si i tlaihkhih a tongmi 220 an um tiah a langhter. A luancia January 7 in February thla dongh tiangah Kayah ram chungah ralhrang nih vanlawng in voi 69 a kah i biakinn 10 le mipi inn 649 a rawk tiah a langhter.

A luancia February 16 thokin ralhrang nih Moebye le Nangmekhon khua ah thazang tampi in kahdohnak a tuah caah mipi hriamtlai phu pawl he fak tuk in kahdohnak a chuak. Ralhrang nih jet vanlawng le hriamngan in an kah tuk hna caah mipi a thimi an um i mipi hriamtlai phu nih hnu an kirtak hna.

Kayah ram chung kahdohnak ah mipi a thimi an um lo, PDF pawl nih ralzaam buk ah mipi thuam in an i dor caah himnak ruat chih buin kan tuahmi thil cu a um tiah Zaw Min Htun nih RFA ah a chim. Kayah ram chungah a luancia 2021 May 22 in 2022 February 20 chungah kahdohnak a tam caah mipi 170,000 hrawng himnak hmun ah an zaam tiah Karenni State Consultative Council (KSCC) nih March 1 ah a thanh. Ref: RFA

Thichai In A Chuakmi Ralhrang Motor Run KIA Nih An Kah, Ralhrang 25 Nak Tlawmlo An Thi Motor 1 A Rawk

Sagaing ramthen, Thichai in a rak i thawhmi ralhrang motor 29 cu March 5 zinglei suimilam 6 ah Kachin Independent Army le a hawikom bu nih an kah hna i ralhrang 25 nak tlawmlo an thi tiah theih a si.

Ralhrang motor cu KIA, Indaw PDF, Pah-Kah-Phah, Indaw Tiger Army nih bomh in an puah hna minute 3 hrawng kahdohnak a chuak, motor 1 a rawk, ralhrang 25 an thi, 10 nak tlamwlo hliam an tuar, ralhrang cheukhat ramlak ah an zaam tiah Indaw IR thawgzamhnak nih an langhter.

March 3 zong ah ralhrang motor cu KIA le PDF fonh nih hmunli ah an kah hna i ralhrang 8 an thi tiah IR nih a langhter chap.