PDF Sakhan Kahdohnak A Ton Caah A Thi Mi Le Hliam Tuar An Um
Taungngu pengkomh, Thantapin pawngah a um mi PDF sakhan pakhat cu tuni zaan lei ah SAC ralhrang nih an valuh hnawh kahdoh caah PDF lei nih a thi mi le hliam a tuar mi an um tiah theih a si. Tuni May thla ni 4 zaan lei suimilam 3:30 ah Thantapin pawngah a um mi PDF sakhan cu SAC ralhrang mining 5o tluk thazaang in an kahdoh i, hraimnamngan le hraimnam hme hen an kahdoh caah PDF minung pakhat a nunnak a liam i, pakhat nih hliam a tuar tiah theih asi.
” 60 ma ma, 40 ma ma, le hraimnam hme in tampi an rak kah, pakhat a hliam i, pakhat cu a nunnak a liam, PDF pawl an um lai tiah an ruah caah an kah, Sakhan in kan chuak i, thilri tlawmpal an i tel chih. Kan thinlung nuamh lo in kan thinlung zong a zawr dih. Cun hriamnam cheukhat zong an laak chap” tiah PDF pakhat nih a chim.
Mah PDF sakhan luhhnawh kahdoh a ton hlan ah Thikhi pawngah raltuk colcanghnak an ngei i, ,ramri a lawnh mi SAC ralhrang pawl le KNLA , PDF phufonh hna karah kahdohnak a chuak i, mah hnu ah SAC ralhrang nih cun hraimnam ngan le hriamnam ngan he an valuh hnawh kahdoh hna tiah Tawoo thawngzamh nih a langhter.
Relchap,CDF-Mindat Ralkap Pakhat A Nunnak A Liam!, Nihin May 4 ah, CDF- Mindat nih Matupi lei in a ra mi SAC ralkap mawṭaw run an kah dih hnu an kir lei ah, CDF-Mindat ralkap pakhat cu bomb nih ruah lo piin a puah sual caah zan suimilam 6:25 ah a nunnak liam! Tantak mi chungkhar kan ngaihchiat pi hna, tiah CDF-Mindat nih cathanh an chuah.
Thisen Din In Biakamnak A Tuahtu 3 Le Dalan 1 Thah An Si, Sagaing ramṭhen, Shwebo(ရွှေဘို) peng ah ‘Vawleipi’ tiah an auh mi thisen ding in biakamnak a tuahtu phu ah, aa tel mi pa cu May 4 ah kan thah, tiah Yianbilu(ယမ်းဘီလူး) hriamtlai phu nih cathanh an chuah. Shwebo khua, No. 6 sang ah a um mi thisen din buin biakamnak a tuahtu phu ah aa tel ve mi pakhat cu, cycle aa cit lio ah Shewbo khua chuah mawṭaw dinhnak hmun kam ah Yianbilu hriamtlai phu le Shwebo Defense Force (SBDF) nih an kah thah, tiah theih a si.
Yangon, Dawpung peng Bo Htun Zan(ဗိုလ်ထွန်းဇံ) sang, Bo Con Bik lam helnak thlang ah, thisen din in biakamnak tuahtu phu an dirh. Training a petu, inn zaa-uk(ရာအိမ်မှူး) Aung Phyo cu May 2 zinglei ah an kah thah, tiah Soul Takers-Yangon Underground Force sin in theih a si. SAC kuttang rianṭuantu Aung Phyo cu Dawpung le Thaketa(သာကေတ) peng chung um mi, ralkap uknak a doh mi mizapi cu a tlerh-khawn tawn hna, tiah Soul Takers nih cathanh an chuah.
Cu bantuk ṭhiamṭhiam in May 3 zan sml 8:30 hrawng ah thisen din in biakamnak a tuahtu phu ka si, tiah aa hrocer i mizapi a ṭhihphaihtu Hkun Meo Oo(ခွန်မျိုးဦး) cu Tahtung-PDF(သထုံ) nih an kah thah, tiah theih a si. Thisen din in biakamnak a tuahtu phu cu SAC ralkap kuttang an si i PDF an chungkhar, NLD party chungtel le Lem cangthiam hna an nu le pa hi a bik in an doh hna, tiah theih a si. Yangon ramṭhen, Ṭante(တွံတေး) peng um, Leirawitu(Dalan) minthang Miah Oo cu, May 3 deilei sml 2:30 hrawng ah min hngalh lo mi pahnih nih meithal in voithum an kah i a thi, tiah tualchung mi nih an chim.
Leave a Reply