Yangon khuapi, Mayangone pengkulh, Ta-Mai laansung pawngah a um mi Lung-Chung-Yi -kin-Te pawngah tuni May thla ni 17 chunlai suililam 12:00 ah bomb puah nak a chuah i, kap hnih in kahdohnak a chuah cuah mah lio a si tiah tualchung um mi pakhat sinin theih a si.
Ta-Mai laansung ah a um mi, SAC ralhrang hmunhimtu pawl an um nak Lung-Chung-Yi -kin-Te mipi ralkap hna nih kut puat bomb in an kah hna cah SAC ralhrang lei nih an kah cuah mah lio hna a si tiah theih a si. ” Meithal kah thawng cu voi tamtuk theih a si. kan mah zong kan tih ruangah lengah kan chuak ngam lo.
Bomb puah thawng zong kan thieh. Mah thising ning kahdohnak a phak caan sau lo tein Sizung motor a tu le tuin a rak phan. SAC ralhrang hliam tuar pawl a rak laak mi hna a si men lai. SAC hrimtuar pawl an tam lai. Minung zeizat tui cu theih fiang a si lo ” tiah tualchung mi pakhat nih a chim.
Relchap,Spain ram, Barcelona khuapi pawng ah Nizaan, May 16 zaanlei ah tlanglawng pahnih an i pah i tlanglawng khaltu a nunnak liam i hliamtuar zong an tam tiah theih asi. May 16 zaanlei slm 6:00 hrawng ah ”Sant Boi de Llobregat” tlanglawng dinhnak ah thil phurtu tlanglawng pakhat nih Khualtlawng phurtu tlanglawng pakhat a pah i minung 85 hrawng hliam an tuar tiah Spain ram Cataland hmun nawlngeitu hna nih an chim.
Tlanglawng cangsual a cannak hmun ah a kal mi Cataland Vice- Chairman Jordi Puignero nih ”hi tlanglawng cangsual a chuahnak a ruang kan zulhdawi colh lai” tiah tlawnglatu hna sin ah a chim. Tlanglawng cangsual ruang ah a nunnak liam mi tlanglawng khaltu a chungkhar hna nan ngeihchiatnak kan hrawmpi hna tiah Prime Minister Pedro Sanchez zong nih a Twitter ah a ttial.
USA Khampat khuami nih miphun dothlennak caah $100,000.00 an thawh- USA ummi Khampat khuami nih miphun dothlennak caah $100,000 an thawh, Bawipa nih ram le miphun caah thahmem santlai dingin kut le ke ngeihter ko seh! Ziah Khampat nih cu vial lawng cu an thawh, Laitlang khuate hmanh nih ting hnih a tho kho mi an um cu, kan ti khawh men lai nain, USA Rawn Chin ah siseh, Khampat CDF caah siseh, hmun dangdang ah a tho tambik an si zungzal i, hihi ruahnak lengpi tiangin miphun caah thazaang an vun chuah khawh than hi khuaruahhar lei asi ko. Hi ral hi kan tei hrimhrim lai.
Kan lai nungak pakhat nih a pasal le a tlangval caah a duh mi le a upat mipa cu hi bantuk hi an si tiah fiang ngai in a biathli cu a chim. Kapasal duhphun cu zeitluk in dah phaisa chawva angei ti si lo in a mah tein ai zuam i khuasak a thiam mi pa cu a let tampi in ka duh deuh tiah a chim. A Fim thiam nak cu biapi ah ka chia lo keimah a ka daw tu a si poah ah cun ka caah mifim le mi thiam bik a si ko tiah a chim fawn. A muisam ah ka buai lo i zeitluk in dah a ka dawt i a nun ning ai dawh i a biachim ai fimmkhur tiah ka buai deuh. 24 hours nikhat chung ka caah can a pek dih theng a hau lo i a can ngeih mi te ka caah sunglawi tein a ka hmanpi mi kha a za tuk tiah a chim rih.
rian a tuan nak ah thil thuam dawh ngai in a tuan mi nak in a rian he i tlak in thil hruk a thiam i a herh si ah cun thil thuam chia pi he cetlak i rian a tuan zong ah ka upat tuk thiam. phaisa a ngei i sangchung ah a lor ngai mi le mi vialte ka tang ka chiah hna lai tiah ai zuam mi pa nak in mi toi ah ai dor i mi a lomhter tu ka duh deuh tuk fawn.
ka pasal ding cu milar le minthang a si theng a hau lo nupi le fale a cawm kho i a daw tu a si poah ah cun a za tuk cang. Chung le ngeihcia mi chaw le va ai bochan i ai uah pi mi pa cu ka fih i cu nak cun a mah kutke tein dir ai tim mi pa ka duh deuh fawn. Muisam zong ah ka buai lo i a thinlung a thiang hlim mi le nupi le caah zumh a tlak mi pa a si ah cun muisam dawh ngai i nu mit a au ngai mi pa nak cun a let in ka duh deuh fawn tiah a pasal duh phun cu fiang ngai in a chim.
Note : Kan lai nungak (min langhter lo mi) pakhat nih a pasal ca i a duhmi phun a mah facebook ah a tial a si.
Leave a Reply