Russia president Putin cu a mah a ralbawi hunhintu nawlngeitu hna nih Ukraine kahdohnak ah kan mah kan sung cang lai tiah an i ruah cang i, cu hnu ah hramhram in uknak laknak a chuak khawh nak kong cu Mosco ah a um mi ramkhel hlethlaitu pakhat nih a chim. ” Russia ralbawi nawl ngeitu hna nih kan mah kan sung cang lai i ruah in, A ralkap bawi hna nih Putin harmhram in uknak laak nak a phan kho mi drih hmun a phan cang.” tiah theih a si.
Russia nih a ukmi Putin i Nuclear raktuknak puai pakhat a chuak khawhnak zong hi a si khawh nak dirhmun a tlawn deuh nak kong zong ramkhel hlethlaitu pakhat nih a tial mi Journalist Christo Grazev nih a chim. Russia president nih Nuclear raltuknak puai a chuak kho tiah ti mi zong hi a chuak kho lai lo ti khawh a si cang tiah theih a si.
Ukraine a luhhnawhmi sungh lawng a renh hnu in cun Western ram pawl cu nuclear in kah dingin Russia defence committee deputy chairman Aleksey Zhuravlyov nih a hrocer cang hna. Sweden le Finland NATO luh an i timhmi kong he pehtlaiin Russia TV nih interview an tuah i, “Hi ram pahnih le Putin nih saupi a remti lo mi US le UK hi Russia nih “Satan-2” tiin min an pekmi a RS-28 Sarmat intercontinental ballistic missile (ICBM) in a kah te khawhmi a si” tiin Zhuravlyov nih a chim. “Finland nih NATO luh a duh ah cun, kan i tinhmi hi phungning te a si ko – An ram a himnak kong hi ruahphu a si hnga. Hihi ruah phu a si,” tiin Zhuravlyov nih a chim.
“US nih a kan hrocer ah cun, a tha ko e. Khah, nan caah Sarmat a um ko hi aw. Russia hi um ti lo dingin na timhpiak a si ah cun, nu sinin nuclear vutcaam a ra te ko lai. USA he nan i tong ko lai, tiin Finland nih a chim. Si e, vun i tel ve ngat” tiin a hro hna.
Finland ramri ah Russia nih a nuclear base dirh a timhmi nan hnonpiak ruangah mah bantuk hin donghnak nan phan te ko lai. Siberia in Sarmat in kan in kahphak khawh hna, UK zong kan phak khawh. Kaliningrad in kan kah a si ah cun – hypersonic hmangin second 200 chungah kan in phak hna lai.. cucah, leu pawl, vun pah ko hnih tuah u, tiin a hro hna. Finland ramri ah hin cun second 10 in 20 chungah Finland a kapphan ding Kinzhal bomb dah ti lo hriamnaam tha ngaingai kan chia lai lo, tiin a chim.
Sarmat ICBM hi pee 116 hrawng a sau i, ton 220 hrawng a ritmi mawtaw a si i, voikhat phurh ah nuclear warheads 15 a phurh khawh. Cun, Multiple Independently Targetable Re-Entery Vehicles (MIRVs) zong ai ngeih, asullam cu, tarket tampi hi voikhat te ah a kah khawh, tinak a si. “Satan” ICBM asiloah R-36 or Voevada, tiin rak ser hmasabikmi hriamnaam a chongtu a si. R-36 hi Soviet chan ta a si i, warheads 10 lawng a phur kho i, meng 6,340 in 9,940 hrawng tiang lawng a kap khomi hriamnaam an si. Satan-2 belte hi cu meng 6,200 in 11,180 tiang a kap kho mi an si, tiah US Center for Strategic and International Studies data nih a chim.
April 20 ah khan Putin cozah nih Satan-2 cu test a tuah i, Plesetsk Cosmodrome in a kah i, Kamchatka Peninsula i Kura Missile Test Range tiang thatein a phan kho, tiin tlang an tlir.
US le NATO nih Ukraine an bawmhmi hriamnam nakin Russia nih Ukraine a tuknak hriamnam hi an ngan deuh i an tha deuh fawn. US le NATO nih Ukraine an bawmhmi hriamnam tham cu anti-tank, miakpi le vanlawng kahnak lam hla hmanh a kap kho lomi lawngte an si. Russia nih Ukraine tuknak i a hmanhmi hriamnam pawl cu tulio Russia nih a ngeihmi lakah a thabikmi vanlawng, tilawng, tanks le missiles advanced bikmi lawngte an si. Asinain Ukraine nih cun an nunnak dihlak le thazaang dihlak pek in an doh ngam hna caah Russia hriamnam nih Ukraine ralkap pawl thinlung a tei khawh lo caah asi. Cubantuk thiam in tulio kan dothlennakah hriamnam that hi a pakhatnak asi lo, thinlung put tuhi asi deuh. Crd-Chelsea Bawi
AA a riantuannak he pehtlai in harnak pakhat chuak sehlaw Tamadaw cu sual rak ka phaw hlah tiah SAC ralhrang in chim nawl ngeitu Zaw Min Htun nih ralring peek nak bia a chim. ” A tu kan thing mi hi Rakhine mipi pawl harnak tonter kan duh lo hna caah kan thing mi a si.
Thinsau le lungfual in Pyidaungsu le ram daihnak caah kan tuah mi a si, a tu ah a cang mi thil he pehtlai in buainak a chuak sual ah cun sual rak kan phaw hlah” tiah AA lei in Rakhine ram chung riantuannak pawl he pehtlai in thawng hal tu hna nih an hal mi cu SAC ralhrang in chim nawl ngeitu Zaw Min Htun nih a chim.
AA lei in Rakhine ram i uknak suaisamnak pawl cu va luh hnawk in harnak peek a um ah cun AA a chim mi pawl nih hraimtlai buainak tiah auhmi khi a lo tizongin a chim. Nai ah khan AA nih nitlak lei SAC ralhrang ralbawi cu caan rikhiah loin buaibainak a chuak ko tiah ralhrang pawl cu ralring a peek hna tiah theih a si.
Leave a Reply