Ukraine Bomh Peeknak Caah American Hluttaw Nih Biachahnak A Ngeih Cang
Russia kahdoh phihkhamnak caah Ukraine caah dollar 40billion man bomh peek hnga ding plan cu American hlutaw nih May thla ni 10 ah biachahnak a tuah cang tiah theih a si. Mah Program he pehtlai in a tang lei hluttaw ah mee cohlang mi mee 168, a cohlang lomi mee 57 in biachah a si i, Democrats and Republicans hna nih an cohlan mi a si tiah theih a si.
Biachah a si cang mi bomh peek nak Program cu Joe Biden nih a rak nawlhal mi 33 billion nak in 7 billion leng in a tam deuh i, a cung lei hluttaw nih a rauh hlanah biachahnak an ngei cang lai tiah theih a si. Mah bomh peek nak Program a thar in, Ukraine ralkap phu hna caah hraimnam tam deuh an i tlaih khawh lai bantuk in Ukraine cozah zong nih chawleh bomhnak le minung zawnruah bomhnak a peek kawh hna lai tiah theih a si.
March thla tuan deuh ah khan Ukraine caah kokek bomhnak dollar 33.6 billion cu American hlutaw nih peek a rak si cang. Ukraine caah American a bomhnak pawl cu kum 10 chungah a tam bik a si i, ramdang bomh peek nak Program a si nak kong cu The New York Times thawngzamh nih a langhter tiah theih a si.
Relchap, SAC ralkap nih nihin May 11 zinglei sang ah Magway ramṭhen, Yezacu peng Yelayhcun(ရေလယ်ကျွန်း) hmun ram ah khua pathum cu an khangh ṭhan, tiah theih a si. SAC ralkap pawl cu nihin May 11 zing lei sang ah Mayzun(မြေစွန်း) khua, Sedihmin(ဆည်သည့်မြင်) khua le Bisatkung(ဘိစပ်ကုန်း) khua hna ah an lut i mei in an khangh caah Tualchung mi a thong in inn le lo an zaam tak, tiah theih a si. SAC ralkap pawl cu May 10 ah Yelayhcun hmun ram lei ah rallam an rak sial i Phyobu(ဖြုံဘူး၊), Miphaya(မိဖုရား), Bukung(ဘိုကုန်း), Mekung le Bungtawpih(ဘုန်းတော်ပြည့်) khua hna cu mei inn an khangh caah khuami dihlak an zam, tiah tiah a si.
“Nihin May 11 hi uico pawl khoika dah an kal te lai tiah khuami nih kan ngiat ko hna. Kan khua lei an rat ahcun ngeihchun mansung thilri hna zampi ding timhcia a hau. PDF nih bomb an puahhnawh tawn hna caah khoika khua dah an khangh te lai ti cu, aho hmanh nih chim khawh si rih lo,” tiah Yezacu khua ummi pakhat nih a chim. Yelayhcun hmun ram i rallam a sialmi SAC ralkap cu Maytaw palik sakhan ah zu an ding. Nihin May 11 sml 8:20 hrawng ah Setimyint(ဆည်သည်မြင့် ) phungki sianginn chung um thilri zong an hrawh, tiah theih a si.
Yangon khua um Min Aung Hlaing a inn cu share in kan zuar i, ni 5 chung ah dollar nuai 3 leng man kan zuar cang, tiah NUG Project Minister of Finance and Investment Tin Htun Naing nih a Faceboik ah a langhter. Kan zuar ni thok in ni 5 chung ah ramchung he ramleng he an cawk lulh cio i, share a lut i cawtu dihlak hi voi 5000 leng an cawk cang, tiah a ṭial chih. A cawtu hna chung in zatuak 10 hi ramdang mi an si i cu chung ah Myanmar ram a si ko nain ramdang citizen a la cangmi zong an um, tiah a langhter.
“Hramhram uk duhlonak le a dikmi ṭanh timi cu miphun, biaknak, cuarvun, ti bantuk ah a si lo,” tiah a ṭial chih. Pumpak in share a lutmi ca ah dollar 100 a si i, a bu in share a lutmi ca ah dollar sing 1 a si. A kauh hi 1.86 Acre a kau i tulio tangka thlen ret in cun dollar nuai 30 man a si, tiah theih a si. Hramhram uknak kan tei tik ah inn le hmun cu tam bik a pe khotu phung in kan zuar lai. Cu leng ah Min Aung Hlaing le a chungkhar nih an ngeihmi hmun le vawlei pawl zong kan zuar rih lai, tiah NUG nih a thanh.
Leave a Reply