BREAKING NEWS; Tuzaan Rungtlang khuasa SAC ralhrang an thawngpang vun theih cu kaw!

Hakha Rungtlang SAC Ralhrang An Colcang Ning Thawngpang, Bawipa A Tha Kohkun Sang Chung Ah Hriamnam A Tla Lo
===================
20 August ahkhan Rungtlang ralhrang nih zahan ah hriampi an kahmi Halkha Kohkun ( golf tuk) nak hmun ah a tla nain a puak lo, thaizing ah uico nih kan va lak lai an ti. Kohkun sangah a tlak lo cu vantthat tuk a si. Rungtlang an hriampi kapthiam cem pa cu, tuan lio vial te a rak kahnak ah a hnachet dihmi kha siizung ah um rih kaw,a thiam lo nih an kah caah Timit phak ter kho loin Kohkun lei tiang an kah khawh si ko lai tiah pakhat sin in theih si. Crd-Salai Williams Hlawnceu

Bawipa that nak a si zumtu mi fa hna thlacam nak bawipa nih a kan theih piak ko lung dong hlah uh sih.Bawipa cu kan him nak lung pi a si thla cam peng ko hna u sih bawi pa kan fa le hna dir pi peng ko hna law.Bawipa a sawm mi hna cu a deuh bal hna lo bawipa sawm peng ko hna u sih. Bawipa na tthat ning hi cu aw…kan himnak…a kan dirpi tu na si peng ko e..kan i lawm tuk.

Shadaw Pengum Ta Ngu Soe SAC Sakhan Cu Karen Ralkap KA le KNDF Nih An Khangh, Karenni ramkulh Shadaw(ရှားတော) peng Shan le Karenni ramkulh aa tonnak hmun ah a ummi SAC sakhan, Ta Ngu Soe(တငူးဆို) sakhan cu Karenni ralkap; KA, KNDF(Battalion 17, 14) nih an kah hna, tiah Kn.A.C. nih an thanh. Cu kahdohnak ah cun SAC ralkap pawl cu hnu an tolh caah an sakhan cu tualchung hriamtlai phufonh hna nih an khangh, tiah an langhter.

Nawlngeihnak lak hnu in Shadaw pengchung ah tualchung hriamtlai phu nih SAC sakhan 8 an lak cang, tiah Kn.A.C nih cun an thanh. Sagaing Ramṭhen, Yinmabin Peng Ah Tualchung Hriamtlai Phu Nih SAC ralkap SAC Ralkap 5 An Thah Hna: Sagaing ramṭhen, Yinmabin peng, Kapai(ကပိုင်) khua le Paungwah(ပေါင်းဝ) khua a khangtu SAC ralkap hna cu August 20 ah tualchung hriamtlai phu nih hriamngan in an kah hna caah SAC ralkap 5 an thi, tiah theih a si.

“Kapai(ကပိုင်) khua le Paungwah(ပေါင်းဝ) khua a khaangtu SAC ralkap hna cu hriamngan 40 mm lung 5 in kan doh hna i, SAC ralkap 5 an thi, hliamhma tuar zong an tam,” tiah Tualchung hriamtlai phu in ṭuanvo ngeitu Bu Auth Suai(အောက်ဆွဲ) nih a chim. Kapai(ကပိုင်) khua le Paungwah kha a khangtu ralkap hna cu Brother Defence Force le Yinmapin pengkomh battalion 16 phufonh nih an kah hna. PDF lei cu hliamhma tuar um loin hnu an tolh, tiah theih a si.

SAC Ralkap Pahnih Cu Meithal Zun Thum He KNDO Sinah An Lut! Min Aung Hlaing kuttang ah um a duh ti lomi SAC ralkap pahnih cu, meithal zun thum le kuan tampi he KNDO sin ah an lut, tiah theih a si. Ralkap pahnih cu Myawaddy- Wawlay hmunram ah rallam a sialmi an si i, Sah Ah Lah 904(Enginneer ralkap) in Aung Aung le Kha La Ya 275 in Ar Kar Min an si, tiah theih a si.

SAC ralkap pahnih nih cun MA-1 zun hnih, MA- 3 zun khat le kuat tampi an i ken. “Ralkap tuahsernak hi kan duh lonak a sau tuk cang. Ralbawi hna nih an kan tuahto ning kan ing kho ti lo. An duhnak hmun paoh ah an kan chiah, an kan hman. Khuate tampi an kan khanghter. Kanmah le kanmah mithiang ah kan i ruat ti lo.

“CDM kan tuah lai kan rak tinak hi a sau tuk cang. Zaam ding in caan sau tuk kan hngak. CDM kan tuah lai i, a hodah kan pehtlaih lai ti hi kan rak hngal lo. Atu zong kan chungkhar hna kaltaak in CDM kan tuah. Dohthlennak a dongh tiang mizapi he kan ṭang lai,” tiah CDM tuahtu SAC ralkap pahnih nih cun an chim. CDM tuahtu ralkap pahnih cu NUG nih lawm man tangka a pek hna. SAC ralkap chungah CDM tuah ngam loin thawng dik lo lawngte an chimh hna i, an tlerh hna, tiah theih a si.

Than Taunggyi Peng Ah SAC Ralkap Pahnih Cu An Zen-Kuan He An Tlaih Hna: Karen ramkulh, Than Taunggyi peng Yetukalay khua ah SAC ralkap Kha Ma Ya 504 in ralkap pahnih cu, KNDO nih August 19 zanlei ah an zen-kuan he an tlaih hna i, an thlah ṭhan hna, tiah theih a si.

“KNU Brigade 5, Buzarkhi sakhan in a chuakmi ralkap pahnih cu kan tlaih hna. A dang SAC ralkap pawl cu hmun dang in an kal. Kan tlaihmi ralkap pahnih hna sinin thilri pawl zong kan laak. That loin kan thlah ṭhan hna,” tiah KNDO Battalion 4 nih an thanh. An tlaihmi hna sin in kut cheh bomb, Enaga bomb, kuan bawm, chawnhbiaknak thilri, ralkap hruk-aih thil cheukhat an si. Meithal le an tlaihmi hna ralkap min tu cu hngalh a si rih lo.

Monywa Peng Nyaunghpyupin Palik Sakhan Cu MRDA Nih An Kah I, Ralkap 5 An Thi! Sagaing ramṭhen, Monywa peng Nyaunghpyupin(ညောင်ဖြူပင်) palik sakhan cu a naih tein kan kahdoh i, SAC ralkap 5 nak tlawm lo an thi, tiah Myanmar Royal Dragon Army(MRDA) nih cathanh an chuah.

Nihin August 21, chunhnu suimilam 11:48 hrawng ah Monywa peng Nyaunghpyupin (ညောင်ဖြူပင်) palik sakhan cu MRDA Salingyi(ဆားလင်းကြီး) le Aung San Force phufonh nih an kahdoh hna, tiah theih a si. Motor in sakhan hmai tiang kan kal i, naih tein kan kah hna. Cu kahdohnak ah cun SAC ralkap le palik 5 kan thah hna, tiah an thanhmi ah cun an langhter.

Kahdohnak ah cun Salingyi hrambunh MRDA in ralkap 2 hliamhma an tuar nain an hliamhma kong ah thinphan ding a um lo. Kuan bawm 3 zong kan thlau, tiah MRDA nih an langhter. Monywa Khuachung Ah SAC Ralkap Bomb Puahhnawh An Tong I, Ralkap 6 An Thi: Sagaing ramṭhen, Monywa khuachung Bu Tae Zah( ဗိုလ်တေဇ) le Nguwa (ငုဝါ) lamtonnak ah an hmanhmi bomb thianh ding in a ra mi SAC ralkap pawl cu bomb puahhnawh an ton caah ralkap 6 an thi, tiah theih a si. Cu bomb puahnak cu August 20 zaanlei sumilam 5 hrawng ah Monywa Nat Soe phu, Monywa pah kah phah phu le MPDF hna fonh in an tuahmi si, tiah theih a si.

“Bu Tae Zah lam le Nguwa lamtonnak ah PDF nih an hmanhmi bomb thianh ding in mawtaw pathum he a rami palik le SAC ralkap pawl cu bomb kan puahhnawh hna i ralkap 6 an thih lengah tam ngai hliamhma an tuar. Bomb puah hnu ah an kan kah ve nain hliamtuar um lo tein hnu kan tolh ṭhan,” tiah Monywa Nat Soe phu in ṭuanvo ngeitu pakhat nih a chim.

Bilin Peng Ah PDF Mincazin Lak Ding In SAC Nih Khuabawi An Fial Hna: Mon ramkulh, Bilin(ဘီးလင်း) peng ah PDF ralkap hna mincazin lak ding in SAC ralkap nih palik le khuabawi hna cu an fial hna, tiah ralkap he naihniam mi hna sin in theih a si. A luancia caan ah Bilin peng palik le khuabawi hna cu SAC ralkap nih an auh hna i PDF chungtel mincazin lak ding le khuachung an luh caan hna thawng thanh ding in an chimh hna, tiah theih a si.

Mindat Ah SAC Ralkap Nih Aug 17 I Khualtlawng An Tlaih Mi Hna Cu An Thlah Rih Hna Lo, Chin ramkulh, Mindat ah SAC ralkap nih Mindat-Pakokko lam Shwe Ngyaung Aye (ရွှေညောင်အေး) minung phortu khualtlawng motor pakhat cu a chung cuangmi minung he August 17 ah an rak tlaih hna i, nihin August 21 tiang ah an thlah rih hna lo, tiah tualchung mi nih an chim.

Cu khualtlawng motor cu an tlaih hnu ah motor khaltu le a zultu cu an thlah ṭhan hna nain, motor chung cuang khualtlawng mi hna cu ni 5 a rauh tiang ah thlah rih lo in, Mindat khuachung SAC 274 battalion ah an hren hna, tiah theih a si. SAC ralkap nih khualtlawng motor pakhat ah khualtlawng mi minung 7 an tlin lawng ah motor chuahnak nawl an pek hna i, SAC nih rikhiahnak an tuahmi zat minung an tlin lo a si ahcun Mindat in motor chuahnak nawl an pe hna lo, tiah theih a si. Cu pin ah Tualchung hriamtlai phu CDF-Mindat hna cu SAC ralkap nih an sin ah lut ding in atu le tu an lem hna, tiah theih a si.

“SAC ralkap nih khualtlawng motor an tlaih mi ah cun minung zeizat dah tlaih an ton fiang tein theih a si rih lo. Motor khaltu zong nih thil sining a chim duh lo. Mindat um SAC ralkap nih CDF hna cu anmah lei ah ṭang ding in an lemsoi hna,” tiah khuami pakhat nih a chim. SAC ralkap tuahsernak ruang ah Mindat in hmundang ah a zaam mi minung 9500 hrawng cu kum khat leng a rauh tiang anmah umnak hmunhma ah an kir kho rih lo, tiah theih a si.

Chin Ramkulh, Falam Peng Ah CNO Nih Ihkhun 50 Tlum Siizung An Hon, Chin ramkulh, Falam peng ah Chin National Organization (CNO) nih ihkhun 50 tlum siizung cu August 20 zinglei ah a honnak an tuah, tiah theih a si. Siizung cu 2021 (CNO/CNDF dirh kum) in thawk a si, 2021 October thla khan siizungpi dirhmun in rak thlen a si. PDF -Kalay siibawi hna he i fonh in hliamhma tuar, mipi ralkap hna thlopbulnak, nau ngeihternak le mizapi zohkhenhnak ca ah tuah a si, tiah CNO nih cathanh an chuah.

Timit Kahdohnak (Timit Operation) Ni 22 Chung Ah SAC Ralkap A Tlawmbik 50 An Thi, July 30 in Timit kahdohnak (Timit Operation) cu thawk a si i nihin August 21 (Ni 22 ) chung ah SAC ralkap 50 leng an thi cang. Nikhua a chia peng i chum a zaam tuk caah hliam a tuar mi zat cu kan confirm kho lo, a thimi kan confirm khawh mi hi 50 leng an si, tiah CNA chimphuannak nawlngeitu Salai Htet Ni nih The Chin Post ah a chim.

”Kan ralkap hna nihcun kuan khat ah ral pakhat tiin kuan hi semrel tein an hman, kan ralkap hna umnak hi ralhrang hna an umnak hmun nak in a san deuh caah Sniper in an bawh peng hna i a chuak chom in, Sniper cun an kah hna, a chel caan ah an hnu lei in kan ralkap nih an va hel hna i an va kah caan zong a um țheo.

“Tutan Timit Operations ah ralhrang lei hi tlawmte lawng an tang ko cang (an meithal puah thawng in hngalh asi ko). Asinain Hakha he ai naihnak te a si tik ah Hakha in Timit lei an kal an kir a tam i ai chawk bon maw an si,a thar dah? timi hi hngalh khawh a si lo caah Hakha Rungtlang ah ralhrang thazaang zeizat hrawng an um ti balte hngalh a har,” tiah kahdohnak kong he pehtlai in a chim chih. Timit Operations cu ni 22 a rau cang i SAC ralkap 50 an thi cang ai hliam mi zong an um len. Chin ralkap in hliamhme a tuar mi tlawmpal an um nain atu tiang an nunnak a him rih.

SAC Nih Regional Command, Commander 5 Hna Cu Umnak An Thlen Hna, Nawlngeihnak latu SAC nih Regional Command i Commander (စစ်တိုင်းမှူး) 5 hna cu August 19 ah an umnak an thlen hna tiah theih a si. Northern Command (မြောက်ပိုင်းတိုင်းစစ်ဌာနချုပ်) i Commander Major General Myat Thet U cu South Eastern Command (အရှေ့တောင်တိုင်း စစ်ဌာနချုပ်) ah an ṭhial i South Eastern Command i Commander Major General Ko Ko Maung cu Northern Command ah an ṭhial.

Central Eastern Command (အရှေ့အလယ်ပိုင်းတိုင်းမှူ) Commander Major General Hla Moe cu Triangle Region Command (တြိဂံတိုင်း) ah an ṭhial i Triangle Region Command, Commander Major General cu Eastern Command (အရှေ့ပိုင်းတိုင်းစစ်ဌာနချုပ်) ah an ṭhial ve. Eastern Command, Commander Major General Ni Lin Aung cu Central Eastern Command ah an ṭhial.

Atu bantukin Regional Command i Commander pawl an umnak an ṭhialmi hna kong he pehtlai in min langhter a duh lomi ralbawi hlun pakhat nih “Hihi cu an tuah tawnmi a si ko. Asinain atu dirhmun ah cun Regional Command, Commander pawl hi an nawlngeihnak an sang ngai. A herh ahcun raltuknak vanlawng le Helicopter hmannak nawl an ngei cang, a hlan ah cun an rak ngei lo” tiah a chim.

Cu pin ah Kaya ramkulh kahdohnak a tuah cuahmahmi No. 13 Military Operations Command (အမှတ် (၁၃) စစ်ဆင်ရေးကွပ်ကဲမှူ ဌာနချုပ်) hruaitu Brigadier Kyaw Zeya cu hmundang ah an ṭhial i amah hmunhma ah Pago ramṭhen Inma hrambunh Brigade 66 hruaitu an chiah tiah thawng a leng. Cuti i an thlen hnanak cu No. 13 Military Operations Command (MOC) tang i ralkap hna cu Kaya ramkulh ah tam tuk an thih caah a si tiah SAC ralkap he aa naihniammi nih an chim.

CDM ralbawi Lin Htet Aung nih “Kahdohnak hmunhma ah a thimi an tam cang i an thazaang a der deuhdeuh, cucaah atu bantukin thlennawnnak an tuahmi a si. Atu cu an hrang deuhdeuh cang lai. Dohthlennak tuahtu hriamtlai hna hi an thazaang a der khawhnak dingah mipi he an kan buaiter lai, pehtlaihnak an chah lai.

Hmunkip ah fak deuh in kahdohnak an tuah lai. Voikhat ah mitampi thah khawhnak hriamngan zong an hman lai” tiah a chim ve. Chin ramkulh Chief Minister Pu Ngun San Aung an dinhter i a aiawhtu ah ralbawi hlun Lt. Col. Dr. Vung Suan Thang an chiahmi zong hi Chin ramkulh ah ah fak deuh in kahdohnak tuah an timh caah a si tiah zumh a si.