Kawlram Ralkap Nih Miphun Cihmih Thahnawnnak Lai A Nawng Tiah American Nih A Thanh Cang Lai!
Kum 2017 ah khan Kawlram ralkap nih Ruhingja miphun cungah a tuahmi sualnak cu miphun cihmih thahnawnnak a si tiah nihin ah a thanh cang lai tiah theih a si.
March 21 ah Washington D.C ah a ummi miphun cihmih thahnawnnak hmanthlak an chiahnak hmunah nihin ah an tuah dingmi thil sining fianternak ah American ramdang vuanci nih a thanh lai tiah Ractor thawngzamhnak nih a langhter.
Miphun cihmih thahnawnnak sualnak a tuah tiin thanhnak an tuah dingmi nih hin Kawlram ralkap nih pehzulh in an tuah nakhnga lo bawmtu a si lai tiah American ramdang pehtlaihnak zung i tuanvo ngeitu pakhat nih a chim.
Ruhingja kongah biatak tein a cawlcanghtu Jeff Markley zong nih President Biden cozah nih a tuahmi hi kan cohlang tiah cathanh an chuah colh.
Britain hrambunh Kawlram-Ruhingja phu chiarman U Htun Khin zong nih American cozah nih a tuahmi hi kan cohlang tiah a chim ve.
Crd: Deltanewsagency
April Thla Chungah International Airline An Hong Cang Lai Nain Zuamcawhnak A Tam Ngai!
Thla (2) lengkai an phih cangmi international airline cu April thla chungah an hong than cang lai tiah thanhnak an tuah cang nain zuamcawhnak a tam ngaingai rih tiah Kawlram Khualtlawngnak He Pehtlai In Agency nih DNA ah a chim.
“Kawl Ti Toih Pui” a dih hnu April 17 thawkin kan hong cang lai tiah thawngthanhnak a chuah hnuin Thai, Malaysia le Singapore hna ahcun khualtlawn khawh a si lai nain Koria, Japan le ramdang dang ahcun ramdang ah a phanmi, a rak tlung dingmi deuh lawng an um lai tiah amah nih a chim.
Covid zawtnak le nawlngeihnak laak hnuin ramkhel buainak ruangah kum 2 lengkai sunghzatlaknak a tongtu agency nih sining thing phak than khawhnak ding ahcun caan tam deuh laak a hau rih ko lai tiah a chim chih.
Crd: Deltanewsagency
CDF-Matupi Chungtel 2 An Tlaih Hna, Pakhat Hrem Hnu Ah Thah A Si Pakhat A Tlau
Nizaan ah Mara ram in Thiboi riahbuk lei ah a thawhmi ralhrang hna nih CDF-Matupi ralkap 2 an tlaih hna pakhat cu an hrem hnu ah an thah, a ruak zong hmuh a si nain a ruak pawng ah bomb an tunh caah lak khawh a si rih lo, pakhat cu a ruak hmuh a si rih lo nain an thah ve ko lai tiah zumh a si.
Kahdohnak cu a chuak lo, CDF nih an hmanh mi bomb nih vok a hliamh caah vok lak dingin an i timhtuah lio ah ralhrang nih an tlaih hna hi a si tiah theih a si.
Ref: MFC
Mino 18 Hna Cu SAC Ralhrang Nih An Mah Pakhat Cio In Thihdan Le Thihhlanlo Thongdan An Pek Hna
Yangon ah mino 11 thih hlan lo thongdan an pek hna i minung 7 hna cu thihdan an pek hna hnu cu Myo Okkalapa sianginn cachimtu sayamah thahnak ah an tlaih mi minung pali hna zong thihdan an pek hna tiah theih a si.
Yangon ranthen chungah an tlaih mi hna minung 18 hna cu an hmuh an zoh piak hna i pakhat cio in thihdan le thihhlanlo thongdan an pek hna tiah thawng theih a si.
Dan an pek mi mino hna cu Hlantaya, Kyi Myint Tan, Dagon Seihkam, Myo Okkala hna ah a um mi an si tiah theih a si. Mino 18 hna lah ah minung 11 hna cu thihhlanlo thong dan an pek hna i, minung 7 hna cu thihdan an pek hna tiah theih a si.
Thihhlanlo thongdan an pek mi mino hna cu Hlantaya Yaungkyi Police sakhan an kahdoh, Khuauk Bawi zung cu bomb in an kahdoh, hriamnam an thuh, Tlangcung hriammtlai hna sinah tintan an kai , dohthlennak a tuah mi pawl he aa pehtlai mi an si tiin SAC ralhtrang nih an ti hna.
Thihdan an pek mi hna minung pa 7 hna cu Hlantaya le Myo Okkala ah a um mi an si i mah chungah minung pathum hna cu khuauk bawi meithal in an kahthah, a tang mi minung pali hna cu Myo Okkalapa sianginn cachim tu an kah thah tiin SAC ralhrang nih an ti hna. Mah thihdan an pek mi hna lakah nu mino pakhat zong aa tel ve tiah theih a si
Leave a Reply