CDM A Tuahmi Ralkap Bo Kyi Lin Htet Aung Nih Ralkap CDM Tuah Lakah Sn Tam Bik Asi Tiah A Rak Langhter Mi
Ralkap Bo Gyi rank a si mi Lin Htet Aung cu CDM a tuah hnuin amah bantuk in ralkap dang hna zong CDM tuah ve dingin mi a sawmtu le social media in a aupi tu a si. Anaihrawng CDM a tuahmi ralkap lakah a tutan hi an tam bik a si tiah Bo Gyi Lin Htet Aung nih a rak langhter. Bo Gyi Lin Htet Aung hi CDM a tuahnak kum 1 a tling ve cang.
Bo Gyi Lin Htet Aung nih “ni 3 chungah ralkap 37 CDM an tuah. Atu hi a himnak hmun ah an phan dih cang hna. Hi milu zat hi an i dornak hriamtlai phu hna sinin keimah pumpak nih kan lakmi cazin ning in a si.
Keimah he kaa naihniamlo nak hriamtlai phu hna sin CDM a tuahmi ralkap cazin bel ka thei lo. A tam deuh lai ka zumh. A dikmi thawngpang a si. CDM ka tuah hnuin atutan hi hmakhatte CDM a tuahmi ralkap an tam bik a si” tiah a rak langhter.
Ralkap le Palik CDM tuah dingin a ttanpi tu hna le a forhfialtu hna phu People’s Embrace phu nihcun February 2022 thla thawk tiang ahkhan CDM a tuahmi ralkap le palik 8000 leng an kai cang hna tiah an rak langhter. Credit:BLHA
Kachin Ramkulh le Sagaing Ramṭhen Kahdohnak Thawng
March 19 zaan Sml 7:20 ah Kachin ramkulh, Myitgyina No.2 palek sakhan cu 40mm bomb in doh an tong i SAC ralkap le palek an thi kho, tiah tualchung mi nih Yangon Khit Thit ah an chim. Siputa le Tatkung zong ah March 19 zaan ah bomb a puak, tiah theih a si.
Cun, Sagaing ramṭhen, Tabayin peng, Tane-Sin Yoh Kung khua ah chikhatte umhmun a khuar mi SAC ralkap hna cu tualchung hriamtlai phu nih March 18 ah an kah hna i, minung 10 an thi, tiah C&T Shwe Bo sin in theih a si. Cu SAC ralkap hna cu C&T Shwe Bo, Snake Eyes- PDF le Tabayin peng tualchung hriamtlai phu hna i bawm nih an kah hna, tiah theih a si.
Kah a tong mi SAC ralkap hna nih cun Tabayin peng, Ngaung Hla, Namya, Yinge, Mayukung, Phyotaw, Cuaitochian, Chaunghmito, Titaw, Tapyikung, Mintanh), Dinet), Tayatkaan, Ywatit, Tane-Sinyouh khua hna ah mizapi thilri pawl an fir pinah Mayahkaan khua inn 8 zong an khangh, tiah C&T Shwe Bo sin in theih a si.Credit:The Chin Post
Mino 18 Hna Cu SAC Ralhrang Nih An Mah Pakhat Cio In Thihdan Le Thihhlanlo Thongdan An Pek Hna
Yangon ah mino 11 thih hlan lo thongdan an pek hna i minung 7 hna cu thihdan an pek hna hnu cu Myo Okkalapa sianginn cachimtu sayamah thahnak ah an tlaih mi minung pali hna zong thihdan an pek hna tiah theih a si.
Yangon ranthen chungah an tlaih mi hna minung 18 hna cu an hmuh an zoh piak hna i pakhat cio in thihdan le thihhlanlo thongdan an pek hna tiah thawng theih a si.
Dan an pek mi mino hna cu Hlantaya, Kyi Myint Tan, Dagon Seihkam, Myo Okkala hna ah a um mi an si tiah theih a si. Mino 18 hna lah ah minung 11 hna cu thihhlanlo thong dan an pek hna i, minung 7 hna cu thihdan an pek hna tiah theih a si.
Thihhlanlo thongdan an pek mi mino hna cu Hlantaya Yaungkyi Police sakhan an kahdoh, Khuauk Bawi zung cu bomb in an kahdoh, hriamnam an thuh, Tlangcung hriammtlai hna sinah tintan an kai , dohthlennak a tuah mi pawl he aa pehtlai mi an si tiin SAC ralhtrang nih an ti hna.
Thihdan an pek mi hna minung pa 7 hna cu Hlantaya le Myo Okkala ah a um mi an si i mah chungah minung pathum hna cu khuauk bawi meithal in an kahthah, a tang mi minung pali hna cu Myo Okkalapa sianginn cachim tu an kah thah tiin SAC ralhrang nih an ti hna. Mah thihdan an pek mi hna lakah nu mino pakhat zong aa tel ve tiah theih a si
Leave a Reply