BREAKING NEWS; Thawngpang Ttha Kho Taktak Bak Theih A Si ( Lomhpi Cio Hna U Sih)

Vawlei Cung Nu Raltha (IWOC) Laksawng Cu မအိသဉွာမောင် Nih A Co!

American ramdang pehtlaihnak vuanci nih a pekmi kum 2022 chung International Women of Courage Award laksawng hmutu (12) chungin ramkhel leiah thazaang chuahtu NUG cozah i Deputy Minister မအိသဥွာမောင် zong a tel ve.

Laksawng pek ni cu March 14 ah American ramdang pehtlaihnak vuanci nih online cungin a tuah te lai.

IWOC laksawng cu vawlei cung hmunkip ah remdaihnak, itlukruannak, nuhrin covo le nu le mipa itlukruannak le zapi covo ikhahkhawhnak leiah mahzawn ruahnak tel loin zanghlei cawi in thazaang chuahtu nu hna cu thim in an pekmi a si.

Kum 2022 chungah မအိသဥွာမောင် telh in vawlei cung ram (11) nu an i tel ve.

International Women of Courage Award (IWOC) laksawng cu kum 2012 lioah khan atu i NUG cozah ramdang pehtlaitu Nu Yin Ma Aung nih a rak co bal ve cang.

Kahawknak Thusuah Date: March 9, 2022

Chin Ramkulh, Falam Peng, Rihkhawdar khua veng no(2) ah 2022 March (1) ni ihsin Ralhrang SAC ralkap (30) hrawng cu hmunkhuar in an um a si.

Rihkhawdar khua veng no(2) hmunkhuarnak ih kilhimnak tuanvo latu Ralhrang SAC ralkap pa (2) cu March (7) ni zanlam nazi (3) hrawngah Chin National Defense Force (CNDF) in kan vakap ih a hmun rori ah ralhrang ralkap pa (2) an thi a si.

ASEAN Special Palai He Ton Biaruah Ding Kahdohnak Daihter Ding Cah SAC Ralhrang Nih Tlangcung Hriamtlai Phu Caa A Kuat

March thla ni 20 ah Myanmar a rak phan hnga ding Myanmar kongkau he pehtlai in ASEAN Special palai a si mi Cambodia a pahnih nak vuanci le ramkhel vuanci a si mi Prak Sokhonn le kahdoh daihter, tlang cung hriamtlai phu kar ah ton biaruah nak tuah ding ah SAC ralhrang lei nih tlangcung mi ca an kuat hna tiah theih a si.

Kahdoh daihnak min athu mi tlangcung hriamtlai phu i ram daihnak nak lam hruai mi phu (PPST) in sam mi a si tiah sawmnak caa ahmu mi phu nih a chim. Kawlram chungah kahdoh daih tlangcung hriamtlai phu 10 an um.

” ASEAN Special Palai he ton biaruah ding ah sawm mi a si” tiah sawmnak ca ahmu tu phu khat sin in theih a si. Myanmar ram ah a voikhat nak bik in a rak phan hnga ding ASEAN palai zong nih Myanmar ram chung ah a um mi phu fonh dih lak he ton biaruah nak ngeih dingah in timhlamh nak a ngei.

SAC ralhrang lei nih NLD tel in ramkhel party phu pawl he tonnak nawl kan pek hna lai tiah an chim i thawng chungah a um mi le, Sahrang tiah ruahmi pawl he ton nak nawk kan pek hna lai tiah SAC ralhrang lei nih an chim.