CDM RALKAP AUSTRALIA RAM AH LUH KHAWH
Nawlngeihnak lak a si hnu ah ralkap in a chuak i CDM a tuahmi ralkap hna cu Australia ram luhnak Visa pek an si lai tiah Australia rambunh Media The Sydney Morning Herald le The age nih an langhter.
Hi Australia hrambunh media pahnih nih a luancia Tangkawng thla ah ralhrang in a chuakmi CDM tuah in Australia ah ai dormi minung pahnih he biaruahnak an ngei.
Myanmar – Thailand ramri lei phanh in dohthlennak phun chungah i tel in Australia ram a phanmi ralbawi pakhat nih ” nawlngeihnak lak ka cohlang lo, mizapi thah ka duh hna lo, hi ramri ah ai dor mi ralbawi hlun an tampi, Myanmar ram a him lo, ramri ah tlawmpal a him deuh cucaah nunthar kan thawk lai ” tiah a chim.
Hi ralbawi pa le chungkhar hna cu Australia ram ah an um i, Thailand ram lei an zaam lio ah an nunnak caah tlerhkhonhnak an rak tonnak kong zong a chim.
” Nawlngeihnak la tu nih an kan nek kho tuk, kan nih cu chung ahcun a um kho ding kan si lo, nawlngeihnak lak hlan ahcun kan ram a dai lai tiah zumhnak kan ngei a si nain vanchiat ah ralhrang nih nawlngeihnak an lak” tiah a chim chih.
National Unity Government cozah i Australia palai Dr. Tun Aung Shwe nih Australia, Newzalan, American cozah hna cu ralkap in a chuakmi hna runvennak kong ruahpiak dingin a rak hal bal hna.
” Ramkip nih zuanhnawh le cozah nih ralkap in a chuakmi hna runven piak khawh ahcun Myanmar ralkap thazaang a dernak a rannak bik a si lai, Thailand in Australia an phan, Australia phanh hlan ah dohthlennak phu cawlcanghnak ah ai tel mi ralkap pahnih hi kan theih ko hna ” ti zong a chim.
Kawlram Chung Ah Inn Le Loo A Tlik Tak Mi Ting 8 Leng An Um Cang
Myanmar ram chungah SAC ralhrang nih mipi tlaihhrem kahdoh ruangah inn le lo atlik tak mi minung ting 8 le cheu leng an umnak kong cu UNOCHA nih cathanh a chuah.
Myanmar ram pumpi chungah SAC ralhrang nih uknak an lak hlan ah minung 370,000 hrawng nih inn le lo an chuah tak i, SAC ralhrang nih uknak an lak hnu ah minung 495,300 tel in an zaa piin miluu 865,700 nih inn le loo an chuah tak cang tiah theih a si.
Myanmar ram chung nichuah chak lei ah kahdohnak a fak chin chin i khuami hna nih an chuah keh nak an inn le loo an chuah tak tiah UNOCHA nih cathanh a chuah.
March ni 7 miluu relnak in kum 2021 February in a caang mi kawlram buainak ruangah miluu 228,900 hna nih Kawlram nichuah chaklei ah inn le loo an chhuah tak tiah theih a si.
Mah ralzaam pawl hi Kaya ram in miluu 93,800 an si. Kayin ram in miluu 69,100 an si. Mon ram in 7,500 an si . Thanintari ramthen in 3,700 an si i Bago ramthen in miluu 800 an si tiah theih a si.
Kawlram Chung Ah Inn Le Loo A Tlik Tak Mi Ting 8 Leng An Um Cang
Myanmar ram chungah SAC ralhrang nih mipi tlaihhrem kahdoh ruangah inn le lo atlik tak mi minung ting 8 le cheu leng an umnak kong cu UNOCHA nih cathanh a chuah.
Myanmar ram pumpi chungah SAC ralhrang nih uknak an lak hlan ah minung 370,000 hrawng nih inn le lo an chuah tak i, SAC ralhrang nih uknak an lak hnu ah minung 495,300 tel in an zaa piin miluu 865,700 nih inn le loo an chuah tak cang tiah theih a si.
Myanmar ram chung nichuah chak lei ah kahdohnak a fak chin chin i khuami hna nih an chuah keh nak an inn le loo an chuah tak tiah UNOCHA nih cathanh a chuah.
March ni 7 miluu relnak in kum 2021 February in a caang mi kawlram buainak ruangah miluu 228,900 hna nih Kawlram nichuah chaklei ah inn le loo an chhuah tak tiah theih a si.
Mah ralzaam pawl hi Kaya ram in miluu 93,800 an si. Kayin ram in miluu 69,100 an si. Mon ram in 7,500 an si . Thanintari ramthen in 3,700 an si i Bago ramthen in miluu 800 an si tiah theih a si.
Leave a Reply