Thawngpangtha Taktak, Mindat Kahdohnak Ah SAC Ralhrang 17 An Thah Hna

Chin ramkulh, Mindat peng March 29 ah CDF-Mindat le SAC ralkap karlak ah kahdohnak a chuak i nikhat chung lawngah SAC ralkap 17 an thi tiah Mindat peng thawngzamh nih an langhter.

March 29 ah Mindat-Matupi lam cungah CDF-Mindat le SAC ralkap karlak ah kahdohnak a chuah caah SAC ralkap 15 an thi i tampi an i hliam tiah theih a si.

March 23 ah SAC ralkap nih thazang tampi in thlanglei Laitlang Mindat, Matupi le Paletwa lei ah kahdohnak a tuah caah mipi hriamtlai hna le SAC ralkap karlak ah kahdohnak a fak tiah theih a si.

Relchap>>>>>>>Kalaymyo Ah Mizei Hriamtlai Hngalh Lomi Phu Nih Hnawm Hlonnak Motor (3) An Chuhsak!

Kalaymyo ah Se Gyi hlei pawngah Sipin ngeihmi hnawm hlonnak motor (3) cu March 29 zanlei sml 2:00 hrawngah mizei hriamtlai phu hngalh lomi minung (9) nih hriamnam hme tlaih in an laak/chuhsak tiah theih a si.

Hnawm hlonnak motor (3) pinah cu motor (3) i driver hna i tlaihmi phone (3) le phaisa sing (105000) zong an laakpiak chih tiah theih a si.
Crd: Zalen, The Fedarl Times

Kukanh MNDAA Hruaitu U Phone Kyar Syin (ဦးဖုန်ကြားရှင်) Ruak Vuinak Ah Minung Thong (3) Leng An Chuak!

MNDAA rak dirhtu U Phond Kyar Syin ruak vuinak ah KNDF telh in minung (3000) leng an chuak tiah theih a si.

Kum 94 a tling cangmi MNDAA chairman hlun simi U Phone Kyar Syin cu Febuary (16) ah a nunnak a liam i, ni (40) lengkai hnu, March 29 ah NDAA hmunhma ah an tuah. U Phone Kyar Syin ruak vuinak committee cu UWSA, NDAA, AA, SSPP, TNLA, KIA, MNDAA hruaitu lutlaibik hna i fonh in an dirh.

Crd: Than Lwin Khet

Falam Khuapi Ah Mipi Bawmhnak Phaisa Hmangin Oxygen Seh Pakhat An Bunh!

Chin ramkulh Falam khuapi ah Oxygen 40 liter a tlummi dur (60) a rawn khomi oxygen seh pakhat cu Chin Relief-Rehibilitation And Community Development Goundation (CRCDF) hruainak in March 27 ah khan an bunh tiah theih a si.

Hi seh cu ramchung ramleng bawmhnak in dollar 65000, Kawlram phaisa sing (1000) leng in cawkin an bunh tiah theih a si.

A hmasa bunhmi oxygen seh pakhat cu mizaw ihnak ihkhun in direct in dawp kho dingin pipe an peh hna i, tutan i an bunhmi seh tu cu oxygen dur rawnh dingin an hman lai tiah theih a si.

Crd: Zalen

Russia Le Ukraine Tonnak An Ngeih Than Lai

Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih  a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.

Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim

Russia Le Ukraine Tonnak An Ngeih Than Lai

Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih  a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.

Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim