Hlaing Thar Yar, Thone Khwa, Kalay, Kyaik Lat, Htee Chaint le Belin hna ah SAC Ralhrang 48 an thah hna, PDF miinung 4 an nunnak a liam
Hlaing Thar Yar, Thone Khwa, Kalay, Kyaik Lat, Htee Chaint le Belin hna ah SAC Ralhrang 48 an thah hna, PDF miinung 4 an nunnak a liam tiah Mipi humvengtu hna nih cathanh an chuahmi in kan theih.
March 19 zan suimilam 10 hrawng ah Hlaing Thar Yar peng ah SAC Ralhrang hna cu Yangon Underground Force le Black Eagle Ranger nih Bomb an puah hnawhhna tiah kan theih.Yangon Thone Khwe zawng ah Tax Office Inn ah zan suimilam 7:45 le suimilam 7:47 ah Thongwa Youth Force – T.Y.F nih Bomb an puah hnawh hna tiah kan theih.
March 20 zinglei ah Yisoe khua le Hakha lay khua chaklei kam in a rak lutmi SAC Ralhrang hna cu raedy tein a rak i bawhtu hna PDF(Kalay) le CNDF phu fawnh hna nih zing suimilam 7:00 ah Hriamngan tel in an kah hna i zinglei suimilam 9:00 tiang kahdoh nak fak taktak a chuah , Kahdohnak ah cun SAC Ralhrang lei 15 hrawng an thah hna i mipi humvengtu phu fawnh hna lei in PDF(Kalay) minung 1 hliam a tuar(hliam a tuar ning thinphan tuk ding a si lem loh).
SAC Ralhrang hna cu kahdohnak hmun in Chaungkhuah khua in an pil(soh) i mah hnu ah Aung Chan Thar khua lei ah an kal lio zinglei sumilam 11:00 hrawng ah Aung Chan Thar khua hmailei hmunkhat ka in PDF(Kalay), CNDF le CDF(KKG) fawnh in an rak kahthan hna i fak ngai in suimilam cheu hrawng an i kap i Ralhrang lei in Ralhrang 2 an thah than hna tiah kan theih.March 17 zawngah khan SAC Ralhrang hna Chaungkhuah khua le Aung Chan Thar khua kar ah an mah le an mah an i kapsual i Ralhrang 7 an thi.
Sagaing Ramkulh Htee Chaint peng ah March 16 zing suimilam 6:00 ah SAC Ralhrang hna nih Kyattakaung khua i Indown khua lei ah Hriamngan an kah thawk in kahdoh nak a chuak i kaphnih le in Hriamngan tel in suimilam 4:00 chung an i kap i SAC Ralhrang lei Ralhrang 24 an thi, Ralhrang 4 hrawng hliam an tuar Meithal 2 Mine 2 he PDF minung 4 an nun nak a liam tiah Mipi humvengtu hna sin in kan theih.
March 19 ah Ayeyarwaddy ramkulh Kyaiklat peng Traw Ywar Thit khua ummi SAC Ralhrang Police Sakhaan cu Pyar Pon District Public Defense Forces – Ayeyaravada (Kyaiklat) and Kyaiklat Township Public Defense Forces (Kyaik Lat Pa-Ka-Fha) nih Mine(Bomb an puah hnawh hna tiah kan theih.
Mon Ramkulh Beli in Miles(meng) 3 hrawng a hlatnak Yangon le Mawlamyine kalnak lam hmunkhat ah kahdohnak a chuah i Motor kalkholo in sautaktak an hngah hna tiah kan theih.Crd:Khit Thit Media
Mino 18 Hna Cu SAC Ralhrang Nih An Mah Pakhat Cio In Thihdan Le Thihhlanlo Thongdan An Pek Hna
Yangon ah mino 11 thih hlan lo thongdan an pek hna i minung 7 hna cu thihdan an pek hna hnu cu Myo Okkalapa sianginn cachimtu sayamah thahnak ah an tlaih mi minung pali hna zong thihdan an pek hna tiah theih a si.
Yangon ranthen chungah an tlaih mi hna minung 18 hna cu an hmuh an zoh piak hna i pakhat cio in thihdan le thihhlanlo thongdan an pek hna tiah thawng theih a si.
Dan an pek mi mino hna cu Hlantaya, Kyi Myint Tan, Dagon Seihkam, Myo Okkala hna ah a um mi an si tiah theih a si. Mino 18 hna lah ah minung 11 hna cu thihhlanlo thong dan an pek hna i, minung 7 hna cu thihdan an pek hna tiah theih a si.
Thihhlanlo thongdan an pek mi mino hna cu Hlantaya Yaungkyi Police sakhan an kahdoh, Khuauk Bawi zung cu bomb in an kahdoh, hriamnam an thuh, Tlangcung hriammtlai hna sinah tintan an kai , dohthlennak a tuah mi pawl he aa pehtlai mi an si tiin SAC ralhtrang nih an ti hna.
Thihdan an pek mi hna minung pa 7 hna cu Hlantaya le Myo Okkala ah a um mi an si i mah chungah minung pathum hna cu khuauk bawi meithal in an kahthah, a tang mi minung pali hna cu Myo Okkalapa sianginn cachim tu an kah thah tiin SAC ralhrang nih an ti hna. Mah thihdan an pek mi hna lakah nu mino pakhat zong aa tel ve tiah theih a si
Leave a Reply