BREAKING NEWS; Thawngpang Chia Kho Taktak Theih A Si E!!

Nihin Kan Theih Khawh Mi Thawngpang Chia Fonh!! (Minung 107 An Nunnak A Liam)
=========================
KNU brigade 3 hmunhma ah a luancia September thlakhat chungah kahdohnak voi 70 leng a cang.KNLA battalion 7,8,9, KNDO battalion 3 le SAC ralkap kar a cangmi kahdohnak a si i, KNLA/KNDO le tualchung hriamtlai phu lei in minung 3 nunnak a liam i minung 12 nih hliamhma an tuar tiah theih a si.

SAC ralkap lei nih kahdohnak a chuah lio ah tualchung mipi hna umnak khuachung ah tinhchih in hriamngan an kah lawng si lo in, van lei kahdohnak zobg voi 3 tiang an tuah tiah theih a si. Mung pengchung khuahnih cu hramhram in an ṭhialter hna i, khuami pakhat an tlaih leng ah khuami pakhat an thah. Cun SAC ralkap hriamngan kahnak ruangah tualchung mi 2 nunnak a liam i minung 3 nih hliamhma an tuar tiah theih a si.

Chin ramkulh, Falam Surbung vanlawng tual ah rianṭuantu manager Pu Lal Tu Zama (kum 59) cu nihin October 6, zaanlei suimilam 6:58 ah Yangon Bahosi sizung ah a nunnak a liam tiah theih a si. Nunnak liammi Pu Lal Tu Zuma nih cun a nupi le a fale 4 a taantak hna tiah theih a si.

India ram nih a serchuahmi khuhsi hang cheukhat le Africa ah ngakchia 60 leng nunnak liamnak king hi pehtlaihnak a ngei tiah WHO nih ralrin peknak cathanh an chuah. Kiktlaih le khuhkhuh zawtnak caah serchuahmi khuhsi hang chung ah an telhmi cu ngakchia caah Kal a hrawk khotu a si i, nun himnak ca tiang a hnorsuang kho i thihnak tiang a chuahter khawh tiin kan hmuh tiah WHO in Dr. Tedros Adhanom Ghebreyesus nih a chim.

Buainak a chuahtertu khuhsi hang cu New Delhi hrambunh Maiden Pharma company nih an serchuah mi a di. A tulio ah WHO nih kherhhlainak a tuahmi ah India ram sii-ai lei rianṭuannak ah ṭuanvo ngeitu hna nih an bawmh hna. Maiden Pharma nih an serchuahmi si hna cu India ram ah a bik in zuar a si i, Asia, Africa, Latin America le ram cheukhat sin ah kuat in an zuar tiah theih a si.

Sagaing ramṭhen, Myaung pengchung Minhla khua, nihin October 6 zinglei ah SAC ralkap nih co-ka ah an hmanhmi bomb lamhsual ruang ah kum 60 tluk upa Daw Tin San a nunnak a liam tiah tualchung mi nih an chim. Minhla khuachung ah a luancia August thla in SAC ralkap hna nih khuachung ah rallam an rak sial, cu lio ah inn pakhat co-ka ah bomb an hmanh ta, cu bomb cu nihin October 6 zinglei ah Daw Tin San nih aa lamhsual caah a nunnak a liam tiah Myaung PDF Cdsom nih an chim.

“Cu hlan ah SAC ralkap an chuah hnu in cun khua khat le khua khat aa tonnak lampi ah an hmanh takmi bomb cu kan hrawh khawh tawn. Cun Bomb hmanhmi kong he pehtlai in ruahnak i cheuhnak le fim i chimhnak zong tuah kan i tim” tiah Myaung Pdf Cdsom nih a chim.

Sagaing ramṭhen, Myaung pengchung Minhla khua, nihin October 6 zinglei ah SAC ralkap nih co-ka ah an hmanhmi bomb lamhsual ruang ah kum 60 tluk upa Daw Tin San a nunnak a liam tiah tualchung mi nih an chim. Minhla khuachung ah a luancia August thla in SAC ralkap hna nih khuachung ah rallam an rak sial, cu lio ah inn pakhat co-ka ah bomb an hmanh ta, cu bomb cu nihin October 6 zinglei ah Daw Tin San nih aa lamhsual caah a nunnak a liam tiah Myaung PDF Cdsom nih an chim.

“Cu hlan ah SAC ralkap an chuah hnu in cun khua khat le khua khat aa tonnak lampi ah an hmanh takmi bomb cu kan hrawh khawh tawn. Cun Bomb hmanhmi kong he pehtlai in ruahnak i cheuhnak le fim i chimhnak zong tuah kan i tim” tiah Myaung Pdf Cdsom nih a chim.

Thailand, Nong Bua Lamphu pengkomh chung tualleng sianginn pakhat cu palik bawi a rak ṭuan balmi pakhat nih luhhnawh in meithal in a kah hna ruangah ngakchia telhin minung 36 an thi tiah theih a si. Meithal in a kaptu pa nih cun a nupi le a fa zong a kah chih hna tiah Thailand media nih an langhter.

Meithal kahnak ruangah nunnak liammi cazin hi a tutiang ah minung 36 an si, cuchung ah cun ngakchia 24 an i tel tiah theih a si. Cun hliamhma tuarmi hi minung 12 an si i, pengkomh sizung ah thlopbulnak an tuah hna tiah theih a si. Meithal a kaptu hi palik bawi a rak ṭuan balmi a si i, meithal in a kah hna hnu ah a nupi le a fa zong a kahthah hna i a zaam, amah le amah a nunnak zong ai la tiah theih a si.

Meithal a kaptu hi palik bawi a rak ṭuan balmi Panya Kamrab(kum 34) a si i, rithaisi cawk zuarnak kong ah pehtlaihnak a ngeimi a si caah a reng in chuah le palik sinak in rianchuah a rak tongmi a si tiah theih a si.Tedim Khua Hrambunh 269 Battalion Ralkap Nih Bomb An Phummi A Puah Ruangah Pa Pakhat A Nunnak A Liam, Nu Pakhat Hliamhma A Pu, Chin ramkulh, Tedim khua um 269 Battalion ralkap nih bomb an phummi a puah caah pa pakhat cu, October 3 zaan sml 9:00 hrawng ah a nunnak a liam, nu pakhat zong hliamhma a pu, tiah theih a si.

“Zaan sml 9:45 tluk ah bomb a puak i pa pakhat cu a hmun ah a thi colh. Nu pakhat tu cu hliamhma a pu i Kalaymyo ralkap sii-inn ihkhun 100 umnak ah an kalpi. Pa pakhat a thimi ruak tu cu an vui cang,” tiah tualchung mi pakhat nih a chim. A thimi pa cu Tedim khua Sakaw lam sang ummi San Chu rawl dawr ngeitu a vapa a si i, hliamhma pumi nu zong hi dawr ngeitu nu i a nau a si ve.

Puahkehnak kong he pehtlaiin tualchung mi hna nih cun 269 Battalion ralkap nih an hmanhmi bomb a si lai, tiah an zumh.Tualchung mi cheukhat nih a thimi pa hi SAC ralkap pension Captain pakhat a si, tiah an chim ko nain fiang tein hngalh a si lo. Crd-The Chin Post

Relchap, Chin ramkulh, Mindat ah Public Administration, Township Education Board Hruainak In World Teacher’s Day An Tuah!
Chin ramkulh, Mindat ah, Public Administration, Township Education Board hruainak in, sianglairuun sianginn pakhat ah, nizaan October 5 ah World Teacher’s Day an tuah tiah theih a si.

Cu programme ah cun, Mindat peng Public Administration in Secretary, Township Education Board in tuanvo ngeitu le CDF-MINDAT commander hna an i tel i cu hna nih cun biachimnak an ngeih hnu ah World Teacher’s Day philh lo nak caah Essay tial zuamnak le Sports zuamnak zong an tuah tiah kan theih.

MATC/MDF Nih CDF-Mara An Kah Mi Hna Kongah CDF Mara Nih Cathanh An Chuah, 2022 October 3 ah, CDF-Mara headquarter in Bataillon 2, number 3 ah hriamnam ken loin a um kalmi CDF-Mara ralkap hna cu MATC/MDF nih nan kah hna. CDF-Mara ralkap hna cu hriamnam an i ken lo caah, MATC/MDF cu lehrulhnak tuah loin hnu an tolh.

2021 March 25 lio zong ah, hriamnam ai ken lomi CDF-Mara Tat-Khuai-Hmu (Palik CDM) cu, MATC/MDF nih nan rak thah pinah General Staff le ralkap dang pahnih hna zong nan rak hliamh hna. Tutan zong CDF-Mara ralkap hna cu, timh ciammam tein nan kan kah caah CDF-Mara nih a herh ning bantukin kan in lehrulh ve hna lai tiah CDF-Mara nih cathanh an chuah.

Tedim Khua Hrambunh 269 Battalion Ralkap Nih Bomb An Phummi A Puah Ruangah Pa Pakhat A Nunnak A Liam, Nu Pakhat Hliamhma A Pu, Chin ramkulh, Tedim khua um 269 Battalion ralkap nih bomb an phummi a puah caah pa pakhat cu, October 3 zaan sml 9:00 hrawng ah a nunnak a liam, nu pakhat zong hliamhma a pu, tiah theih a si.

“Zaan sml 9:45 tluk ah bomb a puak i pa pakhat cu a hmun ah a thi colh. Nu pakhat tu cu hliamhma a pu i Kalaymyo ralkap sii-inn ihkhun 100 umnak ah an kalpi. Pa pakhat a thimi ruak tu cu an vui cang,” tiah tualchung mi pakhat nih a chim. A thimi pa cu Tedim khua Sakaw lam sang ummi San Chu rawl dawr ngeitu a vapa a si i, hliamhma pumi nu zong hi dawr ngeitu nu i a nau a si ve.

Puahkehnak kong he pehtlaiin tualchung mi hna nih cun 269 Battalion ralkap nih an hmanhmi bomb a si lai, tiah an zumh. Tualchung mi cheukhat nih a thimi pa hi SAC ralkap pension Captain pakhat a si, tiah an chim ko nain fiang tein hngalh a si lo.

Min Aung Hlaing Nih Nawlngeihnak A Lak Ruangah Puma Energy Companny Cu Myanmar Ram In An Chuak Cang, SAC hruaitu Min Aung Hlaing nih, nawlngeihnak a lak ruangah Puma Energy Companny nih datsi le vanlawng diesel cawk zuarnak rian vialte a tuahmi cu kaltak in Myanmar ram kan chuah tak cang, tiah cathanh an chuah.

Singapore hrambunh Trafigura Energy Companny kuttang Puma Energy cu, Myanmar ram ah chawleh chawhrawlnak a tuahmi vialte zuar dih ding in minsen a thut cang. Puma Energy Asia Sun le National Energy Puma Aviation Services (NEPAS) hna telh in Puma Energy nih a ngeihmi share vialte zong a zuar dih i, Myanmar ram a chuah tak cang lai, tiah theih a si.

Puma cu Myanmar ram chungah datsi le vanlawng diesel tam bik a phak tertu a si. Puma Energy Companny cu SAC nih nawlngeihnak an lak hnu 2021 in an rian vialte an ngol i, kum 2022 ah Myanmar ram an chuah tak hi a si.

CDF-Matupi He Kahdohnak A Chuah Hnu Matupi Khuachung Ah SAC Ralkap An Chuak Ngamlo , A luancia September 19, Matupi khuapawng ah SAC ralkap le CDF-Matupi kar kahdohnak a chuah hnu in kaphnih kar kahdohnak cu atu le tu a cang i SAC ralkap lei a thimi 10 hrawng an si lai tiah CDF-Matupi nih an thanh.

Kaphnih kar i kahdohnak a chuah hlan Matupi khuachung ah SAC ralkap atu le tu leng an chuak na in, kahdohnak a chuah hnu in nihin October 6 tiang ah SAC ralkap hna cu leng ah chuak ngam lo in an umnak sakhan chung ah timhcia tein an um i, cu hlan bantuk in leng zong ah an chuak tilo tiah Matupi khuami nih an chim.

SAC ralkap hna cu leng an chuah hmanh ah a phu le a bubu in an chuak tiah theih a si. SAC ralkap hna cu an sakhan chung lawng ah um in leng an chuah lonak kong he pehtlai in khuami pakhat nih cun ” hriam aa tlaih lo mi mipi cu an kan kah thah ngam, an mah vial cu thih an ṭih taktak” tiah a chim. Crd-The Chin Post

Be the first to comment

Leave a Reply

Your email address will not be published.


*