Breaking News : Sopum ah a Phanmi SAC Ralhrang pawl an Kir Than

Nizaan (June 9) ah Sopum khua ah phanmi SAC ralhrang 100 hrawng cu zaan khat an riah hnu ah an kir tthan, tiah khuami nih an chim.

“Nihin zinglei ah an kir tthan hna. An thilri pawl motor in an phorh i Thantlang lei ah an kal. Khoika ngaingai an panh cu kan thei lo,” tiah a cunglei khuami nih a chim. Cred : The Chin Journal

Relchap : Tamil Nadu Ah Vui 28 Sinin Covid Zawtnak An Hmuh

India ram Tamil Nadu Forest minister K. Ramachandran nih a chim ning ah Mudumalai Tiger Reserve hmun ah a ummi Vui hna cu Covid-19 test a si i vui 28 nih Covid-19 zawtnak an ngei tiah June 8 ah a chim.

Vui covid-19 an zohfelmi hi Chennai, Anna saram chiahnak hmun (Vandalur zoo) ah a ummi chiandeih 9 lakah 1 sinin covid zawtnak an hmuh hnuah Tamil Nadu Forest Minister ruahnak in tuah mi a si.

Covid zawtnak a ngei mi vui pawl hi kum 2 le kum 60 kar an si hna. Coimbatore le Nilgiris district chungah a ummi vui 56 zong Covid zohfelnak an tuah lio tiah theih a si.

Saram sinin Covid zawtnak an hmuh hnuah caw fa 2 le vui hna sample zong Uttar Pradesh, Izatnagar ah hrambunh mi Indian seram lei cawnnak hmun ah kuat an si cang, an result zong a rauh hlan ah a chuak te lai tiah theih a si.

The Chin Post