Salai Dawt Tha Cung Nih Ram Le Miphun Caah A Nunnak A Peek!
RIP, Dawt Tha Cung , Kan hawi tha tuk mi Ram le miphun caah nunnak na pek cang vanram tu in rak kan dong te mu,Na hawi le le na miphun hmaihngal ter tu Upat nak sang bik kan in pek A Cung RIP, Crd..Sunshine Group
Salai The Hlei Sang CDF Nih Ram Le Miphun Caah Nunnak Apek. Salai Tha Hlei Sang, (Sangbawih) CDF nih ram le miphun caah a nunnak a pek. Na miphun nih kan in philh kho lai lo,na ttuanhawi nih na phu an run hlamte lai. Siarem tein va liam. ko kun law. CNA ralkap Salai Van Biak, a rank bo 2 nih ram le miphun caah a nunnak apek. Naupa, Kachin ram ah Bolawng training kum tampi na va kai mi vialte Chinram caah na lungduh in na hman manh ttung lo,Na kan liamtak tuan tuk ai ee. Crd: Salai Williem Hc
Hakha-Falam kar Kahdohnak ah CNA Ralkap “Salai Thawng Hup Lian” a Nunnak a Liam. Nihin May 5 zinglei ah a cangmi Hakha-Falam karlak Tlangzar khua pawng kahdohnak ah CNA ralkap (sen khat) Salai Thawng Hup Lian nih ram le miphun ca ah a nunnak a pek, tiah thawngpang kan theih. Hakha in Falam lei ah a kalmi SAC ralhrang Tank 2 telh in motor 27 hrawng cu May 4 thawk in CNA le CDF-Hakha nih lampi ah an kah hna i atu ca kan ttial lio caan zong ah hin pehzul in an i kap thluahmah.
Nizaan ah Ramthlo khua inn 10 le nihin ah Tlangzar khua inn 10 hrawng SAC ralhrang nih an khangh. Tlangzar khua inn an khanghmi azapi hi fiang in theih a si rih lo. Nizaan in nihin zinglei tiang kahdohnak ah SAC ralhrang a tlawm bik 18 an thi lai, tiah an zumh. A nunnak a liammi CNA ralkap Salai Thawng Hup Lian ruak cu a hawile ralkap pawl nih ttha tein an lak khawh, tiah thawngpang kan theih. Hakha-Falam kar Kahdohnak ah CDF-Thantlang Ralkap “Salai Thawng Tha” a Nunnak a Liam.
Nihin May 5 zinglei, Hakha-Falam karlak Tlangzar khuapawng kahdohnak ah CDF-Thantlang ralkap SalainThawng Tha nih ram le miphun ca ah a nunnak a pek, tiah thawng kan theih. “Salai Thawng Tha hi CDF-Thantlang ralkap lak ah paralttha le pahuaisen taktakmi a si.
Nihin zinglei Tlangzar kahdohnak ah a kan liamtak,” tiah minung pakhat nih a chim. SAC ralhrang pawl nih an motor pawl Tlangzar lonh ah an chiahtak i kee in ramtang ah an lut. Nizan in aa thawkmi Hakha-Falam karlak kahdohnak ah SAC ralhrang a tlawm bik 18 an thi lai tiah an zumh i, CNA le CDF in minung 2 nih a kan liamtak.
Relchap, Karen ramkulh, Tantaung(သံတောင်) palik sakhan in Corporal(ရဲတပ်ကြပ်) Soe Min Htaih(စိုးမင်းထိုက်) le palik pakhat kan kah thah hna i Meithal le kuan zong kan chuh dih hna, tiah People Defense Force-Thandaung nih cathanh an chuah. Nihin May 5 zing sml 8:16 ah Thadaung khua palik sakhan in a rami Corporal Soe Min Htaih le palik pakhat cu, Thandaung -PDF nih an kah thah hna. Meithal zun hnih, meithal kuan le thilri cheukhat an chuh hna tiah theih a si.
Myanmar ram pumpi in dohthlennak tuah hnu May 4, 2022 nikhat chung kahdohnak ah SAC ralkap 108 an thi i PDF 2 a nunnak liam tiah Yangon Khit Thit nih a thanh.Cazin ning ah SAC ralkap a thi mi hi Karenni ramkulh Demosu ah 2, Pharuso ah 2, Shan ramkulh Muse mengtung 105 pawng ah 11,Mandalay ramthen Madaya ah 11, Seinh Ku ah 12, Chin ramkulh Mindat ah 5, Sagaing ramthen Kalay ah 20, Shwebo ah 30, Chaung U ah 12, an dih lak ah 108 an si. Myinmu ah PDF pakhat a nunnak a liam i Chin ramkulh Mindat ah Chin ralkap pakhat bomb puah sual nak in a nunnak a liam.
The National Revolution Army(ERO) le NUG kuttang PDF sin ah CDM a tuah bantuk in aa um ter mi SAC ralkap (mi ngiathlaitu(spy)) 3 tlaih an si tiah NUG Defense Minister U Ye Mon nih Yangon Khit Thit nih biaruahnak a ngeih lio ah a chim. ” CDM kan tuah an ti zong ah mipi sin ah kan i fonh an ti zong ah, mipi ralkap a si mi paoh nih pumpak pakhat cu the Central Committee for the Implementation of the Public Welfare Program ah interview tuah nak a um. A tu ah Dalaan, spy tuah ruah ah CDM a lutmi minung 3 kan theih khawh hna.
A tam deuh cu lungthin tak tein mipi sin ah aa fonh mi pawl hmuh an si, A tam deuh nihhin dohthlennak ah khoika lei ka dir ah kan tei khawh lai i ka cawlcangh khawh ve lai tiin a tim zong tam pi an um, ” tiah Defense Minister U Ye Mon nih a chim. CDM lemcang 3 cu tualchung dohthlennak tuah tu phu nih an tlaih mi hna si i an hren chung rih hna tiah theih a si. ” Myanmar ram nitlak lei kap ah pakhat, chaklei kap ah 2 tlaih an si i central le thlanglei kap ah cun a tu tiang an um rih lo. Tlaih mi hna cu hrennak inn sak mi inn ah khumh chung an si, ” tiah U Ye Mon nih a chim.
Min Aung Hlaing hruai mi S AC chuah tak in CDM a tuah tu ralkap 3,000 hrawng le palek 7,000 fai an si tiah People’s Target Program ah CDM captain Ngi Thuta(ညီသုတ) nih a chim. CDM tuah ding in cazin a pe mi 3,000 hrawng an um bang CDM a tuah lo nain SAC a chuah tak i a dang tein a ummi tampi an um tiah People’s Target Group sin in theih a si.
UN Special Palai Le Pyidaungsuu Hluttaw Committee President Online In Ton Biaruahnak An Ngei, Pyidaungsu Hluttaw Palai Committee ( CRPH) President U Aung Kyi Ngunt le UN Special palai Doctor Nolin Hezar cu tuni ah online biaruahnak an ngei tiah teih a si. Mah online in biaruahnak ah ralzaam mipi pawl hna caah, ngamdam zohfelnak tel in minung zawnruahnak he pehtlaiin bomh peek nak pawk peek khawh nak hnga ding kong,
Mipi cozah uknak sinah phakkhawhnak kong telin Myanmar ram kong he aa pehtlai mi a dang dang kong zong online biaruahnak an ngei tiah theih a si. A tu ah pehzulh in a cang peng mi Myanmar ram buainak, Sahrang pawl thawl khawh nak hnga ding kong, Thawngtla pawl an luat khawh nakhnga ding kong le ram chung ah vawleicung ram pi hna nih bomhnak peek awk a tlak mi kongkau zong online in biaruahnak an ngei tiah theih a si.
Mah online in biaruahnak ah aa tel kho mi hi, Pyidaungsu Hluttaw palai president le phu chungtel hruaitu a si mi Daw Phyo Phyo Thein le Maila Min Htun, Upadi kongkau President, Mipi Konhkau president Dr. Khin Suu Suu Kyi, Federel kongkau president U Lama Naw Aung le International pehtlainak lei kongkau committee presient Myant Thita Htun hna an i tel kho tiah theih a si.
Leave a Reply