Magwe Ramthen, Myaing pengkulh Tagri ah SAC ralhrang le Mipi ralkap tatyin-1 kahdohnak a chuah hnu ah SAC ralhrang nih PDF minung pa 7 an tlaih hna i a hmun ah an kahthah nak kong cu Myaing PDF nih cathanh a chuah. PDF minung pa 7 an tlaih kahthah hna hnu ah SAC ralhrang pawl cu Tagyi khua chungah an lut i Mipi sualngei l0 minung pa 3 an kah thah hna i minung pa 6 hliam an tuar tiah theih a si.
Ralhrang Nih Inn 60 Leng An Khangh Tthan, Magew ramthen, Poh pengkulh, Pathi khua inn cu nihin zanei sang ah khan ralhrang uico rual hna nih mei in an khangh piak hna tiah tualchung mi hna sinin thawngpang theih a si. “Nihin ah khan ralkap le Phusawhtee pawl nih Poh pengkulh, Pathi khua inn cu zanlei sang khan mei in an khangh piak hna i khua mi pawl nih hin inn kang phelh ding in an rak chuak ko nain ralhrang pawl an rat than ruangah an zaam dih than hna tiah mi pakhat niha chim.
Hi khua hi inn 100 hrawng a um i inn 60 hrawng cu a kaang dih i, inn 40 hrawng lawng a taang cang tiah tualchung ummi pakhat nih a chim. Hi khua hi ralhrang uico pawl nih motor cycle 12 hrawng in an rak ra i a tu bantuk in an khangh hi a si tiah an chim. Magwe ramṭhen, Yesagyo peng chung ah a lut mi SAC ralkap le pyosawtee hna cu nihin April 19 chunhnu ah bomb voi 2 puah hnawh an si, tiah Yesagyo PDF nih an thanh.
SAC ralkap le Pyosawtee hna cu Cycle 2 le Motor 4 in an ra i zaanlei Sml 2:00 le 4:00 ah voikhat veve kan bomb kan puah hna i, 4 an thi tiah PDF chungtel Wai Gyi nih a chim. A thi mi hna ruak cu Pakkoku lei ah an kalpi hna, tiah theih a si. April 13 zaan Sml 6 zong ah khan Sinmaye(ဆင်းမရဲ) khua in a rak chuak mi SAC ralkap motor pakhat cu Kuatgyi le Alaytawng khua karlak ah bomb puah hnawh an rak tong, tiah theih a si.
Dawtnak tak tak a si. CDF pasaltha pakhat cu a ral a dohnak ah a ke bul. Pum tlamtling lo tiang in miphun caah aa peknak hi a darling nih a upat i a dawt tak tak timi a van langhter. Pasal caah bak a vat ko. Tuni khan an kong hi online ah a van laar ngai ngai.
Hi hna 2 hi ral doh hlan tein aa duhdawt cangmi an si. A Darling pa hi ralhrang a dohnak ah a ke pakhat hi a bul. Asinain a darling nih a dawt thiam thiam i pasal tiang bak a vat. A darling nu nih hin pum tlamtling lomi ka vat cun tiin zei paoh a theih cia dih ko. Dawt nak tak tak CDF pasaltha cung i a langmi hi a sunglawi tuk hring hran. Dawtnak tak tak cu hihi a si. Bawipa nih thluachuah pe chin ko hna selaw. Congratulation!
Ni 15 Chung Kahdohnak Ah SAC Ralkap 90 Hrawng An Thi Tiah KNU Nih Cathanh A Chuah, A luancia ni 15 chung ah KNU, Brigade 6 hmunhma chungah SAC ralkap he kahdohnak 55 a chuak i SAC ralkap 90 hrawng an thi tiah KNU nih cathanh a chuah.KNU , Dooplayer ( ဒူးပလာယာ) pengkomh, Brigade 6 hmunhma chung ah SAC ralkap hna le BGF hna ramri lawnh in an cawlcangh peng caah KNLA, KNDO hna nih an kah hna hi a si.Dooplayer pengkomh, Kawkareih peng hna hi kahdohnk afak biknak hmun an si i SAC ralkap nih Jet vanlawng zong an hman.
Sehrawn thilri cawhkhawh a si cang nak king cu boc le Denko nih tuni ah theihternak a tuah. Thilawa oil sakhan chungah seh rawn datsi pawl a hlei mi an hman tiah thawngpang a chuah mi kong he peh tlai in, Myanmar ram chunngah seh rawl thilri datsi pawl a piat lo nak kong cu SAC ralhrang in Ministry of Electricity and Energy le Yinan serchuah nak kong zohfel tu zung nih a chim.
Thilawa sakhan pawl telin ramchung ah Oil a tang mi hi Datsi hi Gallons tan(45) a tannak kong le Diesel Gallons Tan(70) a tan dih nak kong , a tu tikulh lei ah a um mi Datsi, sehrawl thilri a phortu tilawng pahnih nih an phorh rih lonak cu SAC ralhrang nih an chim.
Sehrawn thilri cawhkhawh a si cang nak king cu boc le Denko nih tuni ah theihternak a tuah. Thilawa oil sakhan chungah seh rawn datsi pawl a hlei mi an hman tiah thawngpang a chuah mi kong he peh tlai in, Myanmar ram chunngah seh rawl thilri datsi pawl a piat lo nak kong cu SAC ralhrang in Ministry of Electricity and Energy le Yinan serchuah nak kong zohfel tu zung nih a chim.
Thilawa sakhan pawl telin ramchung ah Oil a tang mi hi Datsi hi Gallons tan(45) a tannak kong le Diesel Gallons Tan(70) a tan dih nak kong , a tu tikulh lei ah a um mi Datsi, sehrawl thilri a phortu tilawng pahnih nih an phorh rih lonak cu SAC ralhrang nih an chim.
Leave a Reply