BREAKING NEWS, SAC Ralhrang Nih PDF Sakhan Pa 6 An Laak!

SAC Ralhrang Nih Mipi Ralkap Sakhan Pa 6 An Laak

Ayataw ah PDF sakhan pa 6 cu hraimnam khat lo ruangah SAC ralhrang nih mei in an khangh an hrawh dih theih a si. Sagaing ramthen, Ayataw pengkulh ah a um mi, Mipi Hmunhimtuk Ralkap (PDF) sakhan cu May thla ni hnih zinglei suimilam 6:30 hrawngah SAC ralhrang nih mei in an khangh an hrawh dih nak kong cu Ayataw pengkulh PDF phu nih tuni ah cathanh a chuah.

Ayataw Sun Ye, Monywa Figter Group, Black Dragon Special Task Force le Unau Hoikom Ralkap sakhan telin a dang sakhan pa 6 hna cu SAC ralhrang  ralkap thazaang 100 hrawng in mei in kan khang an hrawk, am laak nak kong cu Monywa Fighter Group Mipi hmunhimtu Ralkap (PDF) In Bo Zar Ni nih The 74 Media zongah a chim.

” Hrimnam ngan in voinga, RPG In voi ruk le hraimnam a dang dang zong in voi tamtuk an kah hnu ah khua chungah an lut. khua chung an luh hnuah kan mah Sakhan cu mei in an khangh an hrawh, Cun hraimnam kan ngeih lo a asi ah cun kan dohthlennak cu a har peng ko lai.” ti zongin a chim.

Ayataw pengkulh chungah a um mi, Ma Teta khua le Kan Yin khua hna cu May thla nihnih ah inn 803 hrawng an khangh piak dih hna tiah theih asi. Myaing pengkulh sakhan zong SAC ralhrang nih an va luh hnawh i PDF an hraimnam, meithal le bomb hna telin hraimnam a dangdang zong an lak piak chap hna tiah theih si.

Relchap, SAC ralkap hruaitu Min Aung Hliang nih daihnak kong i ceihmai ding in tlangcung hriamtlai phu hna a auhnak Nationwide Ceasefire Agreement(NCA) minsen thutnak ah tlangcung hriamtlai phu 5 an i tel lai, tiah Peace Process Steering Team(PPST) sin in theih a si. Nihin May 6 ah PPST cu meeting an tuah hnu ah tlangcung hriamtlai phu 5 lawng nih SAC cu kan ton lai, tiah an fehter ti in meeting aa tel ve mi pakhat nih a chim.

NCA Kong Ceihhmai Ding In Tlangcung Hriamtlai Phu 5 Lawng Meeting An Kai Lai! – The Chin Post

Arakan State Liberation Party (ALP), The Karen Army for Democracy (DKBA), Karen National Union/Karen National Liberation Army (Peace Council (KNU / KNLAPC)), Pa-O National Liberation Organization (PLO) le New Mon State Party (NMSP) hna cu Naypyitaw ah SAC tong ding in an kal lai, tiah an chim.

NCA Kong Ceihhmai Ding In Tlangcung Hriamtlai Phu 5 Lawng Meeting An Kai Lai! – The Chin Post

“All Burma Students Democratic Front(ABSDF) cu Central Committee meeting tuah a hau rih. Cucaah kan ruahnak kan chim kho rih lo. Lahu Democratic Union (LDU) cu tulio anmah chunglei ah tuah ding tete le harnak tlawmpal a um pah caah meeting kai ding in timtuahnak an ngei kho rih lo, tiah kan ruah. CNF zong tulio sining kong ah an kai kho rih lai lo, tiah kan ruahpiak hna,” ti in PPST chimnak nawlngeitu Colonel Saw Kyaw Ngunh nih a chim.

NCA Kong Ceihhmai Ding In Tlangcung Hriamtlai Phu 5 Lawng Meeting An Kai Lai! – The Chin Post

A luancia April 22 ah SAC Chairman nih rampum daihnak caah tlangcung hriamtlai kip hruaitu hna he tonbiaruahnak kan ngei lai, tiah a rak chim. SAC ralkap hruaitu sawmnak cu thazaang a ṭhawng mi hriamtlai phu hna a si mi Karen National Union (KNU); Chin National Front (CNF) and Kachin Independence Army (KIA) hna nih cun an hnawn.

NCA Kong Ceihhmai Ding In Tlangcung Hriamtlai Phu 5 Lawng Meeting An Kai Lai! – The Chin Post

Htilin Ah SAC Ralkap Yan Shing Thang Cu Yaw Defense Focre Sinah A Zaam, Magwe ramṭhen, Htilin peng Wuabuchaung(ဝါးဘိုးချောင်) khua ah SAC ralkap Ṭatma 11 in Corporal Yan Shing Thang cu zan sentari a congh lio ah May 5, YDF-Htilin sinah aa fonh tiah theih a si., A zaam mi Corporal Yan Shing Thang hi zan sentari a congh lio ah a hriamnam a chiah ta i, YDF-Hti sinah a zaam beh. A himnak hmun ah kan va chiah cang, tiah YDF-Htilin nih cathanh an chuah.
May be an image of 1 person and sitting

Be the first to comment

Leave a Reply

Your email address will not be published.


*