Ramdang He Ral Kan Ngei Lo, Hoikom Lawng Kan Si Tiah SAC Ralhrang Nih Mipi A Lemsawi
Ramleng ram hna he pehtlainak ah ral kan ngei lo , hoikom kan si hna tiah Zaw Min Htun nih a chim. A tak hmanh ah Ramleng he chawnhbiak pehtlaihnak ah ral kan si hmanhah hoitha siding in kan i zuam tiah ramleng he chawnhpiak pehtlaihnak ah SAC ralhrang thawngzamh ah Zaw Min Htun nih a chim.
Myanmar ram nih a hman mi, rampumpi chawnhbiaknak ah ral kan ngei lo, hoikom kan si hna tiziong in Zaw Min Htun nih a chim chap. Ramleng bomhnak kan herh timi hi a dik ko nain rampi a thazaang cu ram chung lawngah a um timi cu zumh a si caah, Ramchung thazaang athawnh deuh nak hnga ding caah SAC ralhrang lei nih ramchung chawlehnak cu kan thawnter deuh lai tiah Zaw Min Htun nih a chim.
Mah leng ah ramchung in a chuak mi thazaang pek loin ramleng chuak thazaang pek a si zongah chawlehnak thazaang dernak a um caah ram chungin a chuak mi cu thazaang kan pek lai ti zong in Zaw Min Htun nih a chim. Cun tlangcungmi hna zong ramleng hmunhimnak thazaang zong kan serti hna la tizong in Zaw Min Htun nih a chim.
CNA Ralkap Tuan Peng Lian nih ram ca ah nunnak a pek
Tonzang Khuachung Ah Kahdohnak Chuak SAC Ralkap Thi le Hliam An Um!
Chin ramkulh, Tonzang khuapi chung Basic Education High School(BEHS) ah umhmun khuar mi SAC ralkap hna cu PDF-Zoland le Civil Defense Militia (CDM-Siyin) nih nizaan March 23 zing sml 4:00 hrawng an kah hna, tiah theih a si.
BEHS sianginn ah umhmun a khuar mi SAC ralkap le palek 20 hrawng cu Chin ralkap phufonh nih minutes 30 chung hrawng kan kah hna i, thi le hliam tuar mi an tam, kan nih lei thi le hliam um loin hnu kan kir kho, tiah PDF- Zoland ralkap pakhat nih a chim.
“Kahdohnak a chuak i SAC lei nih meithal zunhnih lawng an puah ka theih i, an dai colh i, Suimilam cheu hrawng a rauh ah an umnak sianginn le ralkap umnak camp karlak ah an i chok hna. Hi kahdohnak hi a thli tein, ahohmanh theih lo ding in tuah an duh. A thi mi le hliam tuar mi zat tu cu dik thlir in ka chim kho lo,” tiah Tonzang khua mi pakhat nih a chim. Atutan kahdohnak hi Tonzang khuachung ah a voikhatnak bik kahdohnak a chuah a si.
Myaing Peng Tayatkaan Khua Ah Ummi SAC Ralkap Kah A Tong, SAC Ralkap 17 An Thi
Magwe ramṭhen, Myaing peng Tayatkaan(သရက်ကန်) khua ah umhmun khuar mi SAC ralkap le pyosawthi sakhan cu mipi vengtu ralkap phofonh hna nih hriamngan le hriamhme he an luhhnawh hna i SAC ralkap 17 an thi, tiah cia-tit-net pyohcia (ကျားသစ်နက်ပြောက်ကျား) nih nihin March 24 ah thawng an thanh. Cun An sakhan zong hrawhpiak dih an si tiah an chim. SAC ralkap nih anmah lei a thi mi hna ruak cu Tayatkaan khua thlaan ah an phum hna, tiah cia-tit-net pyohcia nih an chim.
Myo Hla PDF le SAC Ralkap Kahdohnak Ah SAC Ralkap 3 An Thi: Myo Hla (မြို့လှ ) PDF Battalion hmunhma chung ah a ra mi SAC ralkap hna cu nihin March 24 zing Sml 7 :20 hrawng ah mizapi vengtu ralkap hna nih bomb puah in an doh hna. SAC ralkap minung thazaang 45 hrawng cu tilawng veng ding in, Okfat Wegyi (အောက်ဖက်ဝဲကြီး) khua in an ke in an kal i, hi lio ah mizapi vengtu ralkap hna nih an kah hna. Cu kahdohnak ruangah SAC ralkap minung 3 an thi i, tamlakte hliam an tuar, tiah Myo Hla PDF nih cathanh an chuah.
Cu kadohnak cu minutes 10 hrawng a rau i, SAC ralkap lei nih hriamngan le hriamhme he pehzulh in an kah hna nain mizapi vengtu ralkap leiin a hliamtuar um lo tein hnu an tolh kho, tiah theih a si.
Leave a Reply