BREAKING NEWS, SAC ralhrang Nih Dr. Aung Myo, U Ye Min Oo Le U San Naing Tazaa An Cuai Hna!!

SAC ralhrang Nih Dr. Aung Myo, U Ye Min Oo Le U San Naing Tazaa An Cuai Hna

Naypyidaw thanchonak committee president vuanci hlun Dr. Aung Myo, A pahnih nak president U Ye Min Oo le committee chungtel hlun U San Naing hna cu Anti-Corruption Law upadi in SAC ralhrang nih tazaa an cuai nak tiah Myanmar Anti-Corruption Commission nih thawng an zamh.

Naypyidaw thanchonak committee in tuanvo ngei tu hna sinah hmai thlak mi he pehtlaiin Anti-Corruption Commission nih a tu hi hlethlainak an nheih chuiah mah lio a si tiah theih a si. Crd-Myanmaplatform

Ukarine president Volodymyr Zelenskyy nih EU chungtel si ding ah form cu tling tein a tial dih hnu ah Kyviv khua a vun phan mi EU embassy Matti Maasikas sin ah nikhatni khan a ap cang tiah theih a si . Mah hi hi EU ah Ukarine a telkhawhnak ding ah karkhat vun kar khi a si i Ukarine rammi hna nih an duh dan in kan pehzulh kan tuan lai tiah President Zelensky nih EU sin ah phungning tein form a ap hi a si .

EU a lulei a si mi Ursula von der leven le ram dang lei pehtlaihnak le Venhimnak lei riantlai Josep Borrel nih an pek mi EU luhkhawhnak ding  biahalnak khophnih cu tling tein lehnak a tial dih hnu ah EU embassy sinah a pek kong le EU chungtel si ding a cohlan ding a zumhnak kong zong President nih a chim .

Ukarine cu Russia nih  luh hnoh in a tuk hnu  khan A voikhatnak bik EU i a lu lei a si mi Ursula Von Der leven cu April thlahram thawk Ukarine a rak phan i EU luhnak form cu President Zelensky sinah a rak pek.Ukarine EU chung kan tel le tel lo cu a ralaimi zarh ah biakhiahnak kan tuah lai tiah EU Commission nih a chim. Ukarine EU luhter hi Russia doh hramhram he a khah caah ,Russia President Vladimir Putin nih EU ah luh loding a hrocer zong theih a si .

 

Sri Lanka president nih cozah thar a dirh Sri lanka ram ah rianthar an khinhmi hna Vuanci 17 le min pawl cu President Gotabaya Rajapaksa nih nikhat ni ah khan a thanh. Asinain Cawlehnak atumchuk tuk ca le rammi duhlonak a langhter tu hna sin in cozah riantuan hmanthlak pawl hmuh an si caah an chungkhar pawl tu cu an langhter ti hna loh.

Sri lanka harsatnak a tuar mi hi sersiam thannak ding ah rampi i uknak phung pawl zong hi  a thleng thai zong a si kho tiah President nih Vuanci thar min a chim lio ah khan achim chih  tiah President zung lei thawngthanhnak hmuh a si. Mipi nih an hal mi an duhnak pawl thlen ding ah  a tu harnak zong hi caan tha zong a si kho men ,mah caan tha pawl hi cozah riantuantu hna  kutchung  ah a hngat ,mah cu pawl a thlen khawhnak ding ah i bawmcio hna u si tiah Mino pawl zong kan sawm hna tiah President Rajapaksa nih a chim .

Dohkalhtu party pawl le thiamsang pawl nih forfialnak an chim bantukin kakip fonh Tangka lei IMF sinah a rianrangnak bik in bawmhnak zong hal a hau tiah a chimchap. Sri Lanka ram ah ramdang tangka a tumtuk caah mipi nuai 20 hna hrang ah sii ai ,eiding le detsi – diesel an i za loh, harsatnak an tuar cun electric mih tipawl zong an tong hna curuangah khuapi a simi Colombo lampi ah duhlonak lam zawhmi an tamnak hi a si tiah a chim zong theih a si.