BREAKING NEWS, SAC Ralhrang Min Aung Hlaing Nih Dainak Sawmnak Ah Tlangcung Hriamtlai Phu 5 An Kai Lai 

SAC Ralhrang Min Aung Hlaing Nih Dainak Sawmnak Ah Tlangcung Hriamtlai Phu 5 An Kai Lai

SAC ralhrang Min Aung Hlaing nih sawm mi daihnak tonbiaruahnak puai cu kahdoh daihnak phu (10) in dirh mi, ram daihnak lei lam hruaitu phu (PPST) in phu (5) le NDAA hna cu an kai lai tiah theih a si. Mah daihnak sawmnak kong he pehtlaih in May hla ni 6 ah ton biatuahnak an ngei hna , an mah le phu cio in ruahnak an peek cio nak kong PPST in chimnawl ngeitu Bohmugyi Saw Kyaw Ngunt nih CNI ah a chim.

” Ni zaan ah tonbiaruahnak ah kan thu mi caan ah PPST nih ruahnak a peek mi phu 5 an um, a tnag mi phu hnih hna nih an mah i centre ah ceihmainak tuahthan ding a um an ti i, ruahnak a pee kho lo mi phu khat an um, Cun phu khat nih an mah phu sining a tu lio harnak in a tu sawmmi ceihmainak puai kai ding lam kan ngei lo an ti i ruahnak peek mi phu khta an um.” tiah a chim.

SAC ralhrang nih sammi daihnak tonbiaruahnak a kai hnga ding PPST phu chungtel hriamtlai phu pawl in DKBA, ALP, KNU-KNLA (PC), PNLO, MNSP hna hi SAC ralhrang nih sawmmi diahnak  tonbiaruahnak ceihhmainak ah a kai hnga ding an si tiah theih a si. Cun FPNCC, NDAA- Mongla phu, FPNCC , NDAA hna nih mah sawmnak ah an kai nak lon ding cu NDAA in U Kyi Myint nih CNI ah a chim.

” Kan mah lei nih ramkhel kong pawl cu ramkhel in ceihhmainak ngeih a si lai i capuai cungah ceihmainak kai a si lai caah buaktlak in ceihmainak kan ngei. Mah ti a si ah cun kan mah lei cu ka kai lai lo.” tiah a chim. UWSA in U Ngi Zam nih ‘” Kan mah center lei in zeibia an chim mi hmanh kan theih kho rih lo. Kan nih phu cu theih bantuk hi kan si ko. A tu tiang ah ceihmainak kan ngei lio, kan i ruahchunh lio a si.” tiah a chim.

Ram daihnak lam ah a tel mi cheukhat phu hnanih cun UWSA phu cu mah sawmnak ah an kai ko lai tiah theih a si. KNU, ABSDF , KNPP , CNF hna cu SAC ralhrang nih daihank sawmnak ah a sawm hna lo tiah mi cheukhta sin in theih a si i, Cun thlang lei unau hoikom  hraimtlai phu 3 hna cu an kai lai lo tiah theih a si.

Relchap, Mizapi Bawmhnak In Cawk Mi Hriamnam Yuangan PDF Nih An Langhter SAC ralkap dohnak ding caah mizapi nih pekchanh mi phaisa in an cawk mi hriamnam zeimawzat cu Yuangan (ရွာငံ) PDF nih an langhter. Cu an cawk mi le an langhter mi hriamnam hna cu MA16 pakhat telh in meithal 6, kuan 500 an si i Mizapi nih hlutmi phaisa in April thlachung ah kan cawk tiah hmanthlak he nihin May 7 ah cathanh an chuah.

Mindat-Matupi Lam Mengtung 40 Ah Um Mi Khua SAC Nih An Khangh, Chin ramkulh , Mindat peng ah nihin May 7, zinglei ah SAC ralkap motor run cu CDF-Mindat nih kan kah hna caah Mindat-Matupi lampi mengtung 40 ah ummi khua cu SAC ralkap nih an khangh tiah CDF-Mindat nih cathanh an chuah., Nihin May 7, zinglei ah SAC ralkap motor run cu khuallam peh ding in kal an i timh lio ah CDF-Mindat nih bomb kan puahhnawh hna cah SAC ralkap hliamtuar mi le a thi mi an um lai tiah zumh a si tiin CDF-Mindat nih an thanh., SAC ralkap nihcun Mindat-Matupi lam mengtung 40 ah ummi khua cu an khangh i, CDF – Mindat le SAC ralkap kar kahdohnak a chuak cuahmah tiah theih a si.

Shan ram thlanglei le chaklei thla 4 chungah vawlei phummi bomb le hriamhlei hna ruangah tualchung mi 14 an thi i, 45 hliam an tuar tiah theih a si. Tualchung mi hna cu an rianttuannak hmunhma ramlak an kal ah hriamtlai tu hna nih an hmanhmi bomb lamhsualnak ruangah le kahdohnak chungah hrelh takmi/a taangmi hriamngan puahnak ruangah a thi mi le hliamhma tuar mi hna an um hi a si.

Nunnak a liammi hna le hliamhma tuarmi hna chung in kum 5 tang ngakchia zong an i tel i, cu ngakchia hna nih cun a puak rihlo mi hriamngan an char i lentecelhnak ah an hman i puahkehnak le nunnak liam tiang a chuahnak a si. April thlachung ah vawlei phummi bomb le hriamngan puahkehnak ruangah minung pakhat a nunnak a liam i, minung 6 hliam an tuar. March thla ah minung 8 an nunnak a liam i minung 18 hliam an tuar. February thla ah minung 2 an nunnak a liam i, 7 hliamhma an tuar. January thlachung ah minung 3 an nunnak a liam i minung 14 hliam an tuar tiah theih a si.