BREAKING News, Russia Nih Chemical Bomb Hman Aa Timh Cang

Russia Nih Chemical Weapon Hman Aa Timh Caah American Nih Ukraine Cu Dollar Millions (200) Man Hriamnam Bawmnak A Pek Chap Lai!

Russia nih Ukraine cu luhhnawh in kahdohnak a tuah hnuah Chemical Weapon hna a hmang kho tiah Nyi Toe phu chairman nih ralrinnak a chim. A liamcia ah khan Ukraine ah Chemical Weapon le Yi Wa hneksaknak an tuahnak hmun a um tiah Russia nih hrokhrol in bia a chim tikah,

hi bantukin a chim hnuin cun Russia nih Chemical Weapon hi a hmang kho cang caah ralring taktakin kan um a herh tiah German media pakhat he tonbiaruahnak ah a chim. Russia nih Ukraine cu Chemical Weapon asiloah Yi Wa hna hmangin Ukraine cu sual a phawtnak kong he pehtlain in kan ngiat lai tiah inn rangpi ah biachimnak nawlngeitu nih a chim ve.

American nih cun Russia i kahdohnak a tongtu Ukraine caah dollar million 200 man hriamnam hna cu bawmnak pek chap dingin ramdamg vuanci nih March 12 ah khan a chim.

Cu an bawmh dingmi hriamnam hna cu: meithal hme deuhmi, tank a kap khomi, vanlawng kahthlaknak zong a tel lai tiah theih a si. Ukraine ram nawlngeihnak le vawlei kongah American nih a chimmi biakamnak bangin Ukraine nih a herhmi paoh cu bawmhnak kan pek lai tiah ramdang vuanci nih a chim.

Falam Khuapi Chung Mei Khanghnak Kong He Pehtlai In Misual (3) Cu CNDF Nih An Tlaih!

Chin ramkulh Falam khuapi chung hmunhma (3) ah misual (3) nih March (5) zaan sml 9:00 hrawngah petrol hmangin mei an khangh nain mipi nih an hmih/thah mamh. An ruahnak le timhmi a tlamtlinh lo caah March 6 zinglei sml 10:00 ah Falam-Rih karlak motor lampi khua pakhat ah minung umnak inn (1) cu mei an khangh.

Cu misual (3) hna cu CCTV record ningin siseh mipi nih an chim ningin CNO/CNDF nih dothlatnak a tuah tikah Biak Ceu Lal, Ceu Lian Hum, Sang Lian hna an si timi a fian ruangah Biak Ceu Lal le Sang Lian Hum hna cu Mizoram chung Aizawl khuapi ah an tlaih khawh hna i, Sang Lian cu Mizoram ramri Zokhawthar ah an tlaih hnuah CNDF nih misual an hremnak thonginn ah an hrenh hna.

March 6 zaan sml 11:30 ah Falam khuapi chung Lanpa sang inn (3) mei khanghnak kong zongah anmah (3) hi zumh an si caah pehzulh in biahalnak le zohfelnak kan tuah te lai tiah CNO/CNDF nih cathanh a chuah.

Falam khuapi ah mipi umnak inn mei khanghnak le hrawhnak kong le mipi thinphang thlalau in tuahtu misual (3) hna cu, mipi nunnak, ngeihchiah chawva venhimnak tuahpiak dingin rak dirhmi CNO/CNDF nih fak taktakin dantatnak kan pek lai tiah cathanh an chuahmi ahcun an langhter.

ASEAN Special Palai He Ton Biaruah Ding Kahdohnak Daihter Ding Cah SAC Ralhrang Nih Tlangcung Hriamtlai Phu Caa A Kuat

March thla ni 20 ah Myanmar a rak phan hnga ding Myanmar kongkau he pehtlai in ASEAN Special palai a si mi Cambodia a pahnih nak vuanci le ramkhel vuanci a si mi Prak Sokhonn le kahdoh daihter, tlang cung hriamtlai phu kar ah ton biaruah nak tuah ding ah SAC ralhrang lei nih tlangcung mi ca an kuat hna tiah theih a si.

Kahdoh daihnak min athu mi tlangcung hriamtlai phu i ram daihnak nak lam hruai mi phu (PPST) in sam mi a si tiah sawmnak caa ahmu mi phu nih a chim. Kawlram chungah kahdoh daih tlangcung hriamtlai phu 10 an um.

” ASEAN Special Palai he ton biaruah ding ah sawm mi a si” tiah sawmnak ca ahmu tu phu khat sin in theih a si. Myanmar ram ah a voikhat nak bik in a rak phan hnga ding ASEAN palai zong nih Myanmar ram chung ah a um mi phu fonh dih lak he ton biaruah nak ngeih dingah in timhlamh nak a ngei.

SAC ralhrang lei nih NLD tel in ramkhel party phu pawl he tonnak nawl kan pek hna lai tiah an chim i thawng chungah a um mi le, Sahrang tiah ruahmi pawl he ton nak nawk kan pek hna lai tiah SAC ralhrang lei nih an chim.

Kawlram Chung Pumpi Mrach Thla Ni 12-18 Tiang 24hrs Mei A Mit Lai Tiah SAC Ralhrang Nih Cathanh A Chuah

Myanmar ram pumpi March thla ni 12-18 tiang zarkhat chung 24hrs mei amit lai tiah SAC ralhrang nih cathanh a chuah. Mei lein vuanci zung nih mei tha 1455 MKW chuah a si nak kong, hmuh khap a si mi mei tha thar pa 2 in mei chuah khawhnak,

Vawlei tang pipe lam lei pahtlainak cu march thla ni 12 in 18 tiang tuanvo lak nak a si lai nak kong, mei chuah nak dinh ter nak a si lai nak kong, cu ruangah mei serchuah nak cu March thla ni 12 in 18 tiang,

Zarhkhat chung kawlram chung pumpi 24hrs mei a mit lai tiah SAC ralhrang nih cathanh a chuah.A tu ah Biluu Chaung mei zungin a chuak mi mei peknak tower tung an hrawh caah MKW 200 hrawng in mei pek khawh a si lo nak kong,

LNC man a kai tuk i ram chung ram leng Zinan man sining a dik lo i, zinan cawk nak a har tuk lio ah LNC zung pawl i mei pek nak MKW 750 hrawang in dinter chung a si nak kong . Mah ruang ah pekchuah mi nak in hman in a tam deuh caah,

Meitha thingnak le meitha zawrter dingin tuanvo lak lio a si nak kong. A tu ah tower tung pawl cu aran nak in remh lio a si i, Kyohpyo ah siseh, adang hmunhma ah si seh MKW 150 in pekkhawh dingin  i zuam lio a si nak kong. Mei a tu le tu in a mih mi hi  tower tung  hrawh peng ruangah a si tiin Mei lei in vuanci nih a chim.