American Le Russia Nuclear Raltuknak Ah Teinak A Hmutu An Um Lai Lo Tiah Lungtlinhnak An Ngei
Nuclear raltuknak ah teinak a hmu mi hohmanh an um lai lo tiah U.S le Russia nih lungtlinhnak an ngeih nak kong cu The White House in thawngzamh tu a si mi Jen Psaki nih May thla nihnih thawngzamh thinhtlimnak ah a chim tiah Tas thawngzamh zung nih a chim. ” Hihi Russia nih Nuclear raltuknak a si lo tiah Russia lei nih fiangfai ngai in an chim. Hihi kan mah lei zongin kan lung a tling.” ti zongin a chim chap.
” President nih a hmuh ning zong kaa hmattha ko. Cun a dirpi mi cu mah kahdohnak hi doh ding American minung pawl cu vawlei dang ah hmunhma suaichapnak a um lo. Hihi American mipi hna nih theih dingah kan mah lei nih biachahnak kan mgei ttham” tizongin a chim.
Ukraine ram zongah a cang lio mi cungah sining cu North Atlantic raluknak phu le Russia karah aa ningcang lomi Proxy War in aa thlengcang timi zong hnawn a si. ” Hihi aa khat lo mi Proxy War a si lo. A tak ah a cang mi Russia le Ukraine karah kahdohnak a si. American zong mah kahdohnak chung ah luhin kahdohnak a tuah lai lo.
Hihi chim tthan lo dingah a ttha tiah ka ruah. Kremlin nih mah raltuknak cahmai ah mah bantuk bia a chim tiah ka theih.” tiin thawnghlat tu hna nih an chim tiah theih a si. Russia president Putin nih Donbas ah a um mi president ram a si mi ramhnih hruaitu hna nih bomhnak an hal tiah a konglam peek in, a bikin kahdohnak min peek a si mi kahdohnak cu April ni 24 in thawh a si.
Relchap, Kyauksae peng ah CDM cawlcanghnak a tuahtu Education department chungtel pakhat cu tlaih ding in an kawl i, an hmuh lo caah kum 4 le thla 9 tluk lawng a si mi ngakchia telh in a chungkhar minung 9 cu SAC ralkap nih an tlaih hna, tiah tualchung media sinin theih a si.
SAC ralkap nih a luancia April 30 ah Mandalay ramṭhen Kyauksae peng Indai khua ah a um mi CDM cawlcanghnak tuahtu U Wai Lwin Oo cu tlaih ding in an kawl i, an hmuh lo caah a chungkhar hna cu SAC ralkap nih an tlaih hna. “U Wai Lwin Oo cu SAC ralkap nih tlaih ding in nawl an chuah i, a zaamnak a sau cang, amah cu CDM cawlcanghnak a tuahtu Education department rianṭuan a si. Tlaih ding in an kawl i, an hmuh lo caah a chungkhar ngakchia kum 4 fai telh in minung 9 an tlaih hna hi a si,” tiah tualchung mi nih an chim.
A luancia April 29, ah Kyauksae (ကျောက်ဆည်) peng khua helnak lampo toolgate pawng ah a ummi SAC ralkap ngeih mi sin-bi-lat-may(ဆင်မင်းဘိလပ်မြေ) sehzung rianṭuantu hna thlahlawh man sing 1,500 a phortu motor cu tualchung hriamtlai phu nih an phaisa le an motor an i kalpi, tiah SAC nih an thanh.
Cu thil cang mi ah cun Ko Wai Lwin Oo cu aa tel tiah puh a si caah SAC ralkap nih April 30, ah Kyauksae peng Indai khua a umnak inn ah an kawlnak hi a si i, amah an hmuh lo caah a nupi cu an rak tlaih. SAC ralkap hna nih May 1, zinglei suimilam 3:00 ah Ko Wai Lwin Oo inn cu luhhnawh in a chungkhat minung 7 cu an tlaih ṭhan hna.
Cun, nihin May 2 chunhnu suimilam 1:00 ah kum 4 le thla 9 tluk lawng si mi Ko Wai Lwin Oo fanu zong SAC ralkap nih an tlaih chih tiah theih a si. Atu hi SAC ralkap hna nih an tlaih mi Ko Wai Lwin Oo chungkhar hna cu pehtlaihnak tuah khawh an si lo caah kan thin a phang tuk, tiah chungkhar he naihniam in um mi hna nih an chim.
Leave a Reply