BREAKING NEWS, Rampi Buainak Daihtetnak Cu NCA Ah Minthut Cia Dih A Si Cang!!

Ram Daihnak Riantuannak Lam Pawl Hlawh Tling Ding Ah  Hi kong He Aa Pehtlai Mi Pawl  Ruah Nak   A Dik Mi Thinlung Ruahnak Ngeih Ding A Herh Nak Kong Cu Min Aung Hlaing Nih A Chim

Dainak riantuantinak lam hlawh tling ter dingah tuanvo a ngei tu phu pawl he aa pehtlai mi phu pawl ruahnak a dik mi thinlung ruahnak ngeih ding ah a herh nak kong cu SAC ralhrang Min Aung Hlaing nih a chim. Tuni March thla ni 23 Nay Pyi Daw ah tuah mi a voi (12) nak thawngzamh thianh hlimnak ah a tu bantuk hin Min Aung Hlaing nih a chim.

Daihnak tlamtlinter dingah sahrang tiah langter mi phu pawl si loin zei bantuk tlangcung hriamtlai phu pawl he ton biaruahnak kan ngei lai ti zongin a chim. Cu ruangah Tatmadaw lei zongin kum 2021 february ni 1 in tuni March thla tiangah tlangcung hriamtlaiphu pawl in ” A Luat Ta Baw tonnak voi 13, Nay Pyoi Daw ah tonnak voi 25 le tlangcung mi sinah va kal in ton biaruahnak voi 13, a za pi in voi 51 tonnak kan ngei cang tiah a chim.

” SAC Ralhrang Cozah lei zongin riantuan hram kan thawk kaa te ah dainak riantuan nak cu dinh loin tlamtling ter khawh dingah riantuannak lam phun 5 le ramkhel riantuannak lei phun 3 in fak piin riantuannak kan ngeih cu zapi nih hmuh theih a si ko. Tatmadaw lei zongin EAO nih chimphuan mi NCA lam kong kau cungah fek piin dir a si i daihnak lam lei kan kal lio a si tiah” a chim.

Cu lawng si loin cheukhat tlangcungmi hriamtlai phu lei in ton biaruah ceihhmai nak lei ah rat duh loin kahdohnak chungah kan lut ko lai tiah an chim cathanh langhter mi cu an mah an dirhmun lam pakhat lawng a si ti zong in a chim. ” Mipi pawl caah a dai lo mi  pawngkam pawl in sersiam a herh mi an mah pawl i an ruah mi saduhthah a si nak kong an chim. ( A chim duh nak cu ” tlang cung mi hriamtlai phu hna nih mipi pawl harnak a pek hna” ti a si)

Kan nihh lei nih hraimtlaiphu an buainak pawl daiter khamkhawh nak, Ramkhel buainak cu ramkhel in phisin daihtrern ding, Ramkhel ton biaruah ceihmai nak ah riantuan ding le tuanvo lak dingah NCA ah min thut cia a si si cang. (Tlang cungmi hriamtlaiphu le Tatmadaw karah buainak daihternak  cu NCA ah min rak thut cia dih a si cang.)

Thinsau le lungsau tein um in thinlung tuarnak te tlawmpal tal ngeih a si ah cun ram daihnak he aa peh tlai mi kan i timh mi (pantan) cu kan phak khawh ko lai( Kan thinlung kan i thumh cun kan i timh mi lam kan phak khawh ko lai.) Ton biaruahnak le ceihhmainak aum lo a si ah cun a phi chuah nak lam pakhat hmanh a um lo. Ram khel buainak cu ramkhel in kan donghter lai” tiah Min Aung Hlaing nih a chim.

Be the first to comment

Leave a Reply

Your email address will not be published.


*