Vawlei Cung Rampi Hacker Phu Anonymous Hna Nih Russia Files An Phoh Piak Hna
Vawlei rampi Hacker phu Anonymous hna nih Russia centre bank i computer system cu an phoh piak hna nak kong cu an chim i, mah kan phoh mi chungah Russia nih thuh mi Russia Files 35000 cu a ra lai mi ah kan langhter cang lai tiah thanh nak a tuah.
A luancia mi thla chungah Ukraine a kahdoh hnu ah man angei mi Ruble tangka man kham khawh nak hnga ding caah Russia bank nih tuanvo angeih nak kong zong a chim. Ni zaan ah Anonymous phu i Twitter account pakhat ah Russia centre bank an hack nak kong langhter a si ko nain fiangfai tein cun Limited in a um tiin theihhter na a tuah.
Mah an post ah cun ” kan mah lei nih cun Russia bank cu kan phoh piak hna i, a zapi kan phoh mi files hi 35000 a si i a ra lai mi 48 hrs ah langhternak kan rak tuah te lai tiin theihter nak an tuah.
Uico Palik hna Sakhan Cu Pasaltha hna nih anlak piak-video
Kawlram Mandalay Division Kyaukse Sethmuh 1 hmunhma ah ummi Uico Palik hna umnak Sakhan cu, nihin March 25 ni zinglei suimilam 3 ah, Nakani Pyawkcia ralkap pasaltha hna nih anluh hnawhhnai, ankah hna caah, Uico ralhrang lei athi mi tampi an um tiah Pasaltha lei nih thawng anthanh,
Madalay Kyaukse Sethmuh 1 Palik sakhan nih, lung athalo mi zawtnak angeihmi ngakchia cu anthah hna caah, Phuba lak nakah, atuh bantuk in an anum nak sakhan ah luhhnawhi kan kah hna mi asi tiah, Nakani Pyawkcia ralkap pasaltha hna nih anchimh,
Mah Uico hna umnak Sakhan an hrawk piak hna nakah, sakhan ah um mi Uico hna cu minung 12 bak anthah hna i, anmah leicu hliam atuar mi le athi mi pakhat hmanh kan um loi, thate in hnulei kan tawt khawh tiah anchimh, atang ah a in kah lio mi video;-https://www.facebook.com/kmymdnews/videos/512777483780632
Russia Nih Ukraine A Kahdoh Chungah Russia Nih Chemical Hriamnam A Hman Ah Cun NATO Phu Nih An Lehrulh Hrimhrim Ve Lai Tiah Biden Nih A Chim
Brussels khuapi ah tuahmi NATO hoikom phu ton biaruahnak ceihhmai nak ah Biden cu a kai hnu cu Biden nih ” Russia lei in Ukraine a kahdoh chunagh Chemical hriamnam pawl hmang in a kahdoh a si ah cun NATO phu lei zong nih lehrulh nak a tuah ve lai ” tiah a achim.
Kahdoh a tong mi Ukraine ram, a ramri pawl humhimnak, Europe nichuah lei ah hmunhimnak thazaang chap ding kong ton biaruah ceihhmainak ah NATO phu chung tel meeting a dih hnu ah tonbiaruah nak an tuah mi ah Biden nih a tu bantuk in a chim mi hi a si.
Ukarine kahdohnak ah Russia nih Chemical hriamnam pawl a hmang kho i, a hman sual ah cun timi biahal nak ah Biden nih a mah pumpak aiawh in ral lei in aa pehtlai mi thawngpang cu ka chim kho lo tiah arak leh hna.
Leave a Reply