May 28 le 29 ah Paletwa khua ah SAC ralhrang nih mino 10 an tlaih hna, tiah thawng kan theih.
May 28 zinglei sml. 7:30 hrawng ah Paletwa khuachung Myanmar Economic Bank hmaika le uknak lei zung (GAD) hmaika ah pehzul in bomb voi 2 a puah hnu ah atu bantuk in mino pawl an tlaih hna hi a si.
Tlaihmi chung ah nu pakhat aa tel hi nihin zaalei sml. 5:00 hrawng tiang ah an thlah rih hna lo.
Paletwa ah Rakhine hriamtlai AA, SAC ralhrang le CDF-Paletwa tiin an cawlcaang hna i May 28 zinglei bomb puahtu hi ahote an si timi fiang ngaingai in an theih hna lo. Cred : The Chin Journal
Relchap : Ralhrang rallokap pakhat nih Sagaing Ramthen Kani khua pawng ah aa kholh lio mi nu pawl zoh dawhlo thil a hmuhter hna caah Palek pakhat nih meithal in a kahthah.
Sagaing ramthen Kani khua chuahlei Shanmiawng hlei pawngah May 28 zaanlei ah a puakmi a um hnuah aa kholhmi nu pawl cu zoh dawhlo a hmuhtertu ralhrang rallokap pakhat cu palek pa nih meithal in thi lak a kah.
Hi thilcannak an va zoh hnu ahhin ralhrang nih hriamngan in an kah nain hliammi an um lo,Shanmiawng ah ti aa kholhmi nu pawl cu rallokap pa nih zohdawhlo a hmuhter hna,mah cu palek pa nih tuah lo dingin a thloh i bia al nak a chuak i palek pa nih meithal in a kah i sii-inn an phanh pi hnu ah a thi tiah khuami nih an chim.
Kani peng ahhin mipi vengtu ralkap le ralhrang i kahnak a um tawn caah ralhrang thazaang an chapnak a si.
Ralhrang nih Kani peng khua cheukhat cu phunglam um lo in an tlaih hna,an velh hna,an thah hn nak hmun zong a si. Cred : The Chin Post
Leave a Reply